Новости за 09.02.2023

Бронялы «УАЗ» автомобиле тиздән махсус хәрби операциядә катнашучы хәрбиләргә җибәрелә. Аны Казандагы Актаныш якташлар җәмгыятен җитәкләгән Вәсим Вахитов әзерләгән. Бу хакта район башлыгы Ленар Зариповның Телеграм-каналындагы хәбәргә сылтама белән «Актаныш-информ» хәбәр итә.

6 февральдә Төркиядә җир тетрәү корбаннары саны 17,1 мең кешегә җитте

Соңгы белешмә буенча, биредә 17134 кеше һәлак булган. Бу турыда ТАСС агентлыгы яза.

Төркия хакимияте хәбәр иткәнчә, зыян күрүчеләр саны 70 347 кешегә җиткән.

Исегезгә төшерәбез, 6 февральдә Төркиянең көньяк-көнчыгышында 7,7 магнитудалы җир тетрәү булды. Төркия Президенты Рәҗәп Тайип Эрдоган сүзләренчә, ул 1939 елдан бирле иң көчлесе.

Мәскәүнең Татар мәдәни үзәгендә Төркиядә һәм Сириядә җир тетрәү вакытында зыян күргән кешеләргә ярдәм җыю пункты ачылды. 14 февральгә кадәр беренче чиратта кирәкле әйберләрне тапшырырга мөмкин, аннары алар бу илләрнең илчелегенә җибәреләчәк.

Татарстан Премьер-министры урынбасары, Бөтендөнья татар конгрессының Милли Шура рәисе Васил Шәйхразыев эш сәфәре белән Алтай краенда. Биредә ул Себер федераль округындагы татар оешмалары җитәкчеләре белән очрашу уздырды.

Татарстанда теркәлә торган эшсезлек дәрәҗәсе рекордлы түбән дәрәҗәгә җитте, ул 0,36 процент тәшкил итә. Бу хакта Татарстан Рәисе Рөстәм Миңнеханов Стратегик инициативалар агентлыгының күзәтү советы утырышында хәбәр итте. Анда Россия Президенты Владимир Путин да катнашты.

Бүген Казанда Континенталь хоккей лигасының даими чемпионаты матчында «Ак Барс» уенчылары Хабаровскиның «Амур» командасын җиңде. Уен 4:2 исәбенә тәмамланды

Соңгы ун елда Татарстанда 40 мең урынга исәпләнгән 253 балалар бакчасы һәм 48 мең урынга исәпләнгән 76 мәктәп төзелде. Быел тагын 11 мәктәп һәм 4 балалар бакчасы төзү планлаштырыла. Бу хакта республика Рәисе Рөстәм Миңнеханов Стратегик инициативалар агентлыгының күзәтү советы утырышында хәбәр итте. Чарада Россия Президенты Владимир Путин да катнашты.

Ялларда Татарстанда көнбатыштан килгән циклон тәэсирендә һава шартлары кабат үзгәрәчәк. Бу турыда Татарстан Гидрометеорология һәм әйләнә-тирә мохитне күзәтү үзәге хәбәр итә.

«Смартека» Стратегик инициативалар агентлыгы мәйданчыгында Татарстан 33 уңышлы тәҗрибәсе белән уртаклашты һәм Россиянең башка төбәкләреннән җиде тәҗрибәне үзләштерде. Татарстанның ун тәҗрибәсе 14 төбәктә гамәлгә ашырыла инде. Бу хакта Татарстан Рәисе Рөстәм Миңнеханов Стратегик инициативалар агентлыгының күзәтү советы утырышында хәбәр итте. Анда Россия Президенты Владимир Путин да катнашты.

«Ул шагыйрь буларак танылу ала алмас иде, ләкин әдәбиятыбызның көчле прозаигы буларак танылды», - диде Айдар Шәйхин.

Бүген Татарстан Республикасы Рәисе Рөстәм Миңнеханов Россия Федерациясе Президентының Үзәк федераль округындагы Тулы вәкаләтле вәкиле Игорь Щеголев белән очрашты. Очрашу Рөстәм Миңнехановның Мәскәүгә эш сәфәре кысаларында узды.

Татарстанда узган елда гражданнарның гомер озынлыгы өч елдан күбрәккә артты һәм 74,58 ел булды. Бу хакта Татарстан Рәисе Рөстәм Миңнеханов Стратегик инициативалар агентлыгының күзәтү советы утырышында хәбәр итте. Утырышта Россия Президенты Владимир Путин да катнашты.

Россия Президенты Владимир Путин «федераль дәрәҗәне кадрлар белән тәэмин иткән өчен» Татарстанга рәхмәт белдерде. Россия лидеры бу хакта Стратегик инициативалар агентлыгының күзәтү советы утырышында белдерде.

6 февральдә Казанда ике айлык кыз бала үлгән. «Татар-информ»га билгеле булганча, 28 яшьлек ир-ат табибларга мөрәҗәгать итә. Ул нәни кызына ярдәм күрсәтүне сорый.

Төркиядә җир тетрәүләр корбаннары саны арта. Һәлак булган кешеләр саны соңгы дүрт сәгатьттә 14 104тән 16 170кә кадәр артты. Яралылар саны да шулай ук 200 кешегә күбәйде. Бу хакта Төркия лидеры Рәҗәп Тайип Эрдоган сөйләде. РИА Новости шул хакта хәбәр итә.

Төркиядә һәм Сириядә җир тетрәүләрдән килгән зыян якынча 4 млрд доллар дип бәяләнә. РИА Новости Fitch Ratings Халыкара рейтинг агентлыгы мәгълүматларына сылтама белән шул хакта хәбәр итә. Бу әлегә соңгы мәгълүмат түгел, соңгы сумма күбрәк булырга мөмкин, ди аналитиклар.

«Татмедиа» акционерлык җәмгыятендә блогерлар мәктәбе эшли башлаячак. Бу хакта «Ялкын» журналының «Кәеф» медиа лабораториясе ачылышында «Татмедиа» акционерлык җәмгыяте генераль директоры Шамил Садыйков хәбәр итте.

«Каза булган урында ярдәм итүчеләр бик күп, техника җитеп бетми, диләр», - диде Оксана Назарова.

Медиа лабораториядә онлайн очрашулар өчен лекторий, презентация өчен сәхнә, подкастлар төшерү студиясе, вертикаль видеолар һәм фотолар өчен циклограма, туры эфир һәм стримнар уздыру урыны белән тәэмин ителгән.

Дәүләт Думасы югары уку йортларына һәм көллиятләргә кергәндә чакырылыш буенча армиядә хезмәт итүне исәпкә алу турындагы закон проектын беренче укылышта бертавыштан кабул итте. Аны «Бердәм Россия» партиясе тәкъдим итте. Бу хакта «Бердәм Россия» партиясенең Телеграм-каналында хәбәр ителә.

Сабир Өметбаев исемендәге Минзәлә театры Казан гастрольләре өчен «Кыз урлау» һәм «Өлүф...» спектакльләрен алып килә. Гастрольләр 20 февральдә Камал театры бинасында Мостай Кәримнең «Кыз урлау» музыкаль комедиясе белән башлана.

Бүген Дәүләт Думасы икенче һәм өченче укылышта үз бурычларын үтәгәндә һәлак булган хәрби хезмәткәрләрнең тормыш иптәшләренә социаль ярдәмнең максималь чараларын билгели торган закон кабул итте. «Ветераннар турында» законга төзәтмәләр кертеләчәк. Бу хакта РИА Новости хәбәр итә.

Минзәлә һәм аның күрше-тирә районнарын колачлаган балалар театрлары фестивале эшли башлаячак.

Бүген Гомуммилли «Ярдәм — Помощь» хәйрия фонды каршындагы тернәкләндерү үзәгендә «Йөрәк белән күрәбез һәм ишетәбез» курсларын уздыру турында матбугат очрашуы уза.

1997 – 2004 елларда Татарстанның мәгариф һәм фән министры булып эшләгән Фарис Харисов мәгариф системасындагы үзгәрешләр турында фикерләре белән уртаклашты. Аның фикеренчә, якындагы ун елда татар теле укытучылары белән проблемалар башланачак.