Новости за 23.02.2026

Димитровград шәһәренең Н.Ф.Ватутин исемендәге 25 нче лицее директоры Эльвира Кортункова «Россиянең ел директоры» Бөтенроссия конкурсының региональ этабында җиңүче итеп танылды. Бүләкләү тантанасы 2 февральдә узды, дип хәбәр итә өлкә губернаторының матбугат хезмәте. Бу хакта «Өмет» газетасы яза.

Казанның Мәүлетов урамында биш катлы йортның соңгы катындагы ике бүлмәле фатирда янгын чыккан. Җиһазлар һәм шәхси әйберләр янган. Бу хакта «Татар-информ»га Россия Гадәттән тыш хәлләр министрлыгының ТР буенча Баш идарәсендә сөйләделәр.

Евросоюз илләре Россиягә каршы санкцияләрне тагын бер елга – 2027 елның 24 февраленә кадәр озайтты. Тиешле мәгълүмат ЕС рәсми журналында бастырылган.

Россиядә 1 марттан россиялеләрнең финансларына йогынты ясаячак биш яңалык үз көченә керәчәк. Алар турында «Российская газета» сөйләде.

Ватанны саклаучылар көнендә Россия дипломатлары белорус коллегалары һәм Польша ветераннары һәм иҗтимагый оешмалары вәкилләре белән бергә Варшавадагы Совет сугышчылары мемориаль зиратына чәчәкләр һәм веноклар салды. Бу хакта Россиянең Варшавадагы Илчелегенең телеграм-каналында хәбәр ителә.

22 февральдә Казанның Апанай мәдрәсәсендә хатын-кызлар өчен махсус ифтар оештырылды. Ифтарга Апанай мәдрәсәсендә белем алучылар, җәмәгать эшлеклеләре, мәхәлләгә актив йөрүчеләр чакырылган иде.

Казанда 23 февральдән 24енә каршы төндә муниципаль парковкаларны кардан чистартачаклар. Эшләрне, «бөке» булдырмас һәм транспорт хәрәкәтенә комачауламас өчен, төнлә оештыралар, дип хәбәр иттеләр шәһәр мэриясенең матбугат үзәгендә.

Татарстанда 25 апрельдән 11 майга кадәр янгынга каршы махсус режим кертү планлаштырыла. Республика Министрлар Кабинетының тиешле карар проекты коррупциягә каршы экспертиза уза.

Липецк мөселманнары Рамазан ае башында махсус хәрби операция зонасына гуманитар йөкнең чираттагы партиясен җибәрде.

Һәлак булган геройларның балаларына ярдәм итү – гаилә эше генә түгел, ә бөтен ил эше, дип ассызыклады РФ Президенты Владимир Путин батырларча һәлак булган Россия спецназчыларының тол хатыннары белән очрашу вакытында. Бу хакта ТАСС хәбәр итә.

Ватанны саклаучылар көненә багышланган чаралар кысаларында Россия Президенты Владимир Путин батырларча һәлак булган Россия спецназчыларының тол хатыннары белән очрашты. Бу хакта журналистларга дәүләт башлыгының матбугат сәркатибе Дмитрий Песков хәбәр итте, дип яза РИА Новости.

Февраль ахырында Татарстанда салкыннар, кар һәм көчле җил фаразлана. Бу хакта ТР Гидрометеорология үзәге хәбәр итә.

Из-за непогоды платную трассу Алексеевское – Альметьевск закрыли для всех видов транспорта. Об этом сообщает республиканская Госавтоинспекция.

Һава торышы начар булу сәбәпле, Алексеевск-Әлмәт түләүле трассасын транспортның барлык төрләре өчен дә яптылар. Бу хакта республика Дәүләт автоинспекциясе хәбәр итә.

Пенза өлкәсе Югары Әләзәннән бер төркем дин тотучылар кече хаҗ кылдылар һәм уразаның беренче көннәрен исламның төп изге урыннарында үткәрделәр.

Казанда соңгы өч елда сөрем газы белән агулануның 296 очрагы теркәлгән, нәтиҗәдә 401 кеше зыян күргән. Бу хакта шәһәр мэриясе хәбәр итә.

Әлмәттә төнлә Гафиятуллин урамындагы 21 нче йортта янгын чыккан. «Татар-информ» га Россия Гадәттән тыш хәлләр министрлыгының ТР буенча Баш идарәсендә хәбәр итүләренчә, ут ике фатирны колачлаган, янгынның гомуми мәйданы якынча 18 квадрат метр тәшкил иткән. Тыгыз төтен аркасында югары катларда яшәүчеләр өчен куркыныч туды.

Республика территориясендә 24 февральгә каршы төндә һәм көн дәвамында җилнең көчәюе фаразлана. Синоптиклар әйтүенчә, кайбер урыннарда тизлек секундына 15-18 метрга җитәргә мөмкин.

Татарстанның студент отрядлары урамнарны кардан чистартуда ярдәм итәргә әзер булуын белдерде

Россия Президенты Владимир Путин Ватанны саклаучылар көнендә Кремль дивары янындагы Билгесез солдат каберенә венок салды. Бу хакта РИА Новости хәбәр итә.

Татарстанда Ватанны саклаучылар көненә багышланган бөтенроссия хор акциясе узды. Бөек Ватан сугышы музей-мемориалында «Геройлар вакыты» җыры яңгырады. Бу хакта ТР Мәдәният министрлыгының ВКонтакте социаль челтәрендәге рәсми бергәлегендә хәбәр иттеләр.

Зәйдә махсус операция барышында хәрби бурычларын үтәгәндә һәлак булган хәрбиләрнең гаиләләренә дәүләт бүләкләре тапшыру тантанасы булды. Чара «Энергетик» мәдәният йортында узды.

Росгвардия оркестры Казандагы сәүдә үзәкләренең берсендә Ватанны саклаучылар көне уңаеннан флешмоб оештырды. Музыкантлар мондый концерт белән традицион рәвештә ел саен 23 Февральдә һәм 8 Мартта чыгыш ясый.

25 февральдә Төмән өлкәсе Себер татар язучылары һәм шагыйрьләре берлеге «Пыяла» татар ашлары йорты белән берлектә «Шигъри мохит» дигән шигъри кичәләр циклын башлый. Бу хакта «Себер татарлары милли-мәдәни автономиясе» өлкә иҗтимагый оешмасының Вконтакте социаль четләрендәге сәхифәсендә хәбәр ителә.

Дәүләт Думасы депутаты Сергей Миронов Ватанны саклаучыларны 23 Февраль белән котлады. Моннан тыш, сәясәтче хәрбиләргә ел саен әлеге бәйрәм көнендә акчалата түләү бирергә тәкъдим итте. Түләү суммасын хәрби хезмәткәрнең хәрби дәрәҗәсе нигезендә бер оклад күләмендә билгеләргә киңәш ителә. Бу хакта РИА Новости хәбәр итә.