Новости за 18.12.2023

Татарстан Рәисе Рөстәм Миңнеханов Казахстан Премьер-министры Алихан Смаиловка (ул бүген туган көнен билгеләп үтә) татар чапаны бүләк итте. Республика җитәкчесе телеграм-каналында шулай дип язган.

Казан шәһәренең «Әхмәдзәки» мәчетендә 5-15 яшьлек кызлар арасында мәхәллә күләмендә Коръән уку бәйгесе узды. Ул мәчет мәхәлләсе, Казан ислам университетының Коръән хафизлар әзерләү үзәге тарафыннан оештырылды. Бәйгедә катнашу өчен «Әхмәдзәки» мәчете мәхәлләсеннән, Залесный, Осиново һ.б. бистәләрдән 25 катнашучы килде.

Екатеринбург шәһәрендәге «Каюм Насыйри институты» фәнни-белем бирү үзәгендә агымдагы уку елында соңгы татар теле дәресе узды. Аны тәҗрибәле яшь укытучы Алинә Хәйруллина үткәрде. Бу хакта Татарстанның Свердловск өлкәсендәге Даими вәкиллеге матбугат хезмәте хәбәр итә.

Татарстан Рәисе Рөстәм Миңнеханов БДБ илләре Хөкүмәт башлыкларына республиканың бердәмлеккә кергән дәүләтләр белән хезмәттәшлеге турында сөйләде. Тәкъдим итү чарасы Мәскәүнең Халык хуҗалыгы казанышлары күргәзмәсендә (ВДНХ) «Россия» күргәзмәсе белән танышкан вакытта үткәрелде, дип хәбәр итә ТР Рәисенең матбугат хезмәте.

Депутатлар быелгы бюджетны 40,1 миллиард сум дефицит белән раслады. Керемнәр – 484,7 миллиард, чыгымнар 524,8 миллиард сум тәшкил итә. 2023 елга һәм 2024-2025 елларның план чорына республика бюджеты турында закон проектын ТР Дәүләт Советының 50нче утырышында кабул иттеләр.

ТР Рәисе Рөстәм Миңнеханов Татарстан Республикасында террорчылыкка каршы комиссия составын үзгәртү турындагы указны имзалады. Документ хокукый мәгълүмат порталында урнаштырылган.

Яңа ел төнендә Татарстан башкаласында «Казан» Гаилә үзәге янындагы төп чыршы янында һәм «Черек күл» паркында бәйрәм чаралары узачак. Шәһәр Башкарма комитеты җитәкчесе урынбасары Гүзәл Сәгыйтова эшлекле дүшәмбе киңәшмәсендә шулай дип белдерде.

Россиядә көнкүреш техникасы һәм электрониканың бәясе күтәрелергә мөмкин. Җитештерүчеләр әйтүенчә, 2024 елдан Экология һәм табигый ресурслар министрлыгының яңа экологик таләпләре үз көченә керә – экологик җыем ставкасы арта, бу исә товарларның кыйммәтләнүенә китерәчәк. Бу хакта «Известия» газетасы яза.

Опера җырчысы Илдар Абдразаков «The Opera Cooks» опера йолдызлары рецептлары китабы өчен башкорт һәм татар халкының милли ризыгы – зур бәлеш (итле һәм бәрәңгеле пирог) әзерләү рецепты белән уртаклашты. Бу хакта «Башинформ» агентлыгы хәбәр итә.

Яңа ел каникулларында казанлыларга салютлар аттыру өчен дүрт махсус мәйданчык оештырыла. Бу хакта эшлекле дүшәмбе киңәшмәсендә шәһәр Башкарма комитеты җитәкчесе урынбасары Гүзәл Сәгытова сөйләде.

Закон проекты эшчәнлеге буенча Хөкүмәт комиссиясе Росфинмониторинг әзерләгән һәм банкта 100 мең сум салынган счет ачмый торып, гражданнар күчергән максималь акча күләмен чикли торган төзәтмәләрне хуплады. Бу хакта РБК яза, аның карамагында закон проектының хупланган версиясе бар.

Казанның Яңа Савин районында урнашкан аттракционнар паркы проекты – данлыклы «Кырлай» паркы шунда күчә – тарихи-мәдәни экспертиза узды. ТР Мәдәни мирас объектларын саклау комитетында шуның нәтиҗәләре белән таныштырдылар.

Россия Хөкүмәте дәүләт хезмәтләрендәге «Югары уку йортына онлайн керү» суперсервисы эшен дәвам итү турында карарны раслады. 2024/2025 уку елында аннан мәктәпне тәмамлаучылар да, башка абитуриентлар да файдалана алачак, дип хәбәр итә Министрлар Кабинетының матбугат хезмәте.

Бүген Казанда алтынчы чакырылыш ТР Дәүләт Советының 50 нче утырышы узачак. Анда Дәүләт Советы Рәисе Фәрит Мөхәммәтшин республика парламентының быелгы эшенә йомгак ясаячак.

«Татар-информ»га билгеле булганча, кичә 80нче яшендә Татарстан Югары судының элеккеге судьясы Рафаил Хәбибуллин вафат булган.

18 декабрьдә Татарстанда буран көтелә, җилнең тизлеге секундына 15-17 метрга җитәчәк. Бу хакта республиканың Гидрометеоүзәге кисәтә.

Яшел Үзәндә яшәүче 57 яшьлек сугыш хәрәкәтләре ветераны Евгений Шапкин катлаулы тормыш шартларында калган. Бу хакта «Яшел Үзән» сайты Яшел Үзән муниципаль районы матбугат хезмәтенә сылтама белән хәбәр итә.

Кукмарада Атлас Булатов исемендәге күппрофильле лицейда Фәйзелхак Газизуллин исемендәге II республика икътисад укулары узды. Бу хакта «Хезмәт даны» хәбәр итә.