Новости за 21.02.2023

Апас районы Каратун авыл җирлегендә уллары, тормыш иптәшләре махсус хәрби операциядә булган 14 гаилә яши. Аларның барысы да Татарстан Республикасы Гадәттән тыш хәлләр министры Рафис Хәбибуллин гаиләсе исеменнән күчтәнәчләр алды.

2020 елдан төзелә торган М12 Мәскәү-Казан тизйөрешле трассасы киләчәктә Иркутск һәм Владивостокка кадәр озайтылачак, дип белдерде Президент Владимир Путин. Бу хакта ул Федераль Җыенга юлламасы вакытында әйтте.

Әлеге минутларда Мәскәүдә Digital Communications Awards ел премиясе лауреатларын бүләклиләр.

ТР Дәүләт Советы депутаты, Камал театры актеры Рамил Төхвәтуллин «Апуш» театр студиясен киләчәктә «Сәләт» кебек зур хәрәкәт итеп күз алдына китерә. «Бу зур театраль феноменга әверелергә мөмкин», дип фаразлады ул «Апуш» балалар театр студиясенең Ленин мәдәният сараендагы филиалында «Кечтүк» спектаклен карагач.

Мәскәүнең Татар мәдәнияте үзәге артистлары Мәскәү өлкәсе Пушкин шәһәр округының «Татар мәдәни-агарту үзәге» тарафыннан оештырылган «Кышкы уеннар» бәйрәмендә катнашты. Бу – Мәскәү өлкәсендә яшәүче халыкларның ел саен үткәрелә торган дуслык фестивале. Мәскәү шәһәр Татар милли-мәдәни автономиясенең матбугат хезмәте шул хакта хәбәр итә.

ЮХИДИ идарәсе Татарстанда машина йөртүчеләр көчле җил һәм бозлавык вакытында үтәргә тиешле иминлек кагыйдәләре турында искәртте. Бу хакта Татарстан Дәүләт автоинспекциясе телеграмдагы рәсми каналында хәбәр итә.

Бүген Казанда «Пирамида» күңел ачу комплексында «Сәмрух» VIII Ел премиясен тапшыру тантанасы узды. Анда ел дәвамында «Сәләт» хәрәкәтендә актив катнашучы талантлы балалар һәм яшьләр, берләшмәнең проектларын гамәлгә ашырырга ярдәм итүче партнерлар бүләкләнде.

Россия Рәссамнар берлеге әгъзасы, яшь каллиграф, тәзхибче Гөлназ Исмәгыйлева каллиграфия сәнгате Коръән иңү белән барлыкка килгән дип саный.

Россия Президенты Владимир Путинның Федераль Җыенга юлламасы нигезләмәләрен гамәлгә ашыру төрле дәрәҗәдәге хакимият органнарыннан бик күп эш таләп итәчәк.

Бүген Түбән Каманың Тынычлык проспектында җиңел машина 8 яшьлек малайны бәрдергән. Түбән Кама дәүләт автоинспекциясе шул турыда хәбәр итте.

Иртәгә, 22 февральдә, Татарстанда һава шартларының сизелерлек бозылуы көтелә. Бу хакта Татарстанның Гидрометеорология үзәге хәбәр итә.

Допингка каршы бөтендөнья агентлыгы (WADA) Спорт арбитраж судына (CAS) Россиянең допингка каршы агентлыгының (РУСАДА) дисциплинар допингка каршы комитеты (ДАК) фигуралы шуучы Камилә Вәлиеваны тыелган препаратлар куллануда гаепсез дип тану карарына карата шикаять тапшырды. WADA сайтында шулай дип хәбәр ителә. «РИА Новости.Спорт» шул турыда яза.

23 февральдә «ТНВ-Татарстан» һәм «ТНВ-Планета» телеканалларында «Барысы да Җиңү өчен!» телевизион марафонында Татарстан Республикасы мөфтие Камил хәзрәт Сәмигуллин катнашачак.

Төркиянең көньяк-көнчыгышындагы җир тетрәү вакытында һәлак булучылар саны 42310 кешегә кадәр җиткән. Бу турыда Төркиянең Афәт нәтиҗәләрен булдырмау һәм бетерү идарәсенә (AFAD) сылтама белән РИА Новости хәбәр итте.

Казан кооператив институтының Дәрдемәнд исемендәге Татар мәдәнияте үзәгендә драматург Туфан Миңнуллин истәлегенә атап уздырылган «Туган телем» конкурсы җиңүчеләрен бүләкләделәр.

Башкортстанның Бәләбәй татар гимназиясе укучылары Татарстан Республикасы Мәгариф һәм фән министрлыгы уздырган татар теле һәм әдәбияты буенча төбәкара олимпиадада призерлары булды. Бу хакта «Бәләбәй хәбәрләре» сайтында Зәйфә Салихова яза.

Бүген Беларусь Милли җыены вәкилләре палатасы депутатлары дәүләткә хыянәт иткән өчен вазифаи затларга үлем җәзасын да кертә торган законны хуплады. Шулай ук кораллы көчләрне, башка гаскәрләрне һәм хәрби формированиеләрне, илнең хәрби оешмаларын кимсетә торган ялган мәгълүмат тараткан өчен җаваплылык кертелә.

«Һәйкәлнең проекты, эскизы әзер. Акча булмау сәбәпле, сынны ясый алмыйбыз», - диде «Мәҗит Гафури – XXI гасыр» мәдәният фонды советы рәисе Люция Камаева.

Санкт-Петербургта Ломоносов исемендәге үзәк район китапханәсе базасында Россия халыклары әдәбияты фонды ачылачак. Татар авторлары китапларын фондка «Татмедиа» акционерлык җәмгыятенең генераль директоры Шамил Садыйков тапшырды.

Үтерүче дип шикләнелгән кеше корбанын бакчасына күмгән һәм тәмәке сипкән. Соңрак исә шул урында түтәл ясап, сарымсак үстерә башлаган.

КФУның Габдулла Тукай исемендәге Милли мәдәният һәм мәгариф югары мәктәбендә «Төрки лингвокультурология: проблемалар һәм перспективалар» XIV Халыкара фәнни-гамәли конференциясенең пленар утырышы булды.

Җирле һәм төбәк хакимият органнарына сайлаулар һәм 2024 елда президент сайлаулары закон нигезендә узачак, дип белдерде Россия Президенты Владимир Путин Федераль җыенга юллама белән чыгыш ясаганда. «РИА Новости» шул турыда яза.

«Татмедиа» акционерлык җәмгыяте «Газета-журналларга язылган өчен кар көри торган җайланма, телевизор һәм башка бүләкләр» акциясендә җиңүчеләр бүген үз бүләкләрен алып китте.

Казанда муниципаль районнарның мәдәният көннәрен Лениногорск районы башлап җибәрәчәк. Район үз мәдәни тормышы белән 31 мартта Халыклар дуслыгы йортында таныштырачак.

ТР Мәдәният министрлыгы журналистлар арасында Татарстанда милли мәдәният һәм традицияләр елын яктырту буенча бәйге игълан итте.