Новости за 22.02.2023

18 февральдә Тольятти шәһәрендә ел саен үткәрелә торган «Татар кызы – балалар» бәйгесе узды. Аны Тольятти шәһәре татарларының шәһәр милли-мәдәни автономиясе оештырды. Бәйге Тольятти шәһәр округы Администрациясенең җәмәгатьчелек белән хезмәттәшлек идарәсенең этноконфессиональ мөнәсәбәтләр бүлеге һәм Самара өлкәсе Халыклар дуслыгы йорты ярдәмендә үтте. «Самар татарлары» сайты шул турыда яза.

https://tatar-congress.org/

Төмән өлкәсендә узган Татар мәдәнияте көннәре кысаларында Тубыл шәһәрендә төрки телле халыкларның XXXII «Таң йолдызы» һәм XIII «Халык сәнгате» үзешчән сәнгать осталары бәйгесе узды. 15 нче мәктәпнең сәхнәсендә 200дән артык катнашучы чыгыш ясады. Бу хакта Бөтендөнья татар конгрессы матбугат хезмәте хәбәр итә.

Тубыл шәһәре мәктәпләреннән, балалар бакчалырыннан, мәдәният үзәкләреннән, район мәктәпләреннән килгән төрле яшьтәге катнашучылар үз чыгышларында төрки халыклар мәдәниятен... Читать дальше...

Даими нигездә эшләмәүче Татарстан Дәүләт Советы депутатлары 1 марттан керемнәрне мәҗбүри декларацияләүдән азат ителә. Ә парламент утырышына ярты ел дәвамында килмәгән депутатларны мандатлардан мәхрүм итәчәкләр. Әлеге закон проектын Татарстан Республикасы Дәүләт Советының 41 нче утырышында кабул иттеләр.

Атна ахырына Татарстанда сизелерлек җылыта, ә дүшәмбе көнне республикада плюс тамагалы температура көтелә. Бу хакта Татарстан Гидрометеорология һәм әйләнә-тирә мохитне күзәтү идарәсенең яңа фаразында хәбәр ителә.

Узган ел Татарстанда Кеше хокуклары буенча вәкаләтле вәкил адресына мобилизацияләнгән кешеләрдән һәм аларның гаилә әгъзаларыннан 4 меңнән артык мөрәҗәгать һәм хәбәр килгән. Бу хакта Татарстан Республикасы Дәүләт Советының 41нче утырышында омбудсмен Сәрия Сабурская әйтте.

Россия мөселманнары Диния нәзарәтенең Мәдәният департаменты җитәкчесе урынбасары Гүзәл Мубинова һәм Мәскәү җәмигъ мәчете мәдрәсәсе укытучысы Гүзәлия Якупова «Дөнья, социаль интеграция һәм иминлекне тәэмин итүдә хатын-кыз - лидерларның роле» 2023 Бөтендөнья хатын-кызлар саммитында катнаша. Ул 21-22 февральдә Берләшкән Гарәп Әмирлекләре башкаласы Абу-Дабида уза. Россия Мөфтиләр шурасы шул турыда яза.

«Иң авыры – атлар белән бәйле терминнар иде. Ат төсен белдергән – «алмачуар», «бурлы», «туры бурлы» сүзләрен дә татар телендәге варианты белән калдырып, төсләрне тасвирладым», - диде галимә.

Татарстан Рәисе Рөстәм Миңнеханов Мәскәү һәм бөтен Русь патриархы Кирилл белән очрашты. Әңгәмә Патриарх һәм Синодаль резиденциядә узды, дип хәбәр итте республика Рәисенең матбугат хезмәте җитәкчесе Лилия Галимова.

14 майда Ютазы районы Урыссу бистәсендә хатын-кызлар арасында «Халисә» IV Россиякүләм Коръән укучылар бәйгесе үткәреләчәк. Конкурс Татарстан мөфтияте, Татарстанның көньяк-көнчыгыш төбәге казыяте, Ютазы мөхтәсибәте тарафыннан Ютазы районы хакимияте һәм Мәрданшиннар гаиләсе ярдәме белән оештырыла. Бу хакта ТР Диния нәзарәте матбугат хезмәте хәбәр итә.

Татарстанда 22 февраль кичендә, төнлә һәм 23 февральдә көндез һава торышы бозылыр дип көтелә. Бу хакта Татарстанның Гидрометеорология үзәге хәбәр итә.

КФУның Филология һәм мәдәниятара багланышлар институтында 2023-2024 уку елыннан «Татмедиа» белән берлектә «Нәшрият эше. Мәгълүмати тирәлек дизайны» программасын булдырырга ниятлиләр.

«Шәхси тормышыннан тыш, әтисе белән мөнәсәбәтләре, аралашулары, Гаяз Исхакыйның вафатына кадәр соңгы көннәре тасвирланган өлешләре бар», - диде галим көндәлек турында.

Балалы гаиләләргә ярдәм итү өчен документларны проактив режимда рәсмиләштерергә кирәк, бу салымга тотып калынган акчаларны (налоговый вычет) кайтаруга да кагыла. Россия премьер-министры Михаил Мишустин шулай дип белдерде. Бу хакта «РИА Новости» яза.

Бүген Дәүләт Советы утырышында җыелышлар, митинглар, демонстрацияләр, урам йөрешләре һәм пикетлар уздыруга гражданнарның хокукларын гамәлгә ашыру шартларын тәэмин итү турында закон проекты беренче укылышта кабул ителде.

Татарстан Дәүләт Советы Россия Хөкүмәте рәисе Михаил Мишустинга вакытыннан алда пенсиягә чыгарга хокуклы педагоглар исемлеген киңәйтү тәкъдиме белән мөрәҗәгать җибәрәчәк. Мөрәҗәгать депутатларның күпчелек тавышы белән республика парламентының 41нче утырышында хупланды.

Шиһабетдин Мәрҗани исемендәге Тарих институты галимнәре XIX гасырда Татарстанның көнчыгышында яшәгән кайбер татарларның башкорт сословиесында булу үзенчәлеген аңлатты.

Һәр премиянең күләме — 50 мең сум. Быел премиягә 32 язучы һәм 11 тәрҗемәче дәгъва кылган.

«Исхакый иҗаты, аның карашлары, фикерләре, теләк-омтылышлары Тукай дәрәҗәсендә төрле яклап татар укучысына барып җитсен иде», - диде әдәбият галиме.

Чаллыда Җәмигъ мәчетенә үзәк гөмбәзнең аскы өлеше куелды, аның диаметры 19 метр тәшкил итә. Бу хакта «Татар-информ»га Чаллы Җәмигъ мәчете төзелеше фондының Попечительләр советы рәисе Уел Хөсәенов сөйләде.

«Мәрҗанидән соң икенче ак мәрмәр һәйкәл Гаяз Исхакыйга куелсын иде», - диде галимә.

Татарстанда элеккеге хатынының теш казнасын сындырган 38 яшьлек иргә хөкем карары чыгарылган. Татарстан прокурорының өлкән ярдәмчесе Руслан Галиев шул турыда хәбәр итте.

Минзәлә өязенә Татарстанның бүгенге Минзәлә, Түбән Кама, Тукай, Зәй, Мөслим, Сарман, өлешчә Актаныш, Әлмәт, Азнакай һәм Чирмешән районнары кергән.

Бүген Татарстан Дәүләт Советы бинасында «Эта земля выбрала нас» дигән китапны тәкъдим иттеләр. Ул күренекле нефтьче, Көнбатыш Себер нефть-газ комплексына нигез салучыларның берсе Генадий Шмальгә багышланган. Чарада республика Рәисе Рөстәм Миңнеханов һәм парламент башлыгы Фәрит Мөхәммәтшин катнашты.

Фән һәм техника өлкәсендә Татарстан Республикасы еллык дәүләт премияләренең күләме 800 меңнән 1 миллион сумга кадәр арттырылды. Татарстан Рәисе Рөстәм Миңнеханов шул хактагы указны имзалады.

Бер ай эчендә Татарстан мөфтиятенең рус телендә эшләтеп җибәргән онлайн-мәдрәсәсенә 3500 кеше белем алу өчен теркәлү узды. Барлыгы 15 000нән артык кеше ислам нигезләре буенча рус телендә белем алуның заманча һәм уңайлы мөмкинлекләре белән кереп кызыксынды. Барлык «шәкерт»ләрнең яртысы – 25 яшьтән 44 яшькә кадәргеләр, һәм барлык укучыларның 60 проценты – хатын-кызлар.