Новости за 12.02.2026

Азнакай шәһәренең Зәңгәр мәчете мәдрәсәсендә ял көннәрендә шөгыльләнүче балалар өчен «Әлифба» бәйрәме узган. Бу хакта «Азнакай» сайты хәбәр итә.

Гашыйклар көнендә, 14 февральдә, «Черек күл» паркындагы төп шәһәр шугалагында парлы фигуралы шуу буенча мастер-класслар узачак. Дәресләрдә төп элементларны үзләштерергә һәм парлы чыгышлар форматын сынап карарга мөмкин булачак. Бу хакта Казан мэриясе матбугат хезмәте хәбәр итә.

Самараның «Бердәмлек» газетасында Зөлфия Яруллинаның «Борынгы кулъязмаларның серләренә төшендек» дигән язмасы чыкты. Бу хакта газетаның Вконтакте социаль челтәрендәге сәхифәсендә хәбәр ителә.

Шимбә көнне, 14 февральдә, «Елмай» балалар паркы яшүсмерләрне үзләрен күрсәтергә җәлеп итә. Яшь артистлар киңлек сәхнәсендә үзләренең иҗади номерлары белән медиа ПОВ тәкъдим иткән «БиЮ» ачык микрофоны кысаларында чыгыш ясаячак. Казанлыларны яшь башкаручыларга ярдәм итәргә чакыралар.

Татарстанның Фәннәр академиясе президенты Рифкать Миңнеханов әйтүенчә, терлекчелектә генетика буенча Агробиотехнопаркның үсеш картасын һәм генетик фәнни тикшеренүләр программасын булдыру зарур. Бу хакта ул ТР Авыл хуҗалыгы һәм азык-төлек министрлыгының коллегия утырышында сөйләде.

Татарстанда 2028 елда ашлыкны тирәнтен эшкәртү буенча еллык куәтлелеге 500 мең тонна булган завод ачылышы ниятләнә. Бу хакта ТР Авыл хуҗалыгы һәм азык-төлек министрлыгының коллегия утырышында Марат Җәббаров хәбәр итте.

Россиядәге автомобиль, үзйөрешле техника һәм прицеплар җитештерүче компанияләр өчен утильләштерү җыемын түләү срогын 2026 елның декабренә күчерделәр, тиешле карарны Россия Хөкүмәте кабул итте. Бу хакта РФ Сәнәгать һәм сәүдә министрлыгы хәбәр итте, дип яза ТАСС.

«Миллиард.Татар» каналы «Яндекс.Дзен» платформасындагы татар тарихы турындагы пабликлар арасында иң популяры булды. Каналга язылучылар саны 20 меңнән артып китте.

«Энергопром-2026» Казан халыкара электр энергетикасы форумының төп бурычлары булып халыкара катнашу күрсәткечен киңәйтү, бигрәк тә БДБ һәм Азия илләрен җәлеп итү, илнең цифрлаштырылуына һәм импорттан бәйсезлегенә басым ясап, инновацион көн тәртибен көчәйтү, яшьләр юнәлешен үстерү, шулай ук, имзаланган килешүләр санын арттыру хисабына, нәтиҗәлелекне арттыру тора. Бу хакта Татарстан Рәисе Рөстәм Миңнеханов чараны оештыру комитеты утырышында белдерде, дип хәбәр итә республика җитәкчесенең матбугат хезмәте. Читать дальше...

Казан футболны үстерү үзәге төзелешен агымдагы елның августында тәмамлау планлаштырыла. Хәзерге вакытта объектның әзерлеге 58 процент тәшкил итә, дип хәбәр итә ТР Спорт министрлыгы матбугат хезмәте.

Татарстанның Россиядәге Тулы вәкаләтле вәкиллеге Муса Җәлилнең тууына 120 ел тулу алдыннан бөек татар шагыйре катнашында кинохрониканың бердәнбер сакланып калган мизгеле белән уртаклашты.

Казанның «Хыял» музыкаль төркеме Олег Газмановның «Родники. Дети» Бөтенроссия конкурсында финалга чыкты. Коллектив зур жюри тарафыннан бөтен илдән йөз дәгъвачы арасыннан сайлап алынган 22 иң көчле катнашучы арасына кергән. Бу хакта шәһәрнең мәдәният идарәсе хәбәр итә, дип яза Казан мэриясе матбугат хезмәте.

Көнбатыш циклоны атна ахырына Татарстанга аномаль җылылык һәм мул явым-төшемнәр китерәчәк. Шулай ук секундына 17-22 метр тизлектә көчле җил көтелә. Бу хакта «Татар-информ»га ТР Гидрометеорология үзәге башлыгы Феликс Гоголь хәбәр итте.

Казанның Кабан арты мәчете имамнары Хөсәен хәзрәт Зөфәров һәм Илдар хәзрәт Гарипов Куала-Лумпурда Малайзия халыкара ислам университетында узган LARAS – 26th Architectural Heritage Studies Exhibition Халыкара архитектура күргәзмәсендә катнашты. Бу хакта ТР Диния нәзарәте матбугат хезмәте хәбәр итә.

Моның өчен Дөнья башкорт корылтае «Җанлы сүз» проектын оештырды.

Татарстан Республикасы Милли музеенда фольклорчы-галим, этномузыка белгече, Нәҗип Җиһанов исемендәге Казан дәүләт консерваториясе доценты Геннадий Макаров традицион төрки музыка коралларының тарихы турында «Каюм авазлары. Төрки тамырлар музыкасы» исемле лекция укыды.

2026 елда ана капиталы индексацияләнде, беренче балага түләү якынча 729 мең сум тәшкил итә, икенчесенә – 963 мең сум. Бүген Казанда ЗАГС мәйданчыгында иҗтимагый оешмалар вәкилләре белән очрашуда балалы гаиләләргә ярдәм чаралары турында Россия Социаль фондының ТР буенча бүлеге идарәчесе урынбасары Елена Полякова сөйләде.

Ульяновск өлкәсендәге Чардаклы районында Л.М.Рошаль исемендәге 1 нче мәктәптә Советлар Союзы Герое, каһарман шагыйрь Муса Җәлилнең 120 еллыгына багышланган әдәби кичә узды. Бу хакта «Өмет» газетасының телеграм-каналы хәбәр итә.

Бүген иҗтимагый оешмалар вәкилләре белән очрашуда Россия Социаль фондының ТР буенча бүлеге идарәчесе урынбасары Елена Полякова Татарстаннан балалы гаиләләргә бердәм пособие исәпләү кагыйдәләре турында сөйләде. Әңгәмә Казанда ЗАГС мәйданчыгында узды.

«Татар-информ» мәгълүмат агентлыгы «Ядкярләрдә Тукай рухы» әдәби конкурсында җиңү яулаган катнашучыларның эшләрен тәкъдим итә. Әдәби бәйге Татарстан Республикасы Милли музее һәм Габдулла Тукай әдәби музее тарафыннан оештырыла. Әлеге эшләр беренче тапкыр матбугатта тәкъдим ителә.

Татарстан Республикасы Дәүләт Советы депутаты, Бөтендөнья татар конгрессы Милли Шура рәисенең беренче урынбасары — Бөтендөнья татар конгрессы Башкарма комитеты җитәкчесе Данис Шакиров Ханты-Манси автономияле округына эшлекле сәфәре барышында Урал федераль округы татар иҗтимагый оешмалары җитәкчеләре һәм вәкилләре белән округ җыелышы уздырды. Бу хакта Бөтендөнья татар конгрессы матбугат хезмәте хәбәр итә.

13 февральдә Казанда каһарман-шагыйрь Муса Җәлил мирасына багышланган «Муса Җәлил Россиянең тарихи-мәдәни киңлегендә» бөтенроссия фәнни конференциясе узачак. Конференция эшендә Муса Җәлилнең олы кызы, җәмәгать эшлеклесе Люция Җәлилова дә катнашачак. Бу хакта бүген «Татар-информ»да узган матбугат очрашуында сөйләделәр.

«Россиянең Үлемсез полкы» гомумроссия иҗтимагый хәрәкәте Үзәк советының яңа рәисе итеп ТР Предприятиеләре һәм сәнәгатьчеләре ассоциациясе генераль директоры урынбасары Тимур Халиков билгеләнде.

13 февральдә Казанда каһарман-шагыйрь Муса Җәлил мирасына багышланган «Муса Җәлил Россиянең тарихи-мәдәни киңлегендә» бөтенроссия фәнни конференциясе узачак. Конференция Татарстан Республикасы Фәннәр академиясенең Татар энциклопедиясе һәм төбәкне өйрәнү институты тарафыннан оештырыла.

Бүген ТР Премьер-министры урынбасары – авыл хуҗалыгы һәм азык-төлек министры Марат Җәббаров 2025 ел нәтиҗәләренә багышланган коллегия утырышында сөткә субсидияләрне эре хуҗалыклар өчен дә кире кайтару мөмкинлеген карауны сорады. Бу үтенеч белән ул утырышта катнашкан РФ авыл хуҗалыгы министры урынбасары Роман Некрасовка мөрәҗәгать итте.