Новости за 20.02.2023

Бүген Азнакай районы җитәкчеләре татар зиратында «Татарстан торак-коммуналь хуҗалыгының атказанган хезмәткәре», Азнакай шәһәренең мактаулы гражданины Расих Шәкүровны искә алды, каберенә чәчәкләр салды.

28-30 апрельдә Самара өлкәсендә «Мирас» IV Халыкара татар мәдәнияте фестиваль-конкурсы була.

Татарстан Республикасы Премьер-министры урынбасары, Бөтендөнья татар конгрессының Милли шурасы рәисе Васил Шәйхразыев Төмәндә Люция Хәбибуллина белән очрашты. Люция Хәбибуллинага «Татарстан Республикасының атказанган укытучысы» дигән мактаулы исем бирелде.Бу хакта Бөтендөнья татар конгрессының матбугат хезмәте хәбәр итә.

22 февральдә Уфада Башкортстанның халык язучысы, әдәбият һәм сәнгать өлкәсендә Россия Дәүләт премиясе лауреаты, Салават Юлаев исемендәге Дәүләт премиясе лауреаты, Башкортстанның атказанган сәнгать эшлеклесе Флорид Бүләковка мемориаль такта ачу тантанасы була.

Татарстанда салкыннар булачак, атна уртасында һәм азагында республикага көчле явым-төшем, җил һәм буран көтелә. Бу хакта Татарстан Гидрометеорология һәм әйләнә-тирә мохитне күзәтү үзәге матбугат хезмәте хәбәр итә.

Түбән Кама районында Чистай-Казан юлында фурага ут капкан. Бу хакта Россия Гадәттән тыш хәлләр министрлыгының Татарстан буенча Баш идарәсенең матбугат хезмәте хәбәр итә.

Арчада «Агрокласс» проекты үз эшен башлап җибәрде. Бүген Шушмабаш мәктәбе укучылары крестьян-фермер хуҗалыкларында булдылар һәм эш барышында үзләре дә катнаштылар. 

Төркия белән Сирия чигендә 6,3 магнитудалы җир тетрәү булган. Бу хакта сейсмологларга сылтама белән РИА Новости хәбәр итә.

Бүген Татарстан китап нәшрияты «Күп факторлы гуманитар анализ һәм когнитив филология» лабораториясе фәнни хезмәткәре Максим Кузнецовның «Татарский язык с нуля: самоучитель для начинающих» дип аталган китабын киң җәмәгатьчелеккә тәкъдим итте.

Казанның «Салават күпере» торак комплексында урамга ярымшәрә чыккан малайның әти-әнисенә штраф салыначак.

Төркиянең көньяк-көнчыгышында җир тетрәүдән соң хәрабәләр астыннан коткарылган кешеләр саны 114 меңнән артты. Бу хакта РИА Новости Төркия Президенты Рәҗәп Тайип Эрдоган сүзләренә сылтама белән хәбәр итә.

Казан федераль университетының Филология һәм мәдәниятара багланышлар институтында «Телләргә өйрәтү методикасын камилләштерү: алдынгы тәҗрибә белән уртаклашу мәйданчыгы» дип исемләнгән VII Халыкара фәнни-методик онлайн семинар булды.

Халыкара туган тел көне алдыннан Башкортстанның Бәләбәй районы үзәк мәдәният сараенда Рәзидә Ибәтуллина җитәкчелегендәге «Акчарлак» татар җыры ансамбле тамашачларны кич утырырга чакырган. Бу хакта «Бәләбәй хәбәрләре» яза.

Татарстан Республикасы Рәисе Рөстәм Миңнеханов сәүдәгәрләр Михляевларның йорт яны гыйбадәтханәсен - Косма һәм Дамиан чиркәвенең төзекләндерү кирәклеге турындагы идеяне хуплады. Кечкенә генә корылма Казанның иң борынгы гражданлык бинасы Михляев-Дряблов йорты янында һәм Петропавловск соборы кварталы комплексында урнашкан.

23 февраль, Ватанны саклаучылар көнендә, ТНВ һәм ТНВ-Планета телеканалларында «Барысы да Җиңү өчен!» Бөтенроссия акциясе кысаларында узачак телевизион марафонында татар эстрадасы артистлары Филүс Каһиров, Фирдүс Тямаев, Алинә Шәрипҗанова, Ришат Төхвәтуллин катнашачак.

Май чабу атнасында Казанда үзгәрүчән һава торышы көтелә. Дүшәмбе уртача һава температурасы климатик нормага якын, пәнҗешәмбегә салкынайта, ялларда шәһәргә аномаль җылылык килә. Бу хакта «Татар-информ»га КФУ профессоры, география фәннәре докторы Юрий Переведенцев хәбәр итте.

Курск өлкәсендә блиндажда янгын чыгу сәбәпле, алты хәрби хезмәткәр һәлак булган. Бу хакта РИА Новости Россия Саклану министрлыгына сылтама белән хәбәр итә.

Конкурста Габдулла Тукайның Казандагы әдәби музеенда саклана торган шәхси ядкярләре турында яңа әсәр (шигырь, поэма, хикәя) иҗат иткән 1-11 сыйныф укучылары катнаша ала.

«Татар-информ»ның өч фотографы Рамиль Гали, Салават Камалетдинов һәм Солтан Исхаков «Татар халкының этнографик мозаикасы» конкурсында җиңүче булып танылды. Бүләкләү тантанасы Галиәскар Камал исемендәге театрда булды.

Г.Тукай исемендәге Татар дәүләт филармониясе солист-вокалисты, шагыйрь Георгий Ибушевка заманында исемен татар исеме итеп үзгәртергә тәкъдим иткәннәр. Бу турыда җырчы «Татар-информ» хәбәрчесенә керәшеннәрнең Яков Емельянов исемендәге мәдәни үзәгендә сөйләде. Үзәктә Георгий Ибушевның концерты булды.

Россия мөселманнары һәм Берләшкән Гарәп Әмирлекләре икеяклы мөнәсәбәтләрне үстерү юлында мөһим адым ясады. Алар үзара аңлашу турында меморандум имзалады. РФ мөселманнары Диния нәзарәте һәм Россия Мөфтиләр шурасы рәисе, мөфти шәех Равил Гайнетдин һәм Берләшкән Гарәп Әмирлекләренең Ислам һәм вакыфлар эшләре буенча генераль идарә рәисе Мөхәммәд Әл-Кааби документка имзаларын куйды. Тарихи әһәмияткә ия булган вакыйга РФ мөселманнары Диния нәзарәте делегациясенең Абу-Дабига сәфәре кысаларында узды.

17 февральдә Чаллы шәһәрендәге Казан проспектында 10 яшьлек малайны автомобиль таптаткан.

21 февральдә, Халыкара туган тел көнендә, Татарстан Милли музее һәм аның филиаллары әдәби кичәләр һәм төрле телләрдә шигырьләр уку чарасын үткәрә.

19 февральдә Березовский шәһәрендә «Милли йорт» милли музее ачылды. Музейда көнкүреш әйберләре, киемнәр, савыт-саба, китаплар, Урал татарлары журналлары тәкъдим ителде. Татарстан Республикасының Свердловск өлкәсендәге Даими вәкиллеге шул турыда хәбәр итте.

Иркутск өлкәсенең «Тальцы» дәүләт автоном мәдәният учреждениесе архитектура-этнография музеенда мәчет төзелә.