Новости за 15.02.2023

Әлмәттә Муса Җәлилнең 117 еллыгын билгеләп үттеләр. Герой-шагыйрьне хөрмәтләү өчен иҗат интеллигенциясе вәкилләре, иҗтимагый оешмалар вәкилләре, педагоглар, кадетлар, мәктәп укучылары һәм аның иҗатын яратучылар килде. Тантаналы митингта район башлыгы Тимур Нагуманов катнашты.

16 февраль көнне Язу­чылар берлегендә Тат­арстанның күренекле тарихчылары белән «Хәзерге татар әдәбиятында тарихилык» темасына түгәрәк өстәл​ артын­да фикер алышу узача­к.

«Апуш» балалар татар театр студиясе «Кечтүк» спектакленең премьерасын тәкъдим итәчәк. Спектакльне Халыкара туган тел көнендә күрсәтәчәкләр. Бу хакта Казан мэриясе матбугат хезмәте хәбәр итә.

Россия Президенты Владимир Путин РФ хезмәт һәм социаль яклау министры Антон Котяковтан арттырылган социаль түләүләрне бирү эшенең ничек җайга салынуын аңлатуны сорады. Бу хакта Кремльнең матбугат хезмәте хәбәр итә.

Татарстанда коронавирус белән авыручыларның теркәлгән саны кабат арта башлаган. Бүген Covid-19 белән авыруның 101 очрагы расланган. Алдагы тәүлектә 99 очрак булган. Стопкоронавирус.рф порталы мәгълүматлары шуны күрсәтә.

Татарстан Рәисе Рөстәм Миңнеханов республика студентларына, адъюнктларына, аспирантларына һәм курсантларына махсус стипендия билгеләү турында карар имзалады. Аспирантлар өчен стипендия күләме 33 мең сум тәшкил итә, хәрби училище курсантлары өчен – 27 мең сум һәм югары уку йортлары студентлары өчен – 16 мең сум. Татарстан Республикасы җитәкчесенең рәсми сайтында урнаштырылган документта шул турыда белдерелә.

Һава торышына бәйле җылылык бирү температурасын көйләү үзәкләре язгы һәм кышкы чорда җылыту өчен түләүгә тотылган сумманың 25-30 процентына кадәрен янга калдыру мөмкинлеге бирә. Бу чорда һава температурасының сизелерлек үзгәрешләре тәүлек дәвамында еш була. Бу турыда бүген «Татар-информ»да узган матбугат конференциясендә Татарстан Дәүләт торак инспекциясе җитәкчесе – баш дәүләт торак инспекторы Сергей Крайнов хәбәр итте.

Татарстан Республикасы Дәүләт Советы Рәисе Фәрит Мөхәммәтшин республиканың Спас районына эшлекле сәфәр кылды. Анда ул район Советы утырышында катнашты. Район советының хисап сессиясендә 2022 елда башкарылган эшләргә йомгак ясалды һәм 2023 елга планнар билгеләнде.

Бүген Дәүләт Советы Рәисе Фәрит Мөхәммәтшин Спас районында булды, анда капиталь ремонттан соң ачылган 1 нче номерлы Болгар урта мәктәбен карады. Ул укытучылар һәм укучылар белән аралашты, шулай ук республика халыкларының мәдәниятләре һәм гореф-гадәтләре бердәмлегенә багышланган парламент дәресендә булды.

16 февральдә Казанның «Мир» театрында «Илшат Гәрәйхановның соңгы көрәше» дигән документаль фильм күрсәтеләчәк. Тарихи картина Татарстанның Мамадыш районында туып-үскән һәм 357 нче парашют-десант полкы рядовое булган Илшат Гәрәйханов турында сөйләячәк. Ул 1982 елда Әфганстанның Бамиан провинциясендә хәбәрсез югалган.

Казан кооператив институтында Муса Җәлил һәм Илһам Шакировны искә алганнар.

Чирмешән районының Ивашкино авылы хатын-кызлары мобилизацияләнгән сугышчылар өчен йокы капчыклары тегә һәм окоп шәмнәре ясый, дип яза «Безнең Чирмешән» журналисты Марат Гомәров. Барлыгы 80 йокы капчыгы теккәннәр.

12 февральдә Ленинград өлкәсенең Дуслык йорты бинасында герой-шагыйрь Муса Җәлилгә багышланган чара узды.

Бүген Татарстан Республикасы Рәисе Рөстәм Миңнеханов Чирмешән муниципаль районында рядовой Евгений Зорин гаиләсе әгъзалары белән очрашты.

15 февраль көнне Казанда «Сабыйлар» үзәгендә «Сабантуй» балалар журналы оештырган «Әбием киңәшләре» Республикакүләм бәйгесендә җиңү яулаган укучыларны котлау тантанасы үтте, дип хәбәр итә журналист Руфия Мөхетдинова.

Бүген Казанның Мәрҗани мәчетендә татар халкының олуг шәхесләренең рухына багышлап Коръән уку мәҗлесе узды.

Хәлил Шәйхетдинов көрәшчеләр өчен басма матбугатның кадерле булуын әйтте.

Татарстан Республикасының Ядрә белән һәм стендка ату федерациясе президенты Сергей Демин «Татарстан Республикасы алдындагы казанышлары өчен» ордены медале белән бүләкләнде.

Герой-шагыйрь Муса Җәлилнең туган көнендә Татарстан Милли музее фондларыннан Җәлилнең «Моабит» төрмәсендә язган Моабит дәфтәрләре — шигырьләренең чын нөсхәсен чыгардылар. Татарстан Республикасы Милли музейның генераль директоры Алисә Вяткина бөек татар улының каһарманлык тарихын саклаулары турында әйтте.

Депутатлар мәктәп директорлары киңәшчеләренә, балалар бакчаларында туган тел һәм чит телләрне укыту белән шөгыльләнүче тәрбиячеләргә вакытыннан алда пенсиягә чыгу хокукы бирергә тәкъдим итте. Татарстан Дәүләт Советы Россия Хөкүмәте рәисе Михаил Мишустинга шундый мөрәҗәгать әзерләде.

«Ватаным Татарстан» газетасын оештырылуга март аенда 105 ел тула.

Татарстан Мәдәният министрлыгы Илһам Шакиров исемендәге Республика премиясе лауреатларын игълан итте.

Кайбер татарстанлылар, декабрьдәге түләү кәгазьләрен 2020 елның ноябрендәге түләүләр белән чагыштыргач, җылылык бәясенең 30-40 процентка артуын ачыклаган. Бу җылылык куллануның артуы һәм тариф үсеше белән бәйле, дип аңлатты Татарстан Дәүләт торак инспекциясе башлыгы – Баш дәүләт торак инспекторы Сергей Крайнов «Татар-информ» агентлыгында узган матбугат конференциясендә.

Бүген Татарстан Рәисе Рөстәм Миңнеханов ТР Хөкүмәте йортында «Россети» ГАҖ генераль директоры Андрей Рюмин белән очрашты. Алар электр энергетикасы өлкәсендә норматив-хокукый актларны камилләштерү буенча уртак тәкъдимнәр әзерләү һ.б. мәсьәләләр хакында фикер алышты, шулай ук хезмәттәшлекне киңәйтү турында килеште. Бу хакта ТР Рәисенең матбугат хезмәте хәбәр итә.

Бүген Татарстан Республикасы Рәисе Рөстәм Миңнеханов Советлар Союзы Герое И.Н. Конев исемендәге Чирмешән кадетлар интернат-мәктәбендә булды. Бүген Рөстәм Миңнеханов Чирмешән муниципаль районына эш сәфәрендә. Бу турыда  Татарстан Рәисенең матбугат хезмәте хәбәр итте.