Новости за 27.02.2026

Татарстанда беренче тапкыр «ракета һөҗүме куркынычы» режимын керттеләр. Бу хакта Гадәттән тыш хәлләр министрлыгында хәбәр иттеләр.

26 февраль көнне Уфа шәһәренең Киров районында урнашкан «Ихлас» мәчетенең 25 еллык хезмәтенә багышланган ифтар мәҗлесе узды. Чара мәчетнең юбилей датасына туры китереп оештырылды. Ул мәхәллә халкын, дин әһелләрен, иҗтимагый эшлеклеләрне берләштерде. Бу хакта Бөтендөнья татар конгрессы матбугат хезмәте хәбәр итә.

ТР Министрлар Кабинеты мәгариф учреждениеләре җитәкчеләренә бер тапкыр бирелә торган түләүләр турындагы карарны раслады. Документка Татарстан премьер-министры Алексей Песошин кул куйды һәм ул республиканың хокукый актларының рәсми порталында урнаштырылды.

«Россия – Ислам дөньясы» стратегик караш төркеме рәисе урынбасары, ТР Рәисе ярдәмчесе Марат Гатин һәм «Татмедиа» Республика матбугат һәм массакүләм коммуникацияләр агентлыгы җитәкчесенең беренче урынбасары Илдар Миргалимов Ислам Хезмәттәшлеге оешмасы (UNA) мәгълүмат агентлыклары берлегенең медиа өлкәсендәге профессиональлекләре өчен премиясе лауреатларын игълан итү тантанасында катнаштылар. Бу хакта стратегик караш төркеме матбугат хезмәте хәбәр итә.

Атнаның иң изге көне булып җомга санала, һәм мөселманнарга бу көнне сәдака бирү яхшырак. Бу хакта Татарстан мөселманнары Диния нәзарәте рәисе Камил Сәмигуллин хәбәр итте.

Татарстан Рәисе Рөстәм Миңнеханов эш визиты белән Амур өлкәсенә килде. Төбәк губернаторы Василий Орлов белән бергә ул «Восточный» космодромында булды. Бу хакта ТР Рәисе MAX каналында хәбәр итте.

«Ватан сакчылары» дәүләт фондының Ульяновск филиалы һәм Ульяновск өлкәсе мөселманнарының региональ Диния нәзарәте күптән түгел генә үзара хезмәттәшлек итү турында килешү төзегәннәр иде. Менә шушы килешү кысаларында алар махсус хәрби операциядә катнашучыларның гаиләләре, шул исәптән һәлак булган геройларның якыннары өчен экскурсия оештырган. Бу хакта Ульяновскиның «Өмет» газетасы хәбәр итә.

Татарстан Республикасы Рәисе Рөстәм Миңнеханов эш визиты белән Благовещенскига килде. Аэропортта аны Амур өлкәсе губернаторы Василий Орлов каршы алды.

Махсус хәрби операция башланганнан бирле Әлмәт районы хәрби хәрәкәтләр зонасына 58 гуманитар миссия җибәргән. Хәрбиләргә 680 млн сумлык 644 тонна ярдәм китерелгән. Бу хакта хисап сессиясендә район башлыгы Гүзәл Хәбетдинова хәбәр итте.

Рөстәм Миңнеханов Амур өлкәсенә эш сәфәре белән килде һәм инде Восточный космодромында булды, дип хәбәр итә ТР Рәисе матбугат хезмәте җитәкчесе Лилия Галимова.

Иртән Казанда Вознесенск трактының түләүле участогында дүрт автомобиль катнашында массакүләм юл-транспорт һәлакәте булган. Бу хакта «Татар-информ»га шаһитлар сөйләде.

Түбән Кама Халыклар дуслыгы йортында махсус хәрби операция зонасында булган сугышчыга гуманитар ярдәм җибәрелде. Посылканы хәрби хезмәткәрнең шәхси үтенече буенча формалаштырганнар. Тартмаларга кроссовкалар, оекбашлар, термокием, тәм-томнар, коры җиләк-җимеш, мүк җиләге, маскировка челтәрләре һәм башка кирәкле әйберләрне пөхтә итеп тутырганнар.

Татарстан Республикасы Премьер министры урынбасары, Бөтендөнья татар конгрессының Милли Шура рәисе Васил Шәйхразыев Удмуртия Республикасына эш сәфәрен дәвам итә.

27 февральдә, изге Рамазан аеның җомга көнендә, Казанда хәйрия маршруты йөриячәк. «Зәкят» хәйрия фонды хәйриячелегендәге бушлай автобусны тану бик җиңел булачак: аның алгы тәрәзәсендә «Благотворительный маршрут от БФ «Закят» дип язылачак, ә салоны шарлар белән бизәләчәк. Бу хакта ТР Диния нәзарәте матбугат хезмәте хәбәр итә.

Агымдагы уку елы башына Татарстанның мәгариф системасында 2,7 мең педагогик хезмәткәргә ихтыяҗ булган, шул исәптән 1,4 мең укытучы һәм 611 тәрбияче җитми, дип исәпләнгән. Кайсы предмет укытучылары җитмәве, аларны тармакка эшкә җәлеп итү өчен нинди ярдәм чаралары булуы турында «Татар-информ» репортажында.

Бүген, 27 февральдә, Татарстанда температура күтәрелү дәвам итәчәк. Бу хакта ТР Гидрометеорология үзәге хәбәр итә.

Тамаша Берлинның Bi nuu төнге клубында 7 мартка билгеләнгән иде, клуб үзенең рәсми сәхифәсендә концерт булмаячак дигән игълан чыгарган. Сәбәпләрен аңлатмаган.