Новости за 18.02.2026

2025 елда ТР Хезмәт министрлыгы эшсез татарстанлыларны эшкә урнаштыру буенча социаль контрактлар белән тәэмин итү планын үтәгән. Бу хакта бүген ТР Иҗтимагый палатасында ТР Хезмәт, халыкны эш белән тәэмин итү һәм социаль яклау министры Эльмира Зарипова хәбәр итте.

16 февральдә Әлмәттә татар халкының бөек улы, каһарман шагыйрь Муса Җәлилнең тууына 120 ел тулуга багышланган шигъри чара үтте. Бу хакта ТР Язучылар берлеге матбугат хезмәте хәбәр итә.

17 февральдә Ленино-Кокушкино авылында Татарстан Республикасы Милли китапханәсе фәнни-методик бүлеге, Питрәч үзәкләштерелгән китапханәләр челтәре белән берлектә язучы Ринат Мөхәммәдиев белән очрашу кичәсе булып узды. Очрашуда Милли китапханәнең фәнни – методик бүлеге баш китапханәчесе Зәйнәп Әбүгалим кызы Җамалиева катнашты, дип хәбәр итә ТР зучылар берлеге.

Татарстан Милли китапханәсе Халыкара туган тел көне уңаеннан тел һәм мәдәни төрлелекне саклауга, үстерүгә һәм туган телне өйрәнүне хуплауга юнәлдерелгән махсус программа әзерләде. Тематик чаралар 22 февральдә көн дәвамында узачак.

Бүген мөселманнар өчен изге Рамазан ае башлану белән Россия башкаласында 21 нче «Рамазан чатыры» ачылды, ул 19 мартка кадәр эшләячәк. Мәскәүнең Мемориаль мәчете каршындагы мәйданчыкта бер ай эчендә 50 меңнән артык кунак булыр дип көтелә.

Иннополис Университеты узган 2025 елда абитуриентларны кабул итү сыйфаты буенча Россия югары уку йортлары рейтингында дүртенче урынны алды. Россия университетларына кабул итү сыйфатын тикшерүне Югары икътисад мәктәбе тәкъдим итте.

Бүген, Рамазан-шәриф ае башланырга берничә сәгать кала, Казанның Галиев мәчетендә Татарстан мөселманнары Диния Нәзарәте рәисе, Татарстан Мөфтие, Курра-хафиз, шәригать фәннәре докторы Камил хәзрәт Сәмигуллин Коръән хәтем кылуны (Изге Китапны тулысынча уку) башлап җибәрде. Бүген ул Кәлам Шәрифнең беренче җүзен укыды, дип хәбәр итә ТР Диния нәзарәте матбугат хезмәте.

Бүген, 18 февраль, Изге Рамазан ае алдыннан Татарстанның Биектау районы, Айбаш авылының төзекләндерелгән тарихи агач мәчет манарасына ярымай кую тантанасы узды.

Коткаручылар Яшел Үзәндәге «Магнит» складының түбәсе ишелгән урында эзләү эшләрен төгәлләделәр. «Татар-информ»га Россия гадәттән тыш хәлләр министрлыгының ТР буенча Баш идарәсе матбугат хезмәтендә хәбәр итүләренчә, җимерекләр астында кешеләр юк.

Махсус хәрби операциядә катнашучыларга һәм аларның гаилә әгъзаларына ярдәм итү – ТР Хезмәт министрлыгы эшендә өстенлекле бурыч. Махсус хәрби операция ветераннарына социаль ярдәм һәм эшкә урнашуда ярдәм күрсәтелә. Бүген ТР Иҗтимагый палатасында Татарстанның Хезмәт, мәшгульлек һәм социаль яклау министры Эльмира Зарипова ведомствоның 2025 елга максатлары һәм бурычлары турында сөйләде.

Яр Чаллы мәгариф идарәсендә 23 гыйнварда 16 нчы мәгариф үзәгендә булган мәктәп укучыларының сугышуын шәрехләделәр.

Казанда ашыгыч медицина ярдәме станциясе фельдшерлык бригадасы йөрәге туктаган 41 яшьлек ир‑атны коткарган.

Менделеевск районыннан яңа территорияләргә гуманитар йөк җибәрәләр. Бу юлы сугышчыларга «УАЗ», «Шевроле Нива», «Шевроле Нива» багги һәм ЛУАЗ автомобильләре, шулай ук өч мотоцикл җибәреләчәк. Лисичанск гражданнарына ярдәмгә «Нива» һәм «Лада Калина» җибәреләчәк.

Фото: Новосибирск өлкәсе төбәк татар милли-мәдәни автономиясе каршындагы «Ак калфак» иҗтимагый оешмасы

Чәршәмбе кичендә Казан юлларында 9 баллы бөкеләр барлыкка килде, дип хәбәр итә «Яндекс карта» сервисы.

Пенза өлкәсе татар милли-мәдәни автономиясе каршындагы «Мизгел» вокаль ансамбле үзенең иҗат коллективына яңа солистлар җыюы турында игълан итте. Бу хакта Пенза өлкәсе татар автономиясенең «ВКонтакте» социаль челтәрендәге төркемендә хәбәр ителә.

Татарстанның сәламәтлек саклау министры Альмир Абашев Республика клиник хастаханәсендә татарстанлыларның сәламәтлеген саклауда яңалык кертү рухы алга таба да дәвам итәчәгенә ышанычын белдерде.

Татарстан Республикасында бүген кояш баегач мөселманнар өчен изге Рамазан ае башланды. Бүген республика мөселманнары беренче таравих намазын укыячак, ә иртәгә беренче ураза көне булачак.

Раис Татарстана Рустам Минниханов на своих страницах в социальных сетях поздравил мусульман республики с наступлением Рамадана.

Татарстан Рәисе Рөстәм Миңнеханов социаль челтәрләрдә республика мөселманнарын Рамазан ае башлану белән котлады.

Шәфыйкова хөкүмәттә иң озак эшләгән министр.

Редакция хезмәткәрләре әйтүенчә, район басмаларында материаллар инде конкрет даталарсыз чыга башлаган.

Казан – җир шарындагы иң матур шәһәрләрнең берсе, ул 1 марттан 8 мартка кадәр узачак БРИКС илләре матурлык бәйгесендә катнашучыларда онытылмас тәэсир калдырачак. Мондый фикер белән «Интерфакс»тагы матбугат конференциясендә конкурсның жюри әгъзасы булган җырчы Ольга Серябкина уртаклашты.

Казанның 2026 елда ислам дөньясының мәдәни башкаласы статусын алуы – бөтен ил өчен зур вакыйга, шулай ук Татарстан һәм тулаем Россия өчен зур җаваплылык. Бу хакта «Интерфакс»тагы матбугат конференциясендә ТР вице-премьеры Ләйлә Фазлыева белдерде.

Узган 2025 елда Республика клиник хастаханәсенең Перинаталь үзәгендә 7800 бала туган. Бу хакта бүген хастаханәнең медсовет утырышында билгеле булды.