Новости за 24.02.2026

Төркиянең Анталия шәһәрендә «Илһам» төрки-татар сәнгать төркеме каршында балалар вокаль ансамбле барлыкка килде, Бу хакта Бөтендөнья татар конгрессы матбугат хезмәте хәбәр итә.

Узган ел Татарстанда 24 097 никах теркәлгән, бу үткән ел белән чагыштырганда 1,7 процентка күбрәк. Бүген ТР Министрлар Кабинетының ЗАГС идарәсе башлыгы Эльвира Әхмәтова «Бердәм Россия» Бөтенроссия сәяси партиясенең Татарстан төбәк бүлеге президиумы утырышында «Ныклы гаилә» партия проекты турында сөйләде.

Казанның 2нче балалар поликлиникасы баш табибы тоткарланган. Улмошенниклыкта һәм вәкаләтләрен арттыруда гаепләнә. Бу хакта ТР прокуратурасы матбугат хезмәте хәбәр итә.

Татарстанда спортның адаптив төрләре үзәген булдыру идеясен тикшерәләр. ТР спорт министры Владимир Леонов ТР Иҗтимагый палатасында ТР Спорт министрлыгының максатлары турында фикер алышуда шул хакта хәбәр итте.

Татарстанның авыл торак пунктларында быел тагын алты блок-модульле кибете төзеләчәк. Татарстан кулланучылар берлегенең идарә рәисе Рашат Шәймәрданов «Татар-информ» агентлыгына биргән интервьюсында шул хакта хәбәр итте.

Стратегик диалог һәм партнерлыкка ярдәм итү фонды «Россия – Ислам дөньясы» стратегик караш төркеменең ел саен үткәрелә торган грантлар бәйгесе башлануы турында игълан итте. Гаризалар агымдагы 2026 елның 1 апреленә кадәр кабул ителәчәк, дип хәбәр итә төркемнең матбугат хезмәте.

26 февральдә Татарстанда хәрбиләрнең хокукларын яклау һәм аларга ярдәм итүгә багышланган кайнар телефон элемтәсе узачак. Аны ТР Дәүләт Советының хатын-кыз депутатлары «Мәрхәмәт – Милосердие» берләшмәсе белән берлектә оештыралар, дип хәбәр итә Татарстанда Кеше хокуклары буенча вәкаләтле вәкил аппараты матбугат хезмәте.

Россиядә шәхси йортларга карата кызыксыну инде берничә ел арта. 2019 елдан илдә 370 миллион квадрат метрдан артык шәхси торак файдалануга тапшырылган. Россия Хөкүмәте Рәисе урынбасары Марат Хөснуллин сүзләренчә, кешеләр шул исәптән ташламалы ипотека һәм социаль газлаштыру программасы ярдәмендә шәхси йортлар ешрак төзи башлаган.

Агымдагы 2025-2026 уку елында Татарстанда 35 яшькә кадәрге яшь укытучылар саны 0,4 процентка арткан: 20 проценттан 20,4 процентка җиткән. Бу хакта бүген Татарстан Иҗтимагый палатасында ТР Мәгариф һәм фән министрлыгының максат һәм бурычлары үтәлеше нәтиҗәләре буенча җәмәгатьчелек белән фикер алышулар барышында билгеле булды. Утырышта республиканың мәгариф һәм фән министры Илсур Һадиуллин, ТР Иҗтимагый палатасы рәисе Александр Терентьев катнашты.

Татарстанда «Бердәм Россия белән минем карьерам» федераль проекты ярдәмендә махсус хәрби операциядән кайткан ветераннарның 75 проценты эшкә урнаштырылган. Бүген ТР Дәүләт Советы депутаты, ТР Профсоюзлар федерациясе рәисе Елена Кузьмичева «Бердәм Россия» Бөтенроссия сәяси партиясенең төбәк сәяси советы президиумы утырышында шул хакта хәбәр итте.

«Татар-информ» агентлыгы 2025 ел нәтиҗәләре буенча «Медиалогия» тарафыннан әзерләнгән рейтингта беренче баскычта урнашты һәм Татарстанның иң еш телгә алынучы мәгълүмат чарасы булды. Мәгълүмат агентлыгы 1863,15 балл җыйган, бу - басманың бөтен тарихында рекордлы күрсәткеч.

Бүген «Бердәм Россия» Бөтенроссия сәяси партиясенең Татарстан төбәк бүлеге президиумы утырышында 2025 елда республикада федераль һәм төбәк партия проектларын гамәлгә ашыруга йомгак ясадылар. Утырыш Казанда узды, аны ТР Дәүләт Советы Рәисе, «Бердәм Россия» партиясенең Татарстан төбәк бүлеге секретаре Фәрит Мөхәммәтшин алып барды.

Тикшерүчеләр Әлмәттә яшәүче 58 яшьлек ир-атка карата кузгатылган җинаять эшен тикшерүне төгәлләде. Берничә тапкыр җинаять җаваплылыгына тартылган ир-атны кеше үтерүдә гаеплиләр.

Татарстан Премьер-министры урынбасары – республиканың Россиядәге тулы вәкаләтле вәкиле Равил Әхмәтшинга РФ Тышкы эшләр министрлыгында композитор София Гобәйдуллинаның шәхси әйберләрен тапшырдылар. Бу хакта Тулы вәкаләтле вәкиллекнең матбугат хезмәте хәбәр итә.

Татарстан Эчке эшләр министрлыгында Telegram-каналларда таралган, Әлмәт районы башлыгы Гүзәл Хәбетдинованы тикшерүе турындагы хәбәрләргә аңлатма бирделәр. Көч структуралары хезмәткәрләренең тикшерүе, имештер, янәсе «пилотсыз очкыч һөҗүме вакытында халыкка дөрес хәбәр җиткермәү»гә бәйле рәвештә оештырылган.

Татарстанда соңгы көннәрдә көнкүреш газын куллану белән бәйле берничә гадәттән тыш хәл булды, дип хәбәр итә ТР Торак инспекциясе.

Татарстанда 2026 елның февраленә Бөек Ватан сугышында катнашкан 60 кеше яши. Республика хезмәт, халыкны эш белән тәэмин итү һәм социаль яклау министры Эльмира Зарипова брифингта шул хакта хәбәр итте.

2025 елда Яшел Үзәндә акыллы спорт мәйданчыгы ачылган. Якындагы ике елда республикада тагын шундый биш объект барлыкка киләчәк. ТР спорт министры Владимир Леонов ТР Иҗтимагый палатасында ТР Спорт министрлыгының максатлары турында фикер алышуда шул хакта хәбәр итте.

Г.Тукай исемендәге Арча педагогика көллиятендә «Хезмәт һәм хәрби батырлык белән Ватанны данлыйбыз!» дип аталган тематик парламент дәресе узды. Аны Татарстан Республикасында игълан ителгән Хәрби һәм хезмәт батырлыгы елына багышладылар, дип хәбәр итә республика Мәгариф һәм фән министрлыгы матбугат хезмәте.

187нче күп профильле лицейда «Профессионаллар» Бөтенроссия чемпионатының төбәк этабы призерларын һәм җиңүчеләрен бүләкләү тантанасы булды. Яшүсмерләр арасында «Полиграфия технологияләре» компетенциясе буенча ярышларда быел 187нче лицейның – дүрт, 175 нче гимназиянең бер укучысы катнашты.

Моңарчы Азатлык Радиосы сугышта кимендә 17 мең Татарстан һәм Башкортстан кешесенең үлгәнен раслады. Ике республика үлемнәр саны белән Русиядә беренче ике урында бара.

Яңа төбәкләрне торгызуда студентлар төзелеш отрядларының катнашу мөмкинлегенә бәйле мәсьәлә карала. Татарстанга килгәндә, республика шефлыкка алган шәһәрләрне - Лисичанск һәм Рубежноены торгызу турында сүз бара. Әмма иминлек төп мәсьәлә булып кала. Россия Иҗтимагый палатасы әгъзасы Ольга Павлова «Татар-информ» агентлыгына шулай дип белдерде.

28 февральдән 3 мартка кадәр Казанда XIII Халыкара «Сандугач-Соловей» вокалчылар бәйгесе узачак. Бәйгенең инициаторы – Татарстанның халык артисты, Габдулла Тукай исемендәге Дәүләт премиясе лауреаты, профессор Винера Ганиева. Ул күпмилләтле Россия халкының мәдәниятен саклау, үстерү, берләштерү, яшьләрнең сәләтен ачу максатыннан үткәрелә.

Татарстанның балалар лагерьларында җәйге сәламәтләндерү сезоны башлану белән әдәби сәгать барлыкка киләчәк. ТР яшьләр эшләре министры Азат Кадыйров «Татар-информ» агентлыгына шулай дип белдерде.

Абхазия Президенты Бадра Гунба һәм Татарстан Рәисе Рөстәм Миңнеханов Кавказ иле башкаласы Сухумда Диоскуров яр буен ремонтлау барышы белән танышты. Бу хакта Абхазиянең «Апсныпресс» агентлыгы хәбәр итә.