Новости за 18.12.2023

Лениногорск шәһәренең урман-парк зонасында кышкы чаңгыда шуу сезоны ачылу ярышы узды. Балаларга 500 метрдан 5 километрга кадәр араны үз яшь төркеменә карап үтәргә туры килде. Бу хакта «Заман сулышы» хәбәр итә.

Татарстан Дәүләт Советы Россия Конституция судына сирәк очрый торган (орфан) авырулардан интегүче гражданнарны дару белән тәэмин итү турында мөрәҗәгать юллаячак.

Алтай крае «Дулкын» татар мәдәнияте үзәге» иҗтимагый оешмасы «Алга, Дуслар!» проектын тәмамлады. Проектның финал чарасы булып, Сара Садыйкова исемендәге III татар-башкорт мәдәнияте фестивале узды. Бу хакта Бөтендөнья татар конгрессы матбугат хезмәте хәбәр итә.

Атлантикадан килгән һава массалары сәбәпле, бу атнада Татарстанда аномаль җылы һава урнаша. Бу — Татарстан Гидрометеорология үзәге фаразларында чагыла.

Татарстан Республикасы Хөкүмәте һәм «Эшлекле Россия» гомумроссия иҗтимагый оешмасы арасында хезмәттәшлек турында килешү төзелде.

Министр мәгариф учреждениелары киләсе елда да быелгы темп белән төзеләчәген әйтте.

«Миллиард.Татар» 2023 ел сүзен сайлый. Ул халык тавыш бирүе барышында билгеләнәчәк.

Татарстан Республикасы федераль бюджеттан акчаны ала да белә, аны файдалы итеп куллана да белә. Бу хакта Татарстан Дәүләт Советы Рәисе Фәрит Мөхәммәтшин VI чакырылыш республика парламентының 50 нче утырышында чыгыш ясаганда белдерде.

Хәзерге дәүләт башлыгы Владимир Путин Россия Президентына кандидат буларак теркәлү өчен Россия Үзәк сайлау комиссиясенә документлар тапшырды. Бу хакта аның матбугат сәркатибе Дмитрий Песков әйтте, дип хәбәр итә РИА Новости.

Видеоплатформадагы балалар контентының татарчага тәрҗемә ителүен сорыйлар

2023 ел Россиядә Укытучылар һәм остазлар елы буларак билгеләп үтелде.

«Слово пацана. Кровь на асфальте» сериалы авторлары фильмны «Казан феномены» — яшьләр төркемнәренең массакүләм барлыкка килүенә китергән хаталарның кабатлануына юл куймас өчен төшергән. Бу хакта Татарстан Дәүләт Советы Рәисе Фәрит Мөхәммәтшин VI чакырылыш республика парламентының 50 нче утырышында чыгыш ясаганда белдерде.

2024 елда Россия Президентын сайлауда Татарстан электрон дистанцион тавыш бирүне уздыруга гариза бирмәде. Бу хакта Татарстан Үзәк сайлау комиссиясе рәисе Андрей Кондратьев Татарстан Дәүләт Советының 50 нче утырышында хәбәр итте.

Татарстанның мәгариф һәм фән министры фикеренчә, балаларны игелекле, әйбәт фильмнар ярдәмендә тәрбияләргә кирәк.

Тавык йомыркасының хәзерге ваклап сату бәяләре соңгы ун елда рекордлы, ләкин Яңа елдан соң алар төшә башлаячак. Азык-төлек товары җитештерүчеләр һәм тәэмин итүчеләр ассоциациясе («Руспродсоюз») идарәсе рәисе урынбасары Дмитрий Леонов үз фикере белән уртаклашты, дип хәбәр итә РИА Новости.

«Башка милләт халыкларына татар телен мәҗбүр укытырга хакыбыз юк», – диде Татарстанның мәгариф һәм фән министры.

Татарстан Дәүләт Советы депутат Илшат Ганиевнең вәкаләтләрен вакытыннан алда туктату турында карар кабул итте. Ул шул елның ноябрендә вафат булды.

Коронавирус хәзерге вакытта кырыс һәм мәҗбүри чикләү чараларын таләп итми. Бу хакта Кулланучылар хокукларын яклау һәм кеше иминлеге өлкәсендә күзәтчелек федераль хезмәте җитәкчесе Анна Попова белдерде, дип хәбәр итә ТАСС.

25 декабрьдән Татарстанда махсус янгынга каршы режим гамәлгә керәчәк. Пиротехниканы куллануга чикләүләр Яңа ел һәм Раштуа бәйрәмнәре чорына кертелә һәм 2024 елның 8 гыйнварына кадәр дәвам итәчәк. Казанда әлеге көннәрдә пиротехниканы куллану өчен дүрт мәйданчык билгеләнде. Куркынычсызлыкны белгечләр күзәтәчәк, дип хәбәр итте шәһәр Башкарма комитеты җитәкчесе урынбасары Гүзәл Сәгыйтова аппарат киңәшмәсендә. Бу хакта Казан мэриясе яза.

Россия Президенты Владимир Путинның киләсе срокка бару карары — дөрес һәм бик вакытлы. Бүген Татарстан Республикасы Дәүләт Советы сессиясендә Татарстан парламенты башлыгы Фәрит Мөхәммәтшин шундый фикер белән уртаклашты.

Табигый базар процесслары аркасында йомырка һәм тавык бәясе әкренләп төшә. Бу хакта Россия Президенты матбугат сәркатибе Дмитрий Песков белдерде, дип хәбәр итә РИА Новости.

Физкультура һәм спорт гуманитар өлкәдә БДБ илләре арасындагы хезмәттәшлекнең аерылгысыз өлеше булып тора, дип белдерде РФ Президенты Владимир Путин. Ул билгеләп үткәнчә, Россия Казанда узачак Киләчәк уеннары һәм БРИКС Уеннарында бердәмлек илләренең актив катнашуын көтә. Россия лидерының БДБ Хөкүмәт башлыклары Советы утырышында катнашучыларга видеомөрәҗәгате Кремль сайтында урнаштырылган.

Татарстан Премьер-министры Алексей Песошин ТР Дәүләт Советының 50нче утырышы алдыннан «Теләкләр чыршысы» хәйрия Яңа ел акциясендә катнашты. Бу хакта ТР Рәисенең матбугат хезмәте хәбәр итә.

17 декабрь көнне Мәскәүнең Милли-мәдәнияте үзәгендә эшләп килүче «Шатлык» фольклор ансамбленә 25 ел тулу уңаеннан тантаналы кичә оештырылды.

Бүген, 18 декабрьдә, Татарстан Рәисе Рөстәм Миңнеханов Мәскәүдә Россия Хөкүмәте Рәисе Михаил Мишустин белән очрашты. Парламент җитәкчесе Фәрит Мөхәммәтшин ТР Дәүләт Советының 50нче утырышында шул хакта хәбәр итте.