World News in Albanian

Liberalët e kryeministrit kanadez, Justin Trudeau kanë fituar sërish pushtetin, ndonëse kanë humbur shumicën që do t’iu duhej për ta formuar të vetëm qeverinë. Procesi i votimit ka treguar ndasi të thella në këtë shtet, pasi konservatorët e mposhtur kanë fituar votën popullore dhe Blloku Quebecois ka fituar disa zona në provincën Kuebek. Liberalët kanë fituar 156 nga 228 ulëse në Parlament, bazuar në të dhënat e Komisionit, Zgjedhjet në Kanada. Ky rezultat tregon se liberalëve u mungojnë ulëset, apo 170 sa duhet për të krijuar shumicën e thjeshtë. Читать дальше...

Kryeministri izrealit, Benjamin Netanyahu, ka thënë se nuk do të mund ta formojë qeverinë, duke i lënë mundësi rivalit të tij politik për ta bërë një gjë të tillë. Netanyahu ka qenë në pushtet në dekadën e fundit, mirëpo ai nuk ka arritur të krijojë koalicion me shumicën, pas zgjedhjeve të mbajtura në muajin shtator. Rivali i tij, Benny Gantz nga Partia Blu dhe Bardhë do të tentojë që të formojë qeverinë. “Unë kam bërë të gjitha përpjekjet për ta dërguar Benny Gantzin në tavolinën e negociatave, dhe të formojë një qeveri të unitetit kombëtar, për të parandaluar zgjedhjet tjera. Читать дальше...

Perandori japonez, Naruhito ka njoftuar të martën zyrtarisht për ngjitjen e tij në fron, në një ceremoni në të cilën kanë marrë pjesë personalitete nga 170 shtete. Naruhito, 59-vjeçar, i edukuar në Universitetin Oxford, ka fituar pozitën e perandorit të 126-të të Japonisë, pasi babai i tij, Akihito ka abdikuar fronin. Ai do të jetë perandori i parë japonez që ka lindur pas Luftës së Dytë Botërore. Gjatë ceremonisë zyrtare në një pallat në Tokio, Perandori Naruhito ka thënë: Betohem se do të veproj sipas kushtetutës dhe do të përmbush përgjegjësitë e mia si sibmbol i shtetit dhe unitetit të njerëzve”, transmeton agjencia e lajmeve, Reuters. Читать дальше...

Presidenti amerikan, Donald Trump ka thënë se disa trupa amerikane do të qëndrojnë në Siri, pavarësisht kërkesës së tij për tërheqje të ushtarëve nga ky shtet. Ai ka thënë se një numër i vogël i ushtarëve do të mbrojnë territoret e naftës në Siri, derisa të tjerët do të qëndrojnë afër Izraelit dhe Jordanisë. Dy javë më parë presidenti Trump ka marrë vendim për tërheqje të trupave amerikane nga rajoni kufitar mes Sirisë dhe Turqisë. Ndërkohë, Turqia ka nisur një operacion ushtarak kundër ish-aleatëve amerikanë, kurdëve. Читать дальше...

Ish-futbollistët profesionistë përballen tri herë e gjysmë më tepër me rrezikun e vdekjes nga sëmundjet që lidhen me humbje të kujtesës, në krahasim me pjesën tjetër të popullsisë, kanë thënë ekspertët në Universistetin Glasgow. Ekipi i shkencëtarëve ka hetuar shqetësimet se gjuajtja e topit me kokë mund të jetë e lidhur me dëmtimet në tru. Ky studim ka nisur pas pretendimeve se ish-futbollisti Jeff Astle, ka vdekur për shkak të traumave që ka përjetuar në kokë. Në hulumtim janë krahasuar vdekjet e 7,676 ish-futbollistëve në krahasim me 23,000 raste të marra nga popullsia e përgjithshme. Читать дальше...

Udhëheqësi i shërbimit çek të kundërzbulimit, Michal Koudelka ka thënë se rrjeti i spiunimit rus, të cilin e ka shpërbërë agjencia e Çekisë vitin e kaluar, ka pasur synim që të kryejë sulme kibernetike kundër Republikës Çeke dhe aleatëve të saj të huaj. Koudelka ka thënë në një konferencë në ambientet e parlamentit se Shërbimi Informativ i Sigurisë ka bashkëpunuar me njësitë e policisë kundër krimit të organizuar për të paralizuar plotësisht këtë rrjet. “Rrjeti është shpërbërë plotësisht”, ka thënë ai, bazuar në raportimet e Agjencisë Çeke të Lajmeve (CTK). Читать дальше...

Serbia është urdhëruar që të luajë ndeshjen tjetër futbollistike kundër ekipit të Luksemburgut me dyer të mbyllura për shkak të qasjes raciste të tifozëve në ndeshjen kundër Portugalisë, që është zhvilluar muajin e kaluar në Beograd. Ndeshja e 14 nëntorit kundër Luksemburgut do të zhvillohet në kuadër të takimeve për kualifikim në Kampionatin Evropian të Futbollit më 2020. Federata Evropiane e Futbollit (UEFA) ka thënë përmes një deklarate se Asociacioni i Futbollit të Serbisë është ndëshkuar edhe për hyrje të tifozëve në fushë, ndezje të fishekzjarreve dhe thirrjeve të paligjshme. Читать дальше...

Ambasadori amerikan në Prishtinë, Philip Kosnett ka njoftuar se Nick Giacobbe është emëruar zëvendës-ambasador në Kosovë. Përmes një njoftimi në rrjetin social, Twitter, Kosnett ka thënë se është i gëzuar për prezantimin e zëvendësit të ri. “Nick është një diplomat i mençur dhe me përvojë, i cili bashkë me gruan e tij Cory është duke njohur shtetin dhe duke kontribuuar në fuqizimin e marrëdhënieve në mes të Shteteve të Bashkuara dhe Kosovës”, ka thënë ndër të tjera Kosnett. Philip Kosnett... Читать дальше...

Subjektet politike, të cilat në zgjedhjet e parakohshme parlamentare të 6 tetorit në Kosovë kanë përfaqësuar komunitetin serb, presin dhe janë të gatshme të bashkëpunojnë me Qeverinë e re të Kosovës. Njëri prej këtyre subjekteve thotë se pjesëmarrjen në qeverinë e re e kanë të garantuar me Kushtetutë, ndërkaq, subjektet tjera vlerësojnë që përbërja e qeverisë së re është shans, të cilin serbët e Kosovës nuk duhet ta lëshojnë. Megjithatë, Albin Kurti, lider i Lëvizjes Vetëvendosje, e cila si parti e parë me më së shumti vota në zgjedhjet e 6 tetorit, pretendon postin e kryeministrit dhe formimin e qeverisë së re, ka thënë se Lista Serbe duhet të shkojë në opozitë dhe se për postin e një ministri nga komuniteti serb, do të bisedojë fillimisht me partitë tjera serbe. Читать дальше...

Ish-komandanti i Shtabit të Përgjithshëm të Ushtrisë Çlirimtare të Kosovës, Azem Syla është ftuar për intervistim nga Prokuroria e Specializuar për krime të luftës në Kosovë, me seli në Hagë.   Lajmin e ka konfirmuar për Radion Evropa e Lirë, avokati i tij, Besnik Berisha. Ai tha shkurt se “ende nuk dihen detajet” se në çfarë cilësie është ftuar Syla nga Gjykata Speciale. Prokuroria e Specializuar, deri më tash, ka ftuar për intervistim rreth 100 persona, ndër ta  edhe disa nga ish-figurat e larta të UÇK-së, që pas luftës, ishin dhe janë pjesë e skenës politike të Kosovës, sikurse Rrustem Mustafa, Sami Lushtaku, Shukri Buja, por edhe kryeministri në detyrë, Ramush Haradinaj. Читать дальше...