Новости за 26.02.2026

«иВолга» яшьләр форумының гаризалар кабул итү кампаниясе башланды. Быел чарага Россиянең төрле төбәкләреннән якынча 1,5 мең делегат җыелачак. Форум 24-31 июльдә Самара өлкәсенең Мастрюков аланында узачак, дип хәбәр итә ТР Яшьләр эшләре министрлыгы матбугат хезмәте.

Яшел Үзән районында үлемгә китергән юл-транспорт һәлакәте булган. Бу хакта республика Дәүләт автоинспекциясе хәбәр итә.

Изге Рамазан аенда Татарстанда күмәк ифтарлар үткәрелә. Бүген авыз ачу мәҗлесен Иранның Казандагы генераль консуллыгы оештырды.

РФ Дәүләт Думасының Татарстаннан депутатлары Россия Премьер-министры Михаил Мишустинның парламентның түбән палатасы каршындагы хисабына әзерлек кысаларында Россия Хөкүмәте вәкилләре белән очрашкан. Бу хакта Дәүләт Думасының Татарстаннан депутаты Айрат Фәррахов сөйләде, дип хәбәр итә «Бердәм Россия» партиясенең Татарстан төбәк бүлеге матбугат хезмәте.

Россия Президенты Владимир Путин ил хөкүмәтенә төзелеш күләме җитәрлек булмаган шәһәрләрдә гаилә ипотекасын 20 елдан озаграк файдалануда булган икенчел торак объектларын алу өчен киңәйтергә кушты.

ТР Балык Бистәсе районыннан Татарстан шефлыгындагы Рубежное шәһәренә гуманитар ярдәм партиясе җибәрелде. Йөк колоннасын район башлыгы Радик Ислямов озата барды. Ул ярдәмне Татарстан Республикасы Премьер-министры урынбасары Ринат Садыйков белән бергә Рубежное шәһәре гуманитар үзәгенә тапшырды.

Казанда узган елда криминоген вазгыять сизелерлек яхшырган. Җинаятьчелек дәрәҗәсе 25 процентка кимегән, дип хәбәр итте Россия Эчке эшләр министрлыгының Казан буенча идарәсе башлыгы Ринат Габитов Казан шәһәре Думасының хисап сессиясендә.

Татарстанның Лениногорск районы сәламәтлек саклау һәм мәгариф учреждениеләрендә кадрлар кытлыгы күзәтелә. Моңа муниципалитет советының хисап сессиясендә чыгыш ясаганда ТР Премьер-министры Алексей Песошин игътибар итте, дип хәбәр итә республика җитәкчесенең матбугат хезмәте.

Татарстан прокуратурасы республиканың төрле районнарында йорт һәм учреждениеләрнең түбәләре ишелү очракларыннан соң идарәче компанияләр үткәргән масштаблы тикшерүләрнең нәтиҗәләре турында хәбәр итте.

Татарстанның Әлмәт районында 2025 елда уртача хезмәт хакы 103,8 мең сум тәшкил итте, дип хәбәр итте хисап сессиясендә район башлыгы Гүзәл Хәбетдинова. Муниципаль берәмлек әлеге күрсәткеч буенча республикада алтынчы урында.

Алдагы ял көннәрендә кыш тәмамлана һәм яз башлана. Татарстанда җылыта һәм бураннар башлана. Бу ТР Гидрометеорология үзәге фаразыннан билгеле булды.

Лаешта геройлар истәлеген мәңгеләштерүче яңа мемориаль объектлар барлыкка киләчәк. Эшлекле киңәшмәдә быел урнаштырылачак һәйкәлләрнең макетлары турында фикер алыштылар.

ТР спорт министрының беренче урынбасары Хәлил Шәйхетдинов Татарстан Республикасының иң яхшы яшь спортчыларын бүләкләү тантанасында сәламләү сүзе белән чыгыш ясады.

ЮНЕСКО тикшеренүләренә караганда, дөньяда кеше бер-берен аңлый ала торган 14 тел бар. Бу телләр арасында төрки телләрнең бердәнбер төркеме булган татар теле дә бар.

Республика клиник хастаханәсенә соңгы айда түбәдән кар төшергәндә егылып имгәнгән 17 кеше мөрәҗәгать иткән. Бу хакта медицина учреждениесендә хәбәр иттеләр.

Түбән Камада «Ел хатын-кызы» конкурсының зона этабына йомгак ясалды. Нәтиҗәдә титулга Түбән Кама шәһәр советының «Яңа кешеләр» партиясеннән депутаты Лариса Нуриева лаек булды. Ул инде күп еллар дәвамында эшен волонтерлык эшчәнлеге белән бергә алып бара һәм махсус хәрби операция катнашучыларына ярдәм итә.

ТР Югары Ослан районының Яр буе Морквашы авылы башлыгы Илнур Гаязов ышанычны югалту сәбәпле эшеннән азат ителде. Бу хакта ТР прокуратурасы матбугат хезмәте хәбәр итә.

Чистай районы Татарстанның Кама аръягы зонасының стратегик үзәге булып тора, алдынгы сәнәгать базасы, авыл хуҗалыгы һәм бай мәдәни-тарихи мирасы белән аерылып тора. Бу хакта Татарстан Премьер-министры Алексей Песошин Чистай районы советының хисап утырышында белдерде, дип хәбәр итә ТР Рәисе матбугат хезмәте.

Татарстан Республикасы Премьер-министры урынбасары, Бөтендөнья татар конгрессының Милли Шура рәисе Васил Шәйхразыевның Удмуртия Республикасына эш сәфәре дәвам итә. Бу хакта Бөтендөнья татар конгрессы матбугат хезмәте хәбәр итте.

Бүген Казан федераль университетының Филология һәм мәдәниятара багланышлар институтында «Җәлил укулары – 2026» бөтенроссия фәнни конференциясе башланып китте. Чара герой-шагыйрь Муса Җәлилнең тууына 120 ел тулуга багышланган.

Life is Good инвестицион проекты топ-лидеры Сергей Санниковны Дубайдан Россиягә кайтардылар. Ул финанс пирамидасын оештыруда гаепләнә. Бу хакта Россия Эчке эшләр министрлыгының рәсми вәкиле Ирина Волк хәбәр итте.

Төмәндә себер татар шагыйрәсе Гөлнара Кәлиева белән очрашу булган. Бу хакта Төмән өлкәсе «Себер татарлары милли-мәдәни автономиясе» иҗтимагый оешмасының «ВКонтакте» социаль челтәрендәге төркемендә хәбәр ителә.

12 мартта Казанда Дагыстан халкының ифтар ашы узачак. Бу хакта «Татар-информ» хәбәрчесенә Дагыстанның Татарстан Республикасындагы тулы вәкаләтле вәкиле Магомед Мөслимов хәбәр итте.

Әлмәттә районның 2025 елдагы социаль-икътисади үсешенә йомгак ясалды. Шәһәр һәм район советларының «Әлмәт» иҗтимагый үзәгендә узган уртак утырышында ТР Дәүләт Советы Рәисе Фәрит Мөхәммәтшин катнашты, дип хәбәр итә ТР Дәүләт Советы матбугат хезмәте.

Иртәгә, 27 февральдә, төнлә һәм иртән Татарстан территориясендә урыны белән томан көтелә. Россия Гадәттән тыш хәлләр министрлыгының республика буенча баш идарәсе машина йөртүчеләргә һәм җәяүлеләргә иминлек чаралары турында искәртте.