Новости за 15.02.2026

Әлкинең «АКТАЙ» яшүсмерләр клубында Россия халыклары бердәмлеге елы уңаеннан чара үткәрелде. Чарада катнашучылар илебезнең халыклары мәдәниятләре, гореф-гадәтләре һәм аларның күптөрлелеге турында белделәр, дип хәбәр итә «Әлки хәбәрләре».

Галиәсгар Камал исемендәге Татар дәүләт академия театрында Муса Җәлилнең туган көне уңаеннан оештырылган VIII халыкара «Җәлил укулары» әдәби бәйгесе гала-концертында Татарстан Дәүләт Советы Рәисе Фәрит Мөхәммәтшин катнашты. Ул залда җыелган халыкка мөрәҗәгать итеп, бу көннең мөһимлеген ассызыклады. «Язучы, шагыйрь Муса Җәлилнең туган көнен менә шулай бик матур итеп, җыелып үткәрәбез», – диде ул. Аның сүзләренчә, шагыйрьне искә алу чаралары республикада зур күтәренкелек белән уза. Бу тантана халкыбызның... Читать дальше...

Татарстанда һава шартлары бозылу сәбәпле, Гадәттән тыш хәлләр министрлыгы республика халкын юлларда куркынычсызлык чараларын үтәргә өндәде. Ведомство машина юлын җәяүлеләр кичүләре аша гына чыгарга һәм буран һәм бозлавык вакытында аеруча игътибарлы булырга киңәш итә.

Бүген Советлар Союзы Герое, Ленин премиясе лауреаты, татар шагыйре Муса Җәлилнең тууына 120 ел тулу көнендә Берлин татар җәмәгатьчелеге геройны искә алды, Моабит лагеренда булды һәм «Миллиард.Татар» һәм «Татар-Информ» редакцияләре исеменнән Муса Җәлил җәзалап үтерелгән урынга чәчәкләр салды.

Фигуралы шуучы Софья Акатьева һәм актер Артур Каспранов «Ледниковый период» шоуында Вәсилә Фәттахова башкаруында «Туган як» җырына чыгыш ясады. Татарча номерның видеосы Беренче канал сайтында чыккан.

18 февральдә Сызраньның «Авангард» мәдәният йортында Халыкара туган тел көненә һәм Россия халыклары бердәмлеге елына багышланган «Туган көйләр» VIII зона конкурс-фестивале узачак. Бу хакта «Самар татарлары» хәбәр итә.

Әле 6 февральдә генә татар җәмәгатьчелеге соңгы юлга озаткан композитор Азат Хөсәенов турында якты истәлекләр килеп тора. Казан шәһәренең 7 нче хастаханәсендә И.Салихов исемендәге Ревматология үзәге җитәкчесе Равия Мухина «Татар-информ» хәбәрчесе белән якты хатирәләрен уртаклашты.

Алар үлде зур эш өчен...

Бер заманда булды ки,

Бер явыз, көчле сугыш.

Хәйран гына кеше үлде –

Бик күбесе ялгыш.

Алар үлде зур эш өчен:

«Илебезне саклап калыйк!» - дип.

Алар үлде безнең заман өчен:

«Балалар тыныч булсын!» - диеп.

Без аларга баш иябез.

Алар – безнең каһарманнар!

Курыкмыйча, безнең өчен

Һәлак булды батырлар.

Һәлак булды бөек Җәлил,

Әсирлектә башын салды.

Бөек Алиш... Читать дальше...

Ульяновскиның Татар мәдәният үзәгендә Советлар Союзы Герое, патриот-шагыйрь Муса Җәлил истәлегенә багышланган традицион шахмат турниры узган. Бу хакта «Өмет» газетасы телеграм-каналы хәбәр итә.

Бүген Казанның Җиңү паркында Әфганстаннан совет гаскәрләрен чыгаруга багышланган истәлекле чара узды.

Россиядә машина йөртү таныклыгы алырга теләүчеләргә теория буенча имтиханны уңышлы тапшырганнан соң алты ай дәвамында практик имтиханны тапшырмаган очракта кабат теория буенча сынау узарга туры килергә мөмкин. Бу хакта ТАСС агентлыгы хәбәр итә.

Татарстан Дәүләт автоинспекциясе һава торышы бозылу сәбәпле, юлларда хәрәкәтнең вакытлыча чикләнү мөмкинлеге турында хәбәр итте.

Татарстан Милли музеенда герой-шагыйрь Муса Җәлилнең тууына 120 ел тулуга багышланган тантанада Татарстан Республикасы Министрлар Кабинетының Архив эше буенча комитеты рәисе урынбасары Зөлфәт Баһаутдинов чыгыш ясады. Ул шагыйрьнең архивларда саклана торган мирасы һәм аның иҗатының әхлакый кыйммәте турында сөйләде.

Татарстан Милли музеенда «Моабит дәфтәрләре»н халыкка күрсәтү тантанасында Россия Герое Рәсим Баксиков катнашты. Ул Муса Җәлил иҗатының хәзерге буын өчен, аеруча хәрбиләр өчен нинди мәгънәгә ия булуы турында сөйләде.

Татарстанда 16 һәм 17 февральдә һава шартларының кискен начараюы көтелә. Бу хакта ТР Гидрометеоүзәгендә хәбәр иттеләр.

Бүген Татарстан Милли музеенда Муса Җәлилнең «Моабит дәфтәрләре» төп нөсхә кулъязмаларын чыгару тантанасы узды. Чарада катнашкан шагыйрьнең кызы Чулпан Җәлилова әтисенең мирасы, дәфтәрләрнең кайту тарихы һәм гаилә истәлекләре белән уртаклашты.

Татарстан Республикасы Милли музеенда герой-шагыйрь Муса Җәлилнең туган көне һәм аның 120 еллыгы уңаеннан, Татарстан Милли музее фондларыннан «Моабит» төрмәсендә язган Моабит дәфтәрләре — шигырьләренең чын нөсхәсен чыгардылар. Аларны быел Социалистик Хезмәт Герое, рус теле һәм әдәбияты укытучысы Стэлла Габдрахманова алып чыкты.

Җәлилчеләргә багышланган «Кара урман» фильмы режиссеры Радик Кудояров бөек татар шагыйре Муса Җәлил һәм аның көрәштәшләре җәзаланган урынга чәчәкләр салды.

Дәүләт Думасы депутаты Илья Вольфсон Муса Җәлилнең 120 еллыгына шагыйрьнең музей-фатирына «Моабит дәфтәренең» беренче басмасын бүләк итте. Бу хакта ул үзенең телеграм-каналында хәбәр итте.

Караклык Россиядә иң киң таралган җинаять булып кала бирә. 2025 елда илдә 454 меңгә якын шундый очрак теркәлгән, дип хәбәр итә ТАСС.

Татарстан Республикасы 2025 ел йомгаклары буенча Россиядә уртача хезмәт хаклары үсеш темплары буенча лидерлар рәтендә. Бу хакта РИА Новости анализлаган статистика мәгълүматлары сөйли.

Татарстан Республикасы Рәисе Рөстәм Миңнеханов Казанның 1 Май мәйданында Муса Җәлил һәйкәленә чәчәкләр салды. Бу хакта ТР Рәисе матбугат хезмәте хәбәр итә.

Россиялеләр 1 марттан микрофинанс компанияләрендә онлайн-займны паспорт сериясе буенча гына рәсмиләштерә алмаячак. Бу хакта Дәүләт Думасы депутаты Дмитрий Гусев хәбәр итте.

Дәүләт Думасы депутаты Каплан Панеш дәүләт балалар бакчаларына һәм мәктәпләренә балалар кабул иткәндә Россия гражданнарына өстенлек бирелергә тиеш дип белдерде. Аның сүзләрен «РИА Новости» китерә.

Татарстанда социаль ипотека программасы 2005 елдан бирле гамәлдә. Бу вакыт эчендә 138 меңнән артык гаилә дәүләт торак фонды төзегән йортлардан ташламалы шартларда фатирлар сатып алган: еллык ставка 7 процент тәшкил итә, кичектереп түләү срогы – 28,5 елга кадәр, беренчел взнос 10 проценттан башлана, ә әзер торак бәясе базардагыдан сизелерлек түбәнрәк. Бу гаиләләрдә 65 меңнән артык бала туган.