Новости за 13.02.2026

Теләче районы кабат оешуга 35 ел тулу уңаеннан «Шигырьләремдә - туган ягым» дип аталган бәйге игълан ителде. Конкурс әдәби иҗатка сәләте булган, талантлы шагыйрьләрне табу һәм аларның иҗади мөмкинлекләрен ачу максаты белән уздырыла, дип хәбәр итә «Теләче информ» сайты.

Бүген Казанның «Адымнар – белем һәм татулыкка юл» күп телле мәктәбендә мәктәпкәчә яшьтәге балалар һәм башлангыч мәктәп укучылары өчен җырлы-биюле «СалаваTik» төркеменең 5 еллыгы уңаеннан концерт оештырылды.

Бөек Болгар буенча беренче юл күрсәткеч эшләнде. Ул районда туризмны үстерү буенча стратегик сессиядә беренче тапкыр тәкъдим ителде.

Татарстан Республикасы Фәннәр академиясендә герой-шагыйрь Муса Җәлилнең тууына 120 ел тулу уңаеннан узган Бөтенроссия фәнни конференциясендә шагыйрьнең олы кызы, кинорежиссер Люция Җәлилова да катнашты. Ул әтисенең тормыш юлы турында фильм өчен сценарийлар язуы, әмма аларның чыгарылмавы хакында сөйләде.

Халыкара ислам коридоры проекты кысаларында йөк ташу белән шөгыльләнәчәк Россия-Әфганстан транспорт компаниясе документлары 2026 елның маенда килештереләчәк. Бу хакта «Татар-информ» агентлыгына Әфганстандагы Россия эшлекле үзәге җитәкчелеге хәбәр итте.

Быел Куйбышев тимер юлының Татарстанда урнашкан өч станциясе яңартылачак, дип хәбәр итә Куйбышев тимер юлының матбугат хезмәте.

2026 елның гыйнварында Татарстанда 16 кеше алкоголь белән агуланып үлгән. Бу хакта Кулланучыларның хокукларын яклау һәм кеше иминлеге өлкәсендә күзәтчелек Федераль хезмәтенең (Роспотребнадзор) ТР буенча идарәсе матбугат хезмәте хәбәр итә.

Һөнәри осталык буенча «Профессионаллар» Бөтенроссия чемпионатының төбәк этабына 2026 елда көллият һәм техникумнарда белем алучы рекордлы сандагы студент (400 меңнән артык кеше) теркәлгән. Бу хакта РФ Мәгариф министрлыгында хәбәр иттеләр.

2026 елда Татарстанда «Гаилә» илкүләм проектын гамәлгә ашыруга 17,6 миллиард сумнан артык акча юнәлдереләчәк. Аның 2,6 миллиард сумы федераль бюджеттан киләчәк, тагын 15 миллиард сумы республика казнасыннан бүленәчәк, дип хәбәр итә ТР Икътисад министрлыгы матбугат хезмәте.

Мәскәүдә шагыйрь, Советлар Союзы Герое Муса Җәлил һәйкәле янында аның тууына 120 ел тулуга (ул 15 февральдә билгеләп үтелә) багышланган истәлекле чара узды. Бу хакта Татарстанның Россиядәге Тулы вәкаләтле вәкиллеге матбугат хезмәтендә хәбәр иттеләр.

Бүген Чаллы шәһәренең Боз сараенда каһарман-шагыйрь Муса Җәлил истәлегенә «Ватаным Татарстан» газетасы гамәлгә куйган көрәш турниры башланды. Биредә 60, 65, 70, 75, 80, 85, 90, 100, 130 һәм 130 килограммнан авыррак үлчәү авырлыкларында 400дән артык көрәшче көч сынаша. Быел турнир үзенчәлекле – ул берьюлы өч мөһим датага: бөек татар шагыйре Муса Җәлилнең тууына 120 ел тулуга, Чаллы шәһәренең 400 еллыгына һәм «КамАЗ» заводында беренче йөк машинасы чыгарылуга 50 ел тулуга багышлана.

Буран сәбәпле, Казан юлларында юл-транспорт һәлакәтләре саны кискен арткан. Шәһәр дәүләт автоинспекциясе мәгълүматлары буенча, 18.00 сәгатькә юл-патруль хезмәте полкының дежур частенә аварияләр турында 300дән артык хәбәр килгән.

Татарстан Рәисе Рөстәм Миңнеханов Саклык банкы идарәсе рәисенең беренче урынбасары Александр Ведяхин белән очрашты. Бу хакта ТР Рәисенең матбугат хезмәте хәбәр итә.

Бүген Чаллы шәһәренең Боз сараенда каһарман-шагыйрь Муса Җәлил истәлегенә «Ватаным Татарстан» газетасы гамәлгә куйган көрәш турниры ачылышында дүрт Татарстан көрәшчесенә халыкара класслы спорт остасы таныклыгы тапшырлды. Бу хактагы карарны Россиянең спорт министры Михаил Дегтярев имзалаган. Әлеге карар нигезендә Татарстан көрәшчеләре Азат Габдрәшитов, Рәмис Гыйләҗетдинов, Радик Сәлахов һәм Алексей Абрамов Россиянең халыкара класслы спорт остасы исеменә лаек булды. Таныклыкларны аларга Россия Дәүләт Думасы депутаты... Читать дальше...

Татарстан Республикасы Премьер-министры урынбасары Ринат Садыйков «Теләкләр чыршысы» Бөтенроссия акциясендә катнашты һәм Лисичанск белән Рубежное шәһәрләрендә яшәүче ике кызның Яңа ел хыялларын чынга ашырды.

Агымдагы елда республикада җәмәгать судьяларының 11 суд участогы бинасына капиталь ремонт ясарга ниятлиләр. ТР Рәисе Рөстәм Миңнеханов республика судьяларының 2025 елдагы эш нәтиҗәләренә багышланган киңәшмәсендә шулай дип белдерде. Бу хакта «Республика Татарстан» газетасы хәбәр итә.

Татарстан Рәисе Рөстәм Миңнеханов ТР Хөкүмәте йортында Росреестр җитәкчесе Олег Скуфинский белән очрашты. Бу хакта ТР Рәисенең матбугат хезмәте хәбәр итә.

«Бердәм Россия Яшь Гвардиясе» Бөтенроссия иҗтимагый оешмасының Татарстан төбәк бүлеге активистлары республика шефлыкка алган Лисичанск һәм Рубежное шәһәрләренә 4 тонна гуманитар ярдәм китерде.

Түбән Кама районында һава торышы начараю сәбәпле «Буран» планы кертелде. Бу хакта район башлыгы Радмир Беляев хәбәр итте.

Казанда яшәүче 47 яшьлек хатын-кызга үз фатирында 1,2 меңнән артык чит ил кешесен теркәгән өчен биш елга кадәр колония яный. Татарстан буенча Эчке эшләр министрлыгында хәбәр итүләренчә, аларның берсе дә чынлыкта анда яшәмәгән.

Россия тарихчысы һәм язучысы Рой Медведев 101нче яшендә вафат булган. Бу хакта ТАСС агентлыгына аның килене хәбәр итте.

У бюста поэта-героя у Казанского федерального университета состоялось торжественное возложение цветов.

Муса Җәлилнең туган көне алдыннан Казан федераль университетының Дан аллеясындагы ректорлар бакчасында герой-шагыйрь бюстына чәчәкләр салу тантанасы булды. Бу хакта КФУның Филология һәм мәдәниятара багланышлар институты матбугат хезмәте хәбәр итә.

Татарстан Рәисе Рөстәм Миңнеханов Казанда «Шәһәрне төзекләндерү» муниципаль унитар предприятиесенең яңартылган җитештерү базасы һәм «Горводзеленхоз» муниципаль унитар предприятиесенең яңа теплица комплексы эше белән танышты. Сәфәрдә аны шәһәр мэры Илсур Метшин озата йөрде, дип хәбәр итә ТР Рәисенең матбугат хезмәте.

Түбән Камада балалар бакчаларында тәрбияләнүчеләр арасында «Аҗаган» хәрби-спорт уенының финалы узды.