Новости за 17.12.2023

Буа районы М.Вахитов исемендәге гимназиядә яшь армиячеләр хәрәкәтенә нигез салучы Айрат Хисамов исеме мәңгеләштерелде. Аның хөрмәтенә мемориаль такта ачылды. Бу хакта «Байрак» сайты хәбәр итә.

Нурлат китапханәчеләре чиккән район картасы туган якны өйрәнү өчен үзенчәлекле экспонат булачак. Ул 1,2 метр биеклектә һәм 1,5 метр озынлыкта.

Алабугада «Теләкләр чыршысы» акциясенә старт бирелде. Кечкенә алабугалыларның хыялларын чынбарлыкка әйләндерергә ярдәм итәчәк тылсымлы чыршы район Советы бинасында куелды. Инде сишәмбе көнне үк атна саен уздырыла торган шәһәр планеркасында катнашучылар аннан берәр уенчык шар алып, балаларның ни теләвен белә алды. Бу хакта «Алабуга нуры» хәбәр итә.

Бүген Әлмәттә «Татнефть» компаниясе кубогына егетләр арасында Татарстан һәм Россия чемпионы, ТР спорт мастеры, танылган көрәшче Булат Вәлиев истәлегенә Бөтенроссия көрәш ярышлары уза. Бу хакта «Әлмәт таңнары» хәбәр итә.

Дәүләт Думасы фракцияләре җитәкчеләре белән очрашуда Россия Президенты Владимир Путин барлык пенсионерларның торак-коммуналь хуҗалыгы комиссияләрен түләүдән азат ителәчәген раслады. Бу хакта Дәүләт Думасында «Бердәм Россия» фракциясе җитәкчесе урынбасары Андрей Исаев белдерде, дип яза РИА Новости.

Татарстан Республикасында соңгы айда тавык йомыркасына бәя үсү темплары ике тапкыр арткан. Ноябрьдә алар узган елгы бәяләргә карата 50 процентка кыйммәтләнгән, ә октябрьдә — 24,96 процентка гына. Бу — Дәүләт статистикасы федераль хезмәте мәгълүматларында чагыла.

«Бердәм Россия» сәяси партиясенең XXI съезды Россия Президенты Владимир Путинның 2024 елда узачак сайлауларда үз-үзен тәкъдим итүен бертавыштан кабул итте. Тавыш бирүне партия рәисе Дмитрий Медведев үткәрде.

Яр Чаллыда бәйрәм алды «Яңа ел казы» авыл хуҗалыгы ярминкәләре башланды. Аларның беренчеләре бу ял көннәрендә — 16 һәм 17 декабрьдә узды.

Россиягә кертелгән йомыркага импорт пошлинасын алу процессы тәмамланды диярлек. Бу хакта «Бердәм Россия» съездыннан соң Россия авыл хуҗалыгы министры Дмитрий Патрушев белдерде, дип яза РИА Новости.

Казанлылар программалаштыру буенча укучыларның ачык бөтенроссия команда олимпиадасында җиңү яуладылар. Турнир 11-12 декабрьдә Санкт-Петербургта узды.

Татарстанда ноябрьдә инфляция октябрьдәге еллык 6,37 процентка карата 6,98 процентка кадәр артты. Дәүләт федераль статистикасы хезмәтенең Татарстан буенча территориаль органы мәгълүматларыннан шул күренә.

Казан IT-лицее укучысы Глеб Смородинов кылыйлыкны дәвалау җайланмасы уйлап тапкан. Аның ачышы Бөтенроссия уйлап табучылар һәм рационализаторлар җәмгыяте премиясе кысаларында билгеләп үтелгән. Бу хакта Татарстан башкаласы мэриясенең матбугат хезмәте хәбәр итә.

Иртәгә, 18 декабрьдә, Татарстан территориясендә һава шартларының кабат начарлануы көтелә. Бу хакта Татарстан Гидрометеорология үзәге хәбәр итә.

Татарстан Республикасы һәм Санкт-Петербург Рәссамнар берлеге әгъзасы, «Ак калфак-Нева» активисты Эльмира Мостафина иҗади эшчәнлектәге казанышлары өчен «Татарстанның атказанган сәнгать эшлеклесе» исеме бирелде. Бу хакта Татарстан Республикасының Санкт-Петербург шәһәрендәге һәм Ленинград өлкәсендәге Даими вәкиллеге хәбәр итә.

Узган шимбәдә, 17 декабрьдә, кар күп яуганлыктан, Казанда юл-транспорт һәлакәтләре саны арткан.Ул уртача тәүлеклек нормадан артып киткән. Шәһәр дәүләт автоинспекциясе мәгълүматларына караганда, Казанда тәүлек эчендә 278 юл-транспорт һәлакәте булган, шуларның 7сендә зыян күрүчеләр бар.

Россия Федерациясе мөселманнары Диния нәзарәте һәм Россия мөфтиләр шурасы рәисе мөфти шәех Равил Гайнетдин Кувейт әмире Нәваф әл-Әхмәт әл-Җәббар әс-Сабахның вафатысәбәпле кайгы уртаклашты. Бу хакта Россия Федерациясе мөселманнары Диния нәзарәте матбугат хезмәте хәбәр итә.

Казанда ике яшүсмер югалган: 14 яшьлек кыз һәм 15 яшьлек малай. Аларның 14 декабрьдән бирле кайда булуы билгеле түгел. Бу хакта «Татар-информ»га «Лиза Алерт» эзләү-коткару отрядыннан хәбәр иттеләр.

Сухумда Татарстан башкаласына чакыру реклама баннерлары барлыкка килде. Бу хакта үзенең telegram-каналында Туризмны үстерү комитеты директоры Дарья Санникова хәбәр итте, дип яза Казан мэриясе матбугат хезмәте.

Балаларга Яңа елга татлы бүләкләр бирү киңәш ителми, чөнки алар рационындагы шикәр ашказаны-эчәклекнең бозылуына һәм күңел болгануга китерергә мөмкин. Бу хакта Мәскәүнең сәламәтлек саклау департаменты баш педиатры, Зоя Башляева исемендәге Мәскәү Балалар шәһәр клиник хастаханәсе баш табибы Исмәгыйль Госманов хәбәр итте, дип яза РИА Новости.

Татарстанда атна дәвамында — 6-13 декабрьдә дәвам иткән аномаль салкыннар көзге культураларның торышына тискәре йогынты ясамады. Бу хакта Россия авыл хуҗалыгы үзәгенең Татарстан филиалында сөйләделәр.

Тере чыршыны декабрьнең 20 ләреннән соң сатып алырга кирәк, чөнки алданрак алынган чыршы Яңа ел бәйрәмнәре тәмамланганчы коелачак. Әлеге киңәшне Россия халкына Кулланучылар хокукларын яклау һәм кеше иминлеге өлкәсендә күзәтчелек федераль хезмәтенең матбугат хезмәтендә бирделәр, дип хәбәр итә РИА Новости.

Бүген Татарстанда аязучан болытлы һава көтелә. Бераз кар явачак, урыны белән җиңелчә буран булачак. Бу хакта Татарстан Гидрометеорология үзәге матбугат хезмәте хәбәр итә.

Татарстан Рәисе Рөстәм Миңнеханов матур кар яву видеосын интернет кулланучылар белән уртаклашты. Республика җитәкчесе коммуналь хезмәтләр хезмәткәрләренең хәзер эшләре артуын билгеләп үткән.

Быелның 1 декабрендә Алабуга районы башлыгы Рөстәм Нуриев һәм Йөзү федерациясе президенты Вадим Махеев башлангычы белән безнең шәһәрдә «Кама» йөзү буенча спорт мәктәбе ачылды. Бу хакта «Алабуга нуры» хәбәр итә.

11-14 декабрьдә Казанда «Безнең Татарстан» республика яшьләр форумы узды. Форум кысаларында яшьләр сәясәте өлкәсендә социаль әһәмиятле проектларны гамәлгә ашыру буенча грантлар конкурсында җиңүчеләр бүләкләнде, анда Зәй яшьләр эшләре идарәсе 1700000 сумлык грантлар отты. Бу хакта «Зәй яңалыклары» хәбәр итә.