Новости за 01.02.2026

Азнакай политехника техникумы спорт залы бу ялларда янә волейболчылар өчен «көрәш» мәйданчыгына әйләнде. Биредә сезонның беренче турниры үтте. Бу хакта «Азнакай» сайты хәбәр итә.

Түбән Кама районыннан махсус хәрби операция зонасына 22,5 тонналы гуманитар ярдәм партиясе җибәргәннәр.

Балтач үзәк балалар китапханәсендә «Сүнми торган йолдыз син, Тукай абый!» дип аталган әдәби иртә узган. Бу хакта Бөтендөнья татар конгрессы хәбәр итә.

5 февральдә 15:30 сәгатьтә Мәскәү шәһәре Татар мәдәни үзәгендә «Күңел моңнары» татар музыкасы концерты узачак. Кичәдә татар сәхнәсенең күренекле осталары башкаруында халык һәм автор әсәрләре яңгыраячак. Бу хакта Мәскәү татарлары автономиясе хәбәр итә.

Олыяз мәдәният йортында «Кукмара азаны» бәйгесе финалы узган. Чара дини эчтәлектәге мөнәҗәт-нәшидләр башкару, викторина оештыру, шулай ук бәйге җиңүчеләрен бүләкләү белән үрелеп барган. Залда җыелган тамашачылар яшь азан әйтүчеләрнең чыгышларын зур кызыксыну һәм дулкынлану белән күзәткән. Бу хакта Бөтендөнья татар конгрессы хәбәр итте.

Авиатөзелеш районының кайбер йортларында 3 февральнең 9:00 сәгатеннән 4 февральнең 6:00 сәгатенә кадәр вакытлыча суны сүндерәчәкләр. Сәбәбе – Борисоглебское торак массивының су белән тәэмин итүгә системасын үзәкләштерелгән челтәрләргә тоташтыру. Бу хакта Казан мэриясе матбугат үзәге хәбәр итә.

Бүген Казанда йорт яны территорияләрен кардан чистартуга 1,2 мең эшче һәм 230 берәмлек техника җәлеп ителгән. Бу хакта шәһәр мэриясенең матбугат үзәге хәбәр итә.

7 февральдә Татарстан Язучылар берлегендә язучы Нурихан Фәттах истәлегенә багышланган «Фәттах фест» фестивале узачак. Бу хакта ТР Язучылар берлеге телеграм-каналында хәбәр иттеләр.

Сикерү буенча Россия чемпионатында икенчеурынны яулаган фигуралы шуучы Динә Хөснетдинова үзенең чыгышыннан 70 процентка канәгать булуын әйтте. Ул шулай ук катнашучылар арасында ике өчле аксельдән торган секвенция башкарган беренче фигуралы шуучы булырга теләве турында сөйләде.

Иртәгә, 2 февральдә, Казанда муниципаль парковкалар көне буе бушлай эшләячәк. Бу хакта шәһәр мэриясенең матбугат үзәге хәбәр итә.

Актаныш районында, алты авылны берләштергән Богады авыл җирлегендә халык махсус хәрби операциядә катнашучы ир-атларга актив ярдәм итә.

Казанда «Буран» планы кертелгәннән бирле урамнарны кардан чистартырга комачаулаган 197 җиңел һәм йөк машинасын эвакуацияләгәннәр. Бу хакта шәһәр Дәүләт автоинспекциясе хәбәр итә.

Хаменеи шулай ук Иранның "сугыш башлау" яклы булмавын әйтте.

Парлы шуу номинациясендә чыгыш ясаган фигуралы шуучылар Анастасия Мишина һәм Александр Галләмов Мәскәүдә узучы сикерү буенча Россия чемпионатында җиңүче булды.

Фигуралы шуучы Динә Хөснетдинова сикерү буенча Россия чемпионатында икенче урын яулады. Спортчы 119,26 балл җыйды. Җиңүче Алиса Двоеглазованың нәтиҗәсе 127,27 балл булды.

«Мишә елгасы тамагы» төбәк әһәмиятендәге дәүләт табигый зоология тыюлыгы территориясендә 1 февральдән 15 апрельгә кадәр балык тотуга чикләүләр кертелә. Бу хакта Татарстан Республикасының Биологик ресурслар дәүләт комитетында хәбәр иттеләр.

«Татар-информ» мәгълүмат агентлыгы «Ядкярләрдә Тукай рухы» әдәби конкурсында җиңү яулаган катнашучыларның эшләрен тәкъдим итә. Әдәби бәйге Татарстан Республикасы Милли музее һәм Габдулла Тукай әдәби музее тарафыннан оештырыла. Әлеге эшләр беренче тапкыр матбугатта тәкъдим ителә.

РФ Иҗтимагый палатасының демография, гаиләне, балаларны һәм традицион гаилә кыйммәтләрен яклау комиссиясе рәисе Сергей Рыбальченко Россиядә «ата капиталы» – күп балалы гаиләләр өчен 2 млн сум күләмендә өстәмә түләү кертергә тәкъдим итте.

Фигуралы шуучы Камилә Вәлиева Мәскәүдә узучы сикерү буенча Россия чемпионаты финалына үтә алмады. Спортчы ярымфиналда 53,33 балл җыйды һәм иң яхшы нәтиҗәләр өчлегенә керә алмады. Бу аны җиңү өчен көрәшү мөмкинлегеннән мәхрүм итте.

Казан аэропорты янында берьюлы берничә юл-транспорт һәлакәте булган. Шаһитлар «Татар-информ»га видео җибәрде.

Татарстан мөселманнары Диния нәзарәте Казанда намаз, сәхәр һәм ифтар вакытларын урнаштырды.

Көчле кар яву сәбәпле, Горький тимер юлында хәрәкәт кыенлашкан. Начар һава торышы аркасында алты пассажир поезды тоткарланган, шул исәптән Казаннан Мәскәүгә баручы поездлар да, дип хәбәр итә РИА Новости.

Дүшәмбе, 2 февральдә, Казан гомуми белем бирү мәктәпләре дистанцион һәм электрон форматта эшләвен дәвам итәчәк. Бу хакта шәһәр мэриясенең матбугат үзәге хәбәр итә.

Кытай тышкы эшләр министры Ван И белдергәнчә, Пекин белән Мәскәүнең 2026 елда ике яклы мөнәсәбәтләрен үстерү өчен киң мөмкинлекләре бар. Бу хакта ул Россия Иминлек советы секретаре Сергей Шойгу белән очрашуда хәбәр итте, дип тапшыра ТАСС.

Казанда коткаручылар биеклектән егылып төшеп имгәнгән ир-атны түбәдән төшергән. «Татар-информ»га Россия Гадәттән тыш хәлләр министрлыгының ТР буенча баш идарәсендә хәбәр итүләренчә, Россия Гадәттән тыш хәлләр министрлыгының эзләү‑коткару отряды хезмәткәрләре Ершов урамы, 78б адресына килгән, анда бер катлы янкорманың түбәсендә имгәнгән 53 яшьлек ир-ат яткан.