Новости за 04.02.2023

Баулының Муса Җәлил исемендәге мәдәният йортының кече концертлар залында мөнәҗәтләр әйтү кичәсе булды. Чара быел Татарстан Республикасында игълан ителгән Милли мәдәниятләр һәм гореф-гадәтләр елына багышланды.

Актаныш районының Яңа Кормаш һәм Татар Суыксуы авылларында Әфган сугышы ветераннары истәлегенә хәтер тактасы куелды. Бу хакта «Актаныш таңнары» сайтында хәбәр ителә.

Аксубай районы мәктәпләренең чыгарылыш сыйныф укучылары медицина хезмәткәре һөнәре белән танышты. Аларны Аксубай район үзәк хастаханәсендә тыңлаучылар сыйфатында каршы алдылар. Анда «Ак халатлы фәрештәләр»  һөнәри юнәлеш чарасы-фестивале кысаларында Ачык ишекләр көне узды. Фестиваль Татарстан Республикасында унберенче тапкыр уза.

Кайбычта Төбәкне өйрәнү музеенда Муса Җәлилгә багышланган күчмә стенд күргәзмәсе эшли. Бу Татарстан Милли музее һәм аның филиалы - Җәлил музей-фатиры проекты.

Татарстан Президенты Рөстәм Миңнеханов административ аппаратның атамасын үзгәртү турындагы карарга имза куйды. Документ хокукый мәгълүмат порталында чыкты.

Бүген кич, шулай ук 5 февральдә төнлә һәм иртән Татарстанда урыны белән томан төшәргә мөмкин. Бу хакта Татарстан Гидрометеорология һәм әйләнә-тирә мохитне күзәтү үзәге хәбәр итә.

9 февраля 16:00 сәгатьтә «Хәзинә» милли сәнгать галереясендә Татарстанның халык рәссамы Рабис Сәлаховның «Милли көйләр эзеннән» дигән күргәзмәсе ачыла. Ул рәссамның 65 яшьлегенә багышланган. Бу хакта Бөтендөнья татар конгрессының матбугат хезмәте хәбәр итә.

Әлмәт шәһәренең 2 нче китапханә-филиалы февраль аен​ балалар язучылары Лилия һәм Резеда Фәрхетдиноваларны​ ​очрашуга чакырып башлады.​ Алар иҗатына багышланган чарада Резеда Фәрхетдинованың​ Татарстан китап нәшриятында яңа чыккан «Урам керми уйга» исемле китабы тәкъдим ителде.

Нәҗип Җиһанов исемендәге «Мирас» татар музыкасы фестивале программасын игълан итте. Аның концертлары 8, 11 һәм 15 февраль көннәрендә Сәйдәшев исемендәге Дәүләт зур концертлар залында узачак.

Россия Гадәттән тыш хәлләр министрлыгының ТР буенча Баш идарәсе матбугат хезмәте

Россиянең зур шәһәрләрендә ипотека кредитының уртача күләме 11,5 процентка (узган елның гыйнвары белән чагыштырганда) арткан. Бу хакта «Этажи» федераль компаниясенең ипотека буенча экспертлары хәбәр итә. 

Узган тәүлектә Татарстанда коронавирус йоктыруның 81 яңа очрагы ачыкланган. 38 пациент хастаханәгә китерелгән. Бу хакта стопкоронавирус.рф. порталында хәбәр ителә.

Татарстанның Алабуга районы хакимияте һәм анда яшәүчеләр махсус хәрби операциягә үзләре теләп китүчеләргә һәм мобилизацияләнгәннәргә 70 тонна гуманитар ярдәм, шул исәптә 7 автомобиль җибәргән. Бу хакта «Татар-информ»га район хакимиятенең матбугат хезмәтендә хәбәр иттеләр.

2023 елда Татарстанда күп фатирлы йортларны капиталь ремонтлау программасына 716 объект керде. Аларның 130ы буенча хезмәт күрсәтүгә килешүләр төзелгән. 46 йортта төзелеш-монтажлау эшләре үткәрелә, 84 йортта 219 лифт алыштырыла. Бу хакта Татарстан Республикасы Президенты Рөстәм Миңнеханов катнашындагы киңәшмәдә республиканың төзелеш, архитектура һәм торак-коммуналь хуҗалык министры Марат Айзатуллин сөйләде.

2 февральдә, Балтач балалар сәнгать мәктәбе Балтач районы мөхтәсибәте белән берлектә «Ислам моңы» мөнәҗәтләр бәйгесенең гала-концертын уздырды. Бәйгедә районның төрле мәктәп, балалар бакчаларыннан килгән балалар, яшүсмерләр, авыл җирлекләре һәм бистәнең өлкән яшьтәге мөнәҗәт әйтүчеләр катнашты.

Татарстан Президенты Рөстәм Миңнеханов халыкның иминлеген контрольдә тотуны көчәйтергә кирәк булган өч юнәлешне атады. Алар - юллар, кар белән бозны чистарту, шулай ук көнкүрештә табигый газ. Бу хакта ул Татарстан Хөкүмәте Йортында узган киңәшмәдә сөйләде.

Саратов өлкәсе мөселманнары Диния нәзарәте өлешчә мобилизация кысаларында хәрби хезмәткә чакырылган төбәк гражданнарына ярдәм итү эшчәнлеген дәвам итә.

«Спорт - тормыш нормасы» илкүләм проектын гамәлгә ашыру нәтиҗәсендә Татарстанда биш елда даими рәвештә спорт белән шөгыльләнүчеләр саны 10 процентка артты һәм бүген 57,8 процент тәшкил итә. Бу күрсәткеч буенча Арча, Алексеевск һәм Спас районнары алдынгылар рәтендә тора, аларда даими рәвештә 63 проценттан артык кеше спорт белән шөгыльләнә.

3 февральдә, Казанда Спорт сараенда алкалы хоккей буенча «Дуслык кубогы» III Бөтенроссия турнирын ачу тантанасы узды.

Узган елда Татарстанда юл-транспорт комплексы предприятиеләрендә хезмәт хакы 19,1 процентка артты. Бу хакта республиканың Транспорт һәм юл хуҗалыгы министрлыгының башлыгы Фәрит Хәнифов ведомство коллегиясенең йомгаклау утырышында хәбәр итте.

Татарстан Республикасы Президенты Рөстәм Миңнеханов ТР Премьер-министры урынбасары, Бөтендөнья татар конгрессы Милли шурасы рәисе Васил Шәйхразыевка «Дуслык» орденын тапшырды. Бу хакта Конгрессның матбугат хезмәте хәбәр итә.

Мәгариф министрлыгы Бердәм дәүләт имтиханын үткәрүнең яңа тәртибен эшләгән. Бу хакта норматив хокукый актлар проектлары порталында документ чыкты. РИА Новости шул хакта хәбәр итә.

Татарстанда  «Демография» илкүләм проектының «Спорт – тормыш нормасы» федераль проектын гамәлгә ашыру нәтиҗәсендә соңгы биш елда даими рәвештә спорт белән шөгыльләнүче кешеләр саны 10 процентка артты һәм бүген 57,8 процентны тәшкил итте. Әлеге күрсәткеч буенча лидерлар арасында – Арча, Алексеевск һәм Спас районнары: аларда халыкның 63 проценттан артыгы спорт белән даими шөгыльләнә, дип хәбәр итә ТР Спорт министрлыгы.

Түбән Камада Милли мәдәниятләр һәм гореф-гадәтләр елы ачылу хөрмәтенә «Милли мәдәниятләр мозаикасы» фестивале узачак. Тантаналы чара 5 февральдә 11.00 сәгатьтә Халык иҗаты йорты янында була. Бу турыда Түбән Кама муниципаль районы рәсми сайтында хәбәр ителә.

Чаллы табибы табибы Алинә Махиянова трассада автобус торуын, янындагы кешеләрнең кул болгап ашыгыч ярдәм машинасын туктатуларын күреп ала. Юлда бер ир-атның хәле киткән – кисәк кенә йөрәге туктаган. Аңа туганы ярдәм итәргә тырышкан – ясалма сулыш алдырган, йөрәгенә массаж ясаган. Ир-ат сулыш алмаган, пульсы да булмаган.