Новости за 11.02.2026

12 февраль көнне махсус хәрби операциядәге егетләргә гуманитар йөк китәчәк. Гуманитар ярдәм җыюга Югары Ындырчы авылында яшәүчеләр дә үзеннән өлеш кертте, дип яза «Апас-информ» сайты.

Узган ел Татарстан 45 миллион долларлык хәләл продукцияне экспортка озаткан. ТР авыл хуҗалыгы һәм азык-төлек министры урынбасары Рөстәм Гайнуллов «Казан Агро – 2026» авыл хуҗалыгы күргәзмәсе кысаларында узган түгәрәк өстәлдә шулай дип белдерде. Бу хакта ТР Авыл хуҗалыгы һәм азык-төлек министрлыгының матбугат хезмәте хәбәр итте.

Мәгариф һәм фән өлкәсендә күзәтчелек федераль хезмәте (Рособрнадзор) беренче мәртәбә Казанның 24 мәктәбенә «Белем бирү оешмалары өчен сыйфат билгесе»н тапшырды, дип хәбәр итә ТР Мәгариф һәм фән министрлыгының матбугат хезмәте.

Татарстан Юстиция министрлыгында ведомство башлыгы Рөстәм Заһидуллин «Батырлар. Татарстан Геройлары» республика программасы җиңүчесе Рөстәм Нигъмәтҗанов белән очрашты. Бу хакта ТР Юстиция министрлыгы матбугат хезмәте хәбәр итә.

Махсус хәрби операция ветераны Сергей Федотов, хәрби хезмәттән кайткач, дәүләт ярдәме белән эшкә урнашты. Моннан тыш, ул махсус хәрби операциядә катнашучылар һәм ветераннар арасында һөнәри осталык буенча «Абилимпикс» чемпионатында уңышлы чыгыш ясап, Казанда һәм Мәскәүдә алтын медальләр яулады.

Татарстанның авыл хуҗалыгы предприятиеләре 2025 елда гомуми күләме 10 миллиард сумнан артып киткән 2596 берәмлек техника сатып алган. ТР авыл хуҗалыгы һәм азык-төлек министры урынбасары Марат Кәримов «Казан Агро-2026» күргәзмәсендә түгәрәк өстәл барышында шулай дип белдерде. Бу хакта «РТ Онлайн» хәбәр итә.

Татарстанда эретеп ябыштыручының хезмәт хакы аена 45-85 мең сум тәшкил итә, ә уртача мондый белгечләр 60-70 мең сум ала. Бу хакта «Татар-информ» агентлыгына HR-эксперт Зулия Лоикова хәбәр итте

Әлмәттәге 4нче мәктәпнең IV сыйныф укучылары өчен гадәти булмаган экология дәресе үткәрелде. Балалар алдында махсус хәрби операция ветераны Игорь Егоров чыгыш ясады, ул хәзер Татарстан Экология һәм табигый ресурслар министрлыгының Көньяк-Көнчыгыш идарәсендә өлкән белгеч булып эшли, дип хәбәр итә ведомствоның матбугат хезмәте.

Бөгелмә һөнәри педагогика көллиятендә «Бөгелмә: онытылган тарих-2026» Бөтенроссия фәнни-гамәли конференциясе узды. Анда илнең төрле төбәкләреннән тарихчылар, туган якны өйрәнүчеләр, архивчылар, мәктәп укучылары һәм студентлар – шәһәрнең тарихи мирасын өйрәнү һәм саклау белән шөгыльләнүчеләр катнашты. Бу хакта ТР Мәгариф һәм фән министрлыгы матбугат хезмәте хәбәр итә.

Казан дәүләт мәдәният институтында Россия фәне көнендә «Фән йолдызлары» концерты булды. Татарстан Фәннәр академиясе галимнәре һәм республика югары уку йортлары укытучылары сәхнәдә иҗади номерлар тәкъдим итте.

Фото: Түбән Кама Дәүләт автоинспекциясе

Түбән Каманың Төзүчеләр урамында «Лада Гранта» автомобиленең йөртүчесе җәяүлеләр кичүендә хатын-кызны бәрдергән.

Нәтиҗәдә, баш мие селкенгән 59 яшьлек җәяүле район хастаханәсенә озатылган.

Казан дәүләт медицина университеты ректоры вазифаларын башкаручы Диана Габделганиевага «Россиянең атказанган табибы» дигән мактаулы исеме бирелде. Шул хактагы указны Владимир Путин имзалаган. Документ хокукый актлар порталында урнаштырылган.

Узган ел Татарстан 512,9 миллион долларлык агросәнәгать комплексы продукциясен экспортлаган, бу 2024 ел белән чагыштырганда 43 миллион долларга күбрәк. ТР авыл хуҗалыгы һәм азык-төлек министры урынбасары Рөстәм Гайнуллов «Казан Агро – 2026» авыл хуҗалыгы күргәзмәсе кысаларында узган түгәрәк өстәлдә шул хакта хәбәр итте.

Бүген 15:30 сәгатьтә Пекин – Мәскәү рейсы самолеты, бер пассажирның хәле кисәк начараю сәбәпле, ашыгыч рәвештә Казан аэропортына төшеп утырган.

Россия Президенты Владимир Путин дәүләт бүләкләре һәм мактаулы исемнәр бирү турындагы указны имзалады. Бүләкләнүчеләр арасында Татарстаннан да ике вәкил бар. Документ хокукый актлар порталында урнаштырылган.

Бүген «Татмедиа»да «Язылган өчен 100 мең сум, телевизор һәм башка бүләкләр!» акциясенә нәтиҗә ясадылар.

ТР Дәүләт Советы Рәисе Фәрит Мөхәммәтшин 2026 елның гыйнварында гаммәви мәгълүмат чараларында РФ субъектлары закон чыгару органнары башлыклары рейтингында Идел буе федераль округында – икенче, Россиядә алтынчы урынны алды. Рейтинг Медиалогия тарафыннан тәкъдим ителгән.

Татарстанның фәнни-белем бирү оешмалары технологик лидерлык илкүләм проектларын гамәлгә ашыруда актив катнаша. Алар арасында «Җитештерү һәм автоматлаштыру чаралары», «Яңа материаллар һәм химия», «Пилотсыз авиация системалары» проектлары һәм илебез икътисады өчен төп әһәмияткә ия булган башка юнәлешләр бар. Татарстан Рәисе Рөстәм Миңнеханов «Научный прорыв. Нәни алга китеш» бәйгесендә җиңүчеләрне бүләкләү тантанасында шулай дип белдерде. Бу хакта ТР Рәисенең матбугат хезмәте хәбәр итә.

Мәчет төзелешенә җирле халык каршы чыкты

Казанның Бәшир Рәмиев исемендәге ИТ-паркында Россия фәне көненә багышланган «Научный прорыв. Фәнни алга китеш» республика премиясен тапшыру тантанасы булды. Бу хакта Татарстан Республикасы Дәүләт Советы матбугат хезмәте хәбәр итә.

«Татар-информ» мәгълүмат агентлыгы «Ядкярләрдә Тукай рухы» әдәби конкурсында җиңү яулаган катнашучыларның эшләрен тәкъдим итә. Әдәби бәйге Татарстан Республикасы Милли музее һәм Габдулла Тукай әдәби музее тарафыннан оештырыла. Әлеге эшләр беренче тапкыр матбугатта тәкъдим ителә.

2025 елда Татарстанның Биектау районында кыргый хайваннар катнашында 10 юл-транспорт һәлакәте булган. «Волга» М7 трассасы һәм Каменка – Олы Әтнә юлы иң куркыныч участоклар булып санала. Хайваннар һәм үсемлекләр дөньясы өлкәсендә күзәтчелек буенча җирле бүлек җитәкчесе Александр Фомин юл хәрәкәте иминлеге комиссиясе утырышында шулай дип белдерде.

Краснодар крае губернаторы Вениамин Кондратьев хәбәр иткәнчә, Анапа индустриаль техникумында атыш нәтиҗәсендә уку йортының каравылчысы һәлак булган. Ул һөҗүм итүчене беренче булып туктатырга тырышкан һәм полиция чакыртырга өлгергән. Төбәк башлыгы аның туганнары һәм якыннарының кайгысын уртаклашты.

Контрактниклар Россия армиясе сафларын тулыландыруны дәвам итә. Бүген иртән Түбән Кама хәрби комиссариаты территориясеннән контрактниклар төркеменең чираттагы партиясен – алты кеше хәрби хезмәткә озаттылар. Аларны озатырга туганнары, сугышчан туганлык вәкилләре һәм руханилар килгән иде.

Татарстан икътисады квалификацияле фәнни һәм инженер-техник хезмәткәрләрнең даими рәвештә тулыланып торуына мохтаҗ. ТР Рәисе Рөстәм Миңнеханов Бәшир Рәмиев исемендәге Казан IT-паркында Россия фәне көненә багышланган чараларның лекторлары белән очрашуда шулай дип белдерде. Бу хакта республика җитәкчесенең матбугат хезмәте хәбәр итә.