Новости за 28.02.2023

Саба муниципаль районы башлыгы урынбасары Расих Закирҗанов 8 яшь гаиләгә торак сертификатлары тапшырды.Башкарма комитет бинасының кече залында үткән тантанага «Татарстан Республикасында яшь гаиләләрне торак белән тәэмин итү» программасында катнашучылар 4 айлык, хәтта 3 яшьлек сабый балалары белән килгән иде.

2023 елның 26-27 май көннәрендә Әстерханда XIII Бөтенроссия авыл Сабан туе узачак. Татарстан Республикасы Премьер-министры урынбасары, Бөтендөнья татар конгрессы Милли Шурасы рәисе Васил Шәйхразыев Сабан туен әзерләү һәм үткәрү буенча оештыру комитеты утырышында катнашты. Бу турыда конгрессның матбугат хезмәте хәбәр итте.

1 мартта Татарстан территориясендә көчле җил, буран көтелә. Җил көнбатыштан, көньяк-көнбатыштан исәчәк. Ерактан күрү мөмкинлеге 1-2 километрга кадәр кими. Республиканың Гидрометеорология үзәге шул турыда кисәтә.

Россия Президенты Владимир Путин дәүләт теле турында закон имзалады, ул аны куллану өлкәсен раслый һәм алынма сүзләр куллануны җайга сала. Документ хокукый мәгълүматның рәсми порталында урнаштырылган.

«Юлбасма» нәшриятының китап тышлыгы Кореяда уза торган дәрәҗәле халыкара «Nami сonours 2023» иллюстрацияләр бәйгесенең шорт битенә кергән.

Бүген Казанда «Сөембикә» журналы Әлфия Авзалованың кызы Зөлфия Нигъмәтҗанова белән очрашу кичәсе үткәрде. Чара «Туган авылым» комлексында Әлфия Авзалова үзәгендә узды.

Татарстанга килгәч үк СИБУР компаниясе үз хезмәткәрләренең эш шартларын яхшырту программасын башлап җибәрде. Аңа баланслы туклану, яңа ашханәләр, уңайлы кием, медицина инфраструктурасы һәм эшчеләргә комфортны һәм иминлекне арттыру өчен башка инициативалар керә. Бүген Татарстан Республикасы Рәисе Рөстәм Миңнеханов компаниянең бу юнәлештәге эшен бәяләде.

Бүген Чаллыда суд Антон Адаричев эше буенча хөкем карарын игълан итте, аны әтисен үтерүдә гаепле дип таптылар. Ата кеше «КАМАЗ» гавәми акционерлык җәмгыятенең топ-менеджеры булган.

«Татнефть» хәйрия фонды, Татарстан Язучылар берлеге белән берлектә, нефтьчеләр һәм «Татнефть» турында иң яхшы хикәя һәм шигырьгә әдәби конкурс игълан итә.

Бүген Татарстан Республикасы Дәүләт Киңәшчесе, «Яңарыш» республика фондының Попечительләр советы рәисе Минтимер Шәймиев Казахстанның күренекле җәмәгать эшлеклесе, галим-культуролог, казах язучысы Мохтар Ауэзов фонды президенты Морат Мохтар улы Ауэзов белән очрашты.

Россия Президенты Владимир Путин Татарстан Республикасының җиде кешесенә дәүләт бүләкләре бирде. Бүләкләү турындагы карар хокукый мәгълүматның рәсми порталында урнаштырылган.

2023 елда аз керемле гаиләләр өчен ана капиталы акчаларыннан айлык түләү 12,2 мең сумга кадәр җиткән. «Татар-информ»га биргән интервьюда бу хакта Россия социаль фондының Татарстан Республикасы буенча бүлеге идарәчесе Эдуард Вафин хәбәр итте.

Теләче районы Олы Кибәхуҗа авылында РСФСРның атказанган сәүдә хезмәткәре, Ленин орденнары кавалеры, милли татар аш-суын дөньяга таныткан Юныс Әхмәтҗановка багышланган беренче фестиваль-конкурс узды.

«Идел-йорт» театр коллективлары төбәкара фестиваль-конкурсының быелгы иҗади лабораторияләре 16 мартта Аяз Гыйләҗев исемендәге Чаллы татар дәүләт драма театрында старт ала.

Россия Кулланучы хокукларын яклау һәм кеше иминлеге өлкәсендә күзәтчелек федераль хезмәтнең (Роспотребнадзор) Татарстан Республикасы буенча идарәсе хезмәткәрләре 2022 ел ахырында республиканың 47 зур сәнәгать предприятиесе ашханәләрен планнан тыш тикшерде.

Халык шагыйре Разил Вәлиев Шәриф Камал премиясе бәйгесендә катнашучыларның иҗади эшләрен анализлады һәм киңәшләрен бирде.

2022 елда Татарстанда сәнәгать җитештерүе 6,6 процентка арткан, ә төяп җибәрелгән продукция күләме 4,6 триллион сумнан артып киткән. Бу хакта республика сәнәгать һәм сәүдә министры Олег Коробченко ведомствоның йомгаклау коллегиясендә хәбәр итте.

Алтын Урда дәүләтенең Болгар олысында XIII-XIV гасырлардагы кабер ташларында «татар» сүзе кулланылган. Галимҗан Ибраһимов исемендәге Тел, әдәбият һәм сәнгать институты әзерләгән «XIII-XIV гасырлардагы Болгар эпиграфик һәйкәлләре» хезмәтендәге ике мәгълүмат шуны күрсәтә.

Казандагы Габдулла Тукай әдәби музеенда 22 һәм 29 мартта «Карга боткасы» фольклор бәйрәме үтәчәк. Бөтендөнья татар конгрессы сайты Татарстан Республикасы Милли музена сылтама белән шул турыда хәбәр итә.

 https://tatar-congress.org/

17 февральдә Түбән Новгород өлкәсендәге Актук һәм Чүмбәли авыллары арасында урнашкан «Сары саз» күле ярында Кызыл Октябрь районы Яшьләр палатасының бе­ренче рәисе Рөстәм Айдерхановның истәлегенә багышланган унынчы юбилейлы ачык биатлон турниры узды.

Әлеге турнир 2014 елдан башлап даими үткәрелеп килә, хәтта коронавирус пандемиясе дә аңа комачауламаган. Бу хакта Бөтендөнья татар конгрессы матбугат хезмәте хәбәр итә.

Соңгы ярышларда катнашырга рекордлы 21 команда теркәлгән. Читать дальше...

Татарстандагы бер фирманың директорына карата аеруча зур күләмдә салым түләүдән качу турында җинаять эше кузгатылган. Татарстан Республикасы буенча Эчке эшләр министрлыгының матбугат хезмәтендә шул турыда хәбәр иттеләр.

Саха Республикасының (Якутия) Удачный шәһәрендә моңа кадәр буш торган бина мөселман дини-агарту үзәге булачак. «Шәфкать» җирле мөселман оешмасы өчен сатып алынган бинада ремонт эшләре башланган. Намаз уку залы һәм дини йолаларны башкару өчен кирәкле бүлмәләр Рамазан ае башына әзер булачак. Бу хакта Россия мөселмананры Диния нәзарәтенең матбугат хезмәте хәбәр итә.

Татарстанда 1 апрельдән 30 апрельгә кадәр күчәргә төшкән авырлык 6 тоннадан артып киткән йөк автомобильләренә төбәк һәм муниципальара автомобиль юлларында хәрәкәт итү вакытлыча чикләнәчәк. Татарстан Республикасы Хөкүмәтенең шундый карары хокукый мәгълүмат рәсми порталында урнаштырылаган.

Бүген Татарстан Республикасы Дәүләт Советы Рәисе, Татарстан Халыклары ассамблеясе Советы Рәисе Фәрит Мөхәммәтшин танылган казах драматургы Мөхтәр Ауэзовның улы дипломат, сәясәт һәм җәмәгать эшлеклесе Мурат Ауэзов белән очрашты. Очрашу республика парламентында узды.

https://tatar-congress.org/

Киров өлкәсендәге Малмыж шәһәрендә «Ислам – иҗтимагый иминлек үрнәге» дигән исемдәге төбәкара фәнни-гамәли конференция эшли. Чарада Киров өлкәсе, Мари Эл һәм Татарстан Республикаларыннан дин эшлеклеләре, галимнәр, милли һәм дини оешмаларның вәкилләре катнаша. Бу хакта Бөтендөнья татар конгрессы матбугат хезмәте хәбәр итә. 

Конференциядә кешенең хакларын саклауда, гомумкешелек кыйммәтләрен таратуда, шәхес тәрбияләүдә һәм милли үзенчәлекләрне саклауда Исламның әһәмияте темалары күтәрелә. Читать дальше...