Новости за 27.02.2023

Бүген Түбән Кама муниципаль районы башлыгы Рамил Муллин ике яшь гаиләгә торак шартларын яхшырту өчен сертификатлар тапшырды.

Март башында Татарстанда температура фоны төшәчәк, ләкин аннары республикада янә җылыта. Бу хакта Татарстан Гидрометеорология үзәге хәбәр итә.

19 февраль көнне Ленинград өлкәсенең Дуслык йортында урнашкан Рөстәм Хучашев исемендәге татар мәдәнияте музеенда Татьяна Акулованың татар камзулы буенча остаханәсе узды.

Татарстанда медицина учреждениеләрендәге куркыныч калдыкларны куркынычсыз утильләштерү буенча завод төзергә мөмкиннәр. Бу мәсьәләне хәл итү өчен Рөстәм Миңнеханов Татарстан Сәламәтлек саклау министрлыгына медицина учреждениеләрендә формалаша торган калдыклар күләмен исәпләргә кушты. Мондый проект республикага 300 миллион сумга төшәргә һәм нибары ике ел эчендә үзен акларга мөмкин.

Республика территориясендә  һава шартларының начараюы көтелә. Шул сәбәпле Татарстан ЮХИДИ хезмәткәрләре машина йөртүчеләрне юлларда сак булырга өнди. Бу хакта республика Дәүләт автоинспекциясенең телеграм-каналында хәбәр ителә.

Мәскәүдә татар мәдәнияте айлыгы узачак. Ул 5 мартта «Дар» мәдәният үзәгендә башлана. 5 мартта 18:00 сәгатьтә «Дастан» күргәзмәсен ачу тантанасы була. Бөтендөнья татар конгрессы сайты шул турыда хәбәр итә.

Пермь краенда ислам дине гасырлар дәвамында дәүләтне барлыкка китерә торган традицион диннәрнең берсе булып тора. 1909 елда биредә 211 мәчет булган. Бүген төбәктә ислам инфраструктурасын торгызу, Пермь крае мөселманнарының күп буыннардан килгән ислам мәгърифәтен һәм гореф-гадәтләрен торгызу процессы бара. Бу процессларда Пермь крае мөселманнарының Диния нәзарәте (Пермь мөхтәсибәте) мөһим роль уйный. Россия Федерациясе мөселманнарының Диния нәзарәте шул турыда яза.

Россиядә югары уку йортларының бакалавр дипломнары тулы югары белем турындагы дипломнарга тиңләштереләчәк. Бу хакта Россия Президенты ярдәмчесе Андрей Фурсенко «Россия 24» телеканалы эфирында белдерде.

Чиләбенең Муса Җәлил исемендәге 81нче мәктәбендә татар телен укытучы Сания Шевченко балалар татар телен өйрәнсен өчен, башта ата-аналарга телне өйрәнүнең отышлы булуын аңлата.

Казанда пассажир автобусы җиңел автомобильне бәрдергән. Шәһәр дәүләт автоинспекциясендә «Татар-информ»га шул турыда хәбәр иттеләр.

Бүген Дәүләт Советы Рәисе Фәрит Мөхәммәтшин видеоэлемтә режимында узган Россия закон чыгаручылар Советы президиумы утырышында катнашты. Бу хакта ТР Дәүләт Советы матбугат хезмәте хәбәр итә.

Татарстанда коронавирус белән авыручылар саны кимү дәвам итә. Узган тәүлектә республикада Covid-19 белән авыруның 146 очрагы ачыкланган. Алдагы тәүлектә 152 очрак теркәлгән булган. Стопкоронавирус.рф порталында шундый мәгълүматлар урнаштырылган.

Иртәгә, 28 февральдә, Татарстанда тотрыксыз һава торышы сакланачак. Салкын фронт узганнан соң, республика циклонның тыл өлешендә булачак һәм температура фоны төшәчәк, дип хәбәр итә республиканың Гидрометеорология үзәге.

Татарстан Республикасы Рәисе Рөстәм Миңнеханов тренерлар, шулай ук КХЛ плей-офф старты алдыннан «Ак Барс» хоккейчылары белән очрашты. Очрашу Казанда хоккей клубы базасында узды.

«Әниемнең татар булганын соңгы елларда гына аңладым, искә алдым. Әнием татар булса да, татар телен бик аз беләм», - дигән булган Кыргызстан ССРның халык язучысы.

Башкортстанның Яшьләр эшләре буенча дәүләт комитетының элеккеге җитәкчесе Рамил Хисаметдинов Татарстан Рәисе Рөстәм Миңнехановка, Уфада «Ар-Рәхим» җәмигъ мәчетен төзүдә ярдәм сорап, ачык мөрәҗәгать язган. Үзенең мөрәҗәгатен ул «ВКонтакте» сәхифәсендә урнаштырган.

Чиләбе өлкәсе татар конгрессы рәисе Лена Колесникова сүзләренчә, өлкә Сабан туенда татар басмаларын тәкъдим итәргә кирәк.

Татарстанда «Яшел сигналга сәяхәт» бәйгесенә гаризалар кабул ителә башлады. Бәйгедә юл хәрәкәте кагыйдәләрен үтәүне пропагандалаучы яшь шагыйрьләр һәм язучылар катнаша ала.

Чиләбе татар халык театры актрисалары фикеренчә, татар теленең моңы татарча сөйләшү теләген уята.

КФУның Габдулла Тукай исемендәге Милли мәдәният һәм мәгариф югары мәктәбе студенты Ризәлә Гыйләҗева Уфа шәһәрендә үткән Мифтахетдин Акмулла исемендәге Башкорт дәүләт педагогика университетында «Ана теле — 2023» XV Бөтенроссия педагогик осталык бәйгесендә Гран-прига лаек булган.

28 февральдә М.Гафури исемендәге Башкорт дәүләт академия драма театрында драматург, Башкортстан Республикасының халык шагыйре, Г.Сәләм исемендәге Республика премиясе лауреаты, Россия һәм Башкортстанның атказанган сәнгать эшлеклесе Әнгам Атнабаевның тууына 95 ел тулуга багышланган искә алу кичәсе узачак. Бу хакта «Башинформ» агентлыгы хәбәр итә.

КФУда «Төрки лингвокультурология: проблемалар һәм перспективалар» XIV Халыкара фәнни-гамәли конференциясендә Төркиянең Кахраманмараш шәһәрендә яшәүче төрек егете Әрсин Шанлы «Altın sincap» («Алтын тиен») китабы турында сөйләде.

Казанны үстерүдә масштаблы бурычларны хәл итү системалы һәм тәртипкә салынган эш таләп итә. Мондый алым гражданнарга аларның тормыш сыйфатын яхшырта торган программаларның ни рәвешле гамәлгә ашырылуын күрсәтергә мөмкинлек бирә. Татарстан Рәисе Рөстәм Миңнеханов Казан шәһәр Думасының йомгаклау сессиясендә шулай дип белдерде.

Бүген Татарстан Рәисе Рөстәм Миңнеханов Казан шәһәр Думасының хисап сессиясендә «Салават күпере» торак комплексында авыл хуҗалыгы ярминкәләре үткәрү өчен яңа мәйданчык төзү планы турында сөйләде.

Бүген Татарстан Республикасы Рәисе Рөстәм Миңнеханов Казан шәһәр Думасы сессиясе алдыннан Казанның Совет районы хакимияте бинасын (анда әле күптән түгел генә капиталь ремонт төгәлләнде) карады. Бу хакта ТР Рәисенең матбугат хезмәте хәбәр итә.