Новости за 05.12.2023

2022 елның апрелендә төзелгән «Беренчеләр хәрәкәте» 4 миллионнан артык тарафдарны берләштерә. Бу хакта Пятигорскида хәрәкәтнең күзәтү советы утырышында Россия Президенты Владимир Путин белдерде.

Бүген Казанның «Ак Барс» хоккейчылары «Северсталь» командасына 4:1 исәбенә җиңелде. Матч Череповец шәһәрендә узды.

2023 елның 1 октябренә Татарстанда дебиторлык бурычы 2,048 млрд сум тәшкил итте. Гомумән алганда, 2022 елның 1 октябреннән соңга калып түләү 76 млн сумга кимегән булса, агымдагы елда 21 млн сумга үсеш күзәтелә. Бу саннар ТР Премьер-министры Алексей Песошин рәислегендә узган «Татэнерго» Директорлар советы утырышында яңгырады. Бу хакта ТР Рәисе матбугат хезмәте хәбәр итә.

Татарстанда 2024-2026 елларга «Эшкә урнашуда ярдәм күрсәтү» хезмәтенә чыгымнарның җан башына нормативы расланды. Бер хезмәт өчен ул 40 272 сум 64 тиен булыр дип көтелә. Тиешле карарны Татарстан Премьер-министры Алексей Песошин имзалады.

Татарстанда гомер озынлыгы арту өлкән яшьтәгеләрне тәрбияләү системасын үстерү турындагы мәсьәләне актуальләштерә. Бу юнәлеш Татарстан Хезмәт, халыкны эш белән тәэмин итү һәм социаль яклау министрлыгы эшендә 2024 елда өстенлекле булырга мөмкин. Бу хакта «Татар-информ»га «Восхождение» инвалидларны тернәкләндерү үзәге директоры Ольга Гончарова хәбәр итте.

«Башкортстанның татар яшьләрен Йолдыз Миңнуллина белән якыннанрак таныштырырга теләдек, чөнки аның шигырь язу стиле башкалардан аерылып тора һәм ул яшьләргә кызыклы», - диде кичәне оештыручы Илсур Илһамов.

Федерация Советының Социаль сәясәт комитеты «Россиядә халыкны эш белән тәэмин итү турында»гы төп законның яңа редакциясен хуплады. Закон проектында махсус хәрби операциядә катнашучыларга, шулай ук аларның гаилә әгъзаларына эшкә урнашуга өстенлекле хокук бирергә тәкъдим иттеләр. Бу хакта РИА Новости хәбәр итә.

«Беренчеләр хәрәкәте» күзәтчелек советы утырышында Россия Президенты Владимир Путин балачактагы хатирәләре белән уртаклашты.

Татарстан телевидениесе ветераны Валентина Бохараева вафат булган. Мәгълүматны Татарстан Сәнәгать һәм сәүдә министрлыгында һәм Роста партиясе матбугат хезмәтендә расладылар.

Татарстан Милли китапханәсендә Төркиянең баш консуллыгы төрекчә каһвә әзерләү культурасына багышланган чара үткәрде.

Мәскәү биржасында евро курсы 100 сумга кадәр күтәрелгән. Соңгы тапкыр валюта 26 октябрьдә шулкадәр булган. Бу хакта Мәскәү биржасы хәбәр итә.

Дәүләт Думасы беренче укылышта аз керемле гражданнарга 50 мең сум күләмендә социаль банк кертемнәре ачарга мөмкинлек бирә торган закон проектын кабул итте. Бу хакта РИА Новости хәбәр итә.

Быел Россиядән Согуд Гарәбстанына хаҗга 25 меңгә якын кеше барган. Бу саннар белән Россия Президентының халыкара эшләр буенча ярдәмчесе Юрий Ушаков уртаклашты. РИА Новости шул хакта яза.

«Мордовия татар кызы - 2023» республика конкурсы дәвам итә. Атна дәвамында Ислам мәдәни үзәге мәйданчыгында катнашучылар татар халкының мәдәнияте һәм гореф-гадәтләре өлкәсендә белемнәрен арттыруны дәвам итте. Алар өчен татар гаиләсе кыйммәтләре буенча тренинг үткәрелде. Бу хакта «Мордовия» ДТРК хәбәр итә.

Казанда җәмәгать транспортында йөрү бәясе кыйммәтләнергә мөмкин. Якынча бәя: билет өчен акчалата түләгәндә — 42 сум һәм карта белән түләгән очракта — 38 сум. Бу хакта Татарстан Тарифлар буенча дәүләт комитеты рәисе Александр Груничев Министрлар Кабинетында узган брифингта белдерде, дип яза «Татар-информ».

Казанның баш архитекторы Илсөяр Төхвәтуллина Казанда Җәмигъ мәчете су территориясе янында төзеләчәгенә өметләнә. Бу хакта ул «Казаныш» халыкара форумының пленар утырышында әйтте, дип яза «Татар-информ» хәбәрчесе Александра Давыдова.

Казан шәһәрләр үсешенең яхшы үрнәге булып тора. Бу хакта Россия вице-премьеры Марат Хөснуллин «Казаныш: отражение идентичности» халыкара архитектура-төзелеш форумында катнашучыларны телекүпер аша сәламләү барышында белдерде. Бу турыда «Татар-информ» хәбәрчесе Александра Давыдова яза.

Россия Финанс министрлыгында ташламалы ипотека буенча беренчел минималь кертем күләмен 30 процентка кадәр күтәрергә тәкъдим иттеләр. Ведомствоның тагын бер тәкъдиме: әлеге дәүләт программалары буенча халыкка кредит бирүче банклар ала торган субсидияләрнең чик күләмен 0,5 процент пунктка киметү.

Махсус хәрби операциядә катанашучылар һәм аларның гаиләләренә юридик ярдәм алу өчен иң яхшысы — «кайнар элемтә» номерына шалтырату яки шәхси кабул итүгә язылу кирәк. Бу хакта махсус операциядә катнашучылар һәм аларның гаиләләренә юридик ярдәм темасына багышланган онлайн-трансляциядә Татарстан юстиция министры Рөстәм Заһидуллин хәбәр итте.

«Чулпан» мәдәният үзәгендә «Саф музыка» проектына багышланган концерт булды. Концертны «Саф» балалар интернет-радиосы оештырды. Татарстан Мәдәният министрлыгының массакүләм мәгълүмат чаралары һәм иҗтимагый оешмалар белән арадашлык бүлеге мөдире Айрат Фәйзрахманов әлеге радионы тыңлаган һәр баланы милләтнең киләчәге дип атады.

2024 елның 1 июленнән Татарстанда торак-коммуналь хуҗалыкта тарифлар үсешенең төп сәбәпләре булып энергия ресурсларына бәяләр үсү, бюджеттан тыш секторда хезмәт хакы күләме арту, яңа объектларны эксплуатацияләү чыгымнары, шулай ук куллану бәяләре индексы арту тора. Бу хакта бүген республика Министрлар Кабинетында узган брифингта Татарстан Тарифлар буенча дәүләт комитеты рәисе Александр Груничев хәбәр итте.

Татарстан Рәисе Рөстәм Миңнеханов үзенең Telegram-каналында Буа драма театрының яңа бинасы ачылу турында фикерен әйтте.

Татарстан Дәүләт Советы Рәисе Фәрит Мөхәммәтшин бүген республиканың 18 җәмәгать судьясына таныклык тапшырды. Парламент башлыгы билгеләп үткәнчә, төбәктә җәмәмгать юстициясе институты тулысынча формалашкан һәм уңышлы эшли. Бу хакта «Татар-информ» хәбәрчесе Надежда Гордеева яза.

Кәрим Тинчурин исемендәге Татар дәүләт драма һәм комедия театры «Идел» журналы белән берлектә «Язга хәтле яз» дип аталган төбәкара драматургия конкурсы игълан итә. Бәйгедә җиңгән авторның әсәре 2024 елда Тинчурин театры сәхнәсендә куелачак.

Омск өлкәсенең Тара районында "Нур" дип исемләнгән татар милли-мәдәни автономиясе оештырдылар. Бу турыда Омск өлкәсе татар милли-мәдәни автономиясе хәбәр итте.