Новости за 22.02.2026

Бөтендөнья татар конгрессының Милли Шура рәисе Васил Шәйхразыев эш сәфәре белән Кыргызстанда. Ул Муса Җәлил призына уздырылган баскетбол турниры җиңүчеләрен бүләкләде, дип хәбәр итә конгресс матбугат хезмәте.

Аяз Гыйләҗев исемендәге Чаллы татар дәүләт драма театрының кече залында күренекле әдип Факил Сафинның «Мәйдан» журналының 2026 ел январь ае санында басылып чыккан «Алар безне эзлиләр» исемле әсәре турында фикер алышу узды. Бу хакта ТР Язучылар берлеге хәбәр итә.

Мәскәү өлкәсе мөселманнары тарафыннан махсус хәрби операция катнашучыларына 2025 елда күрсәтелгән ярдәм күләме 10 миллион сумнан артып китте. Бу хакта Мәскәү өлкәсе мөселманнарының Диния нәзарәте рәисе мөфти Рушан Аббясов Мәскәү җәмигъ мәчетендә Диния нәзарәте эшчәнлегенә нәтиҗә ясау барышында белдерде.

Кыргызстанда Милли Шура рәисе Васил Шәйхразыев Муса Җәлил исемендәге 29 нчы мәктәптә герой шагыйрьгә истәлекле такта ачу тантанасында катнашты, дип хәбәр итә Бөтендөнья татар конгрессы матбугат хезмәте.

Рамазан аеның өченче көнендә Казанда Республика клиник хастаханәсендә традицион медицина ифтары узды. Ифтар ел саен РФ Мөселман эшкуарлары ассоциациясе ярдәме белән үткәрелә: әлеге оешма Республика балалар клиник хастаханәсе һәм Республика клиник хастаханәсе территорияләренә ислам рухы кертүдә, шул исәптән, намаз уку бүлмәләрен оештыруда һәм «Әбүгалисина» мәчете эшчәнлеген тәэмин итүдә зур көч куя.

Татарстан Республикасы Премьер министры урынбасары, Бөтендөнья татар конгрессының Милли Шура рәисе Васил Шәйхразыев эш сәфәре кысаларында Кыргызстандагы Бишкек шәһәрендә Муса Җәлил исемендәге 29нчы гомум белем бирү мәктәбендә булды, дип хәбәр итә конгресс матбугат хезмәте.

Бөтендөнья татар конгрессы Милли Шура рәисе Васил Шәйхразыев эш сәфәре барышында Кыргызстанда уздырылган ифтар мәҗлесендә катнашты.

Казанда ТР ветераннары, махсус операция һәм сугыш хәрәкәтләрендә катнашучылар белән берлектә узган «Татарстан Геройлары» хәйрия хоккей гала-матчы тәмамланды. Шунысын да билгеләп үтәргә кирәк, барлык җыелган акчалар хәрби хәрәкәтләр зонасына гуманитар ярдәмгә җибәреләчәк.

Дәүләт Думасының гаиләне яклау, ата-ана һәм балачак мәсьәләләре комитеты рәисе урынбасары Виталий Милонов соңгы елларда популярлашкан гендер-пати (туачак баланың алдан җенесен белү бәйрәме) үткәрүне тәнкыйтьләде.

Актаныш районының Теләкәй авылында халыкка «Без бергә» хәйрия концерты программасы тәкъдим иттеләр. Чара җылы, рухи атмосферада узды һәм авыл халкын уртак максат белән берләштерде.

Изге Рамазан аенда мөселманнар төнлә мәчетләрдә таравих намазы укый. Бу намазның ни өчен нәкъ менә 20 рәкәгатьтән торуы турында Казан казые, ТР мөселманнары Диния нәзарәтенең шәригать бүлеге башлыгы Булат Мөбәрәков сөйләде.

ЦУМ интерьерын бизәүдә чәк-чәк һәм өчпочмак кулланылачак, дип хәбәр итте баш архитектор һәм «Татинвестгражданпроект» генераль директоры урынбасары Елена Вәлиева.

Татарстанда мөселманнар өчен изге Рамазан ае 19 мартка кадәр дәвам итәчәк. Бу вакытта дин тотучыларга ашаудан, эчүдән һәм якынлыктан тыелырга кушалар. Ураза алдыннан иртәнге ашны сәхәр, ә уразадан соң ашау – ифтар дип атала.

Түбән Камада «Добрые сердца» төркеме волонтерлары фронтка ярдәм итүнең яңа юнәлешен ачтылар – сугышчылар өчен маскировка костюмнары ясый башладылар. Мондый саклагыч эшләнмәләргә ихтыяҗ хәрбиләрнең үз мөрәҗәгатьләреннән соң барлыкка килде, аларволонтерлар белән даими элемтәдә торалар.

Дәүләт Думасы депутаты Каплан Панеш (ЛДПР) РИА Новости белән әңгәмәдә барлык көч ведомстволары һәм хокук саклау органнары хезмәткәрләре өчен елына ике тапкыр хезмәт хакын гарантияләнгән арттыруны кертергә тәкъдим итте.

Россия Федерациясе Президентының Идел буе федераль округындагы Тулы вәкаләтле вәкиле Игорь Комаров төбәк халкына 23 февраль уңаеннан котлау белән мөрәҗәгать итте.

1,5 км от Назарбаева до памятника Марджани

В Казани представили проект благоустройства третьей очереди набережной озера Кабан – последнего участка, который до сих пор не был обновлен. Речь идет о 1,5 километра от улицы Назарбаева до памятника Марджани – отрезке, который долгое время оставался в стороне от масштабных преобразований.

Здесь растут раскидистые ивы, создавая спокойную, почти камерную атмосферу. Пространство очень уютное, но уже выбивается из общего облика обновленной набережной Кабана. Читать дальше...

Кабан күле яр буен 2027 елда төзекләндереп бетерергә планлаштыралар.

Татарстан башкаласында беренче мәртәбә «Россия спорты» программасы кысаларында «Татарстан Геройлары» хәйрия гала-матчы уза, аның төп бурычларының берсе - сугыш хәрәкәтләре ветераннарын тернәкләндерү.

Менделеевск районы башлыгы Роберт Искәндәров Ватанны саклаучылар көне алдыннан махсус хәрби операция зонасына 40 тонна гуманитар йөк китерде. 19 февральдә Менделеевскидан хәрби хезмәткәрләр һәм Лисичанскида яшәүчеләр өчен техника, төзелеш материаллары, саклану чаралары, генераторлар, медикаментлар, азык-төлек, шәхси посылкалар һәм башка бик күп әйберләр җибәрделәр.

Казанда «Татарстанның хоккей легендалары» һәм «Сугышчан туганлык» командалары катнашында «Татарстан Геройлары» хәйрия гала-матчы башланды.

Бөгелмәнең Бауман урамындагы 2нче йорт фатирыннан ике кешене хастаханәгә озатканнар. 49 яшьлек ир-ат һәм 44 яшьлек хатын-кызга медицина ярдәме кирәк булган. Татарстан Торак инспекциясендә «Татар-информ» агентлыгына хәбәр итүләренчә, аларны хастаханәгә китерүнең сәбәбе - ис газы белән агулану. Соңгы нәтиҗә тикшерү йомгаклары буенча ясалачак.

Татарстан башкаласында йорт түбәләрен кар һәм боздан чистарту эшләре дәвам итә. Шәһәрнең рәсми порталы хәбәр иткәнчә, узган тәүлектә 131 түбә тәртипкә китерелгән. Казанда барлыгы 2 090 тигез түбә исәпләнә, бүгенге көнгә аларның яртысы диярлек чистартылган — 1 014 (49 проценты).

Татарстан халкын 23 февральдә төнлә һәм көндез төбәктә көчле җил көтелүе турында кисәтәләр. Җилнең тизлеге урыны белән секундына 20 метрга кадәр җитәргә мөмкин. Шуңа бәйле рәвештә, Россия Гадәттән тыш хәлләр министрлыгының ТР буенча Баш идарәсе халыкны иминлек чараларын үтәргә чакыра.

Татарстанда тикшерүчеләр экстремистик оешманың символикасын пропагандалау һәм халыкка күрсәтү турындагы эшне тикшерүне төгәлләде. Буа районында яшәүче 21 яшьлек егет суд каршына басачак.