Новости за 16.02.2026

«Гран-Тау» футбол манежында өченче ел рәттән Апас районының Әфганстанда булган сугыш ветераннары Кубогына традицион мини-футбол турниры уза. Бу хакта «Апас-информ» сайты хәбәр итә.

Арчаның 3нче башлангыч гомуми белем бирү мәктәбендә тантаналы рәвештә Халыклар бердәмлеге елын ачтылар. Укучылар, төрле телләрдә чыгыш ясап, күпмилләтле дуслык мохитен күрсәтте, дип яза «Арча хәбәрләре» газетасы.

Питрәчнең 2нче мәктәбе базасында ата-аналар комитетларының «Тату сыйныф серләре» республика конкурсының муниципаль этабы узды. Бу хакта «Алга» газетасы яза.

Татарстан Рәисе Рөстәм Миңнеханов белдергәнчә, ике тапкыр Стэнли Кубогы иясе Фил Эспозитоны Татарстанда кабат күрергә һәрвакыт шат булачаклар. Бу хакта ул MAX мессенджерындагы каналында язган.

Буран сәбәпле, Дәүләт автоинспекциясе Татарстан халкын торак пунктларыннан читкә чыкмаска чакырды.

Иваново милләтләр йортында бөек татар шагыйре Муса Җәлилнең тууына 120 ел тулуга багышланган масштаблы фестиваль узды. Бу вакыйга шигърият, музыка һәм Россия халыкларының бердәмлеге бәйрәменә әверелде, дип хәбәр итә әлеге чараны оештыручы, Иваново өлкәсенең «Белем» татар мәгърифәтчелек үзәге рәисе Гөлнара Шакирова.

Арча, Саба, Әтнә, Кукмара, Бөгелмә – авыл хуҗалыгы тармагына яшь белгечләр җәлеп итү буенча алдынгы районнар. Әгерҗе, Югары Ослан, Нурлат, Сарман, Спас, Чирмешән, Чистай, Ютазы районнарында яшь белгечләр эшкә урнашмаган. Бу хакта ТР Авыл хуҗалыгы һәм азык-төлек министрлыгының коллегия утырышы материалларыннан билгеле булды.

Фото: 2нче Балалар сәнгать мәктәбе

20 февральдә 19:00 сәгатьтә Казанның 2нче балалар сәнгать мәктәбендә язучы һәм шагыйрә Дарина Шәрифуллинаны искә алу кичәсе була.

Дарина Шәрифуллина - төрле инструменталь составлар өчен шигырьләр һәм проза, җырлар һәм камера әсәрләре авторы. Программада аның шигырьләре, җырлары һәм проза әсәрләреннән өзекләр яңгыраячак.

Кичәдә Татарстанның атказанган артисты Нури Бурнаш, Башкортстанның атказанган мәдәният хезмәткәре Нәзифә Хәбибуллина (меццо-сопрано)... Читать дальше...

Татарстанда шәхси һәм фермер хуҗалыкларына 2025 елда 1,5 миллиард сумлык ярдәм күрсәтелгән, алдагы елга караганда бу 290 миллион сумга артык. Ярдәм чаралары күрелсә дә, мөгезле эре терлек саны кимүен дәвам итә. Хуҗалык китабы белешмәләре буенча, шәхси хуҗалыкларда 81 мең сыер бар, бер ел эчендә алар 5,4 мең башка кимегән. Бу хакта ТР Авыл хуҗалыгы һәм азык-төлек министрлыгының коллегия материалларыннан билгеле булды.

Школы, детские сады и учреждения дополнительного образования перейдут на дистанционный формат работы из-за ожидаемых аномальных осадков 17 февраля. О неблагоприятных погодных условиях в ближайшие сутки предупредило МЧС, передает мэрия Казани.

Аномаль явым-төшем көтелү сәбәпле, 17 февральдә мәктәпләр, балалар бакчалары һәм өстәмә белем бирү учреждениеләре дистанцион эш форматына күчәчәк. Гадәттән тыш хәлләр министрлыгы алдагы тәүлектә начар һава шартларының начараюы турында кисәтте, дип хәбәр итә Казан мэриясе.

Татарстан Авыл хуҗалыгы һәм азык-төлек министрлыгында Белоруссия делегациясе белән эшлекле очрашу узды. Сөйләшүләрне ТР авыл хуҗалыгы һәм азык-төлек министрының беренче урынбасары Ленар Гарипов үткәрде, дип хәбәр итә ведомствоның матбугат хезмәте.

«Татарстанда кыш» проекты сайтына 700 меңнән артык кеше кергән. Аларның шактый өлеше - республикадагы вакыйгалар турында белергә теләгән башка төбәк кешеләре. ТР Шәһәрләрен үстерү институтының вакыйгалар программалары кураторы Данил Данилов «Татар-информ» агентлыгында узган матбугат конференциясендә шул хакта хәбәр итте.

Санкт-Петербургтагы Россия милли китапханәсенең милли әдәбият бүлеге уку залында Муса Җәлилнең тууына 120 ел тулу уңаеннан китап күргәзмәсе эшли башлады. Бу хакта Санкт-Петербург татарларының «ВКонтакте» социаль челтәрендәге төркемендә хәбәр ителә.

Бөгелмәдә яшәүче 56 яшьлек хатын-кызга өй түбәсеннән боз кисәге төшкән. Башы җәрәхәтләнгән хатын-кызны носилка белән алып киткәннәр.

Россия Президенты Владимир Путин «КАМАЗ» коллективын Россия Федерациясенең «Хезмәттәге уңышлары өчен» мактау билгесе белән бүләкләү турындагы указны имзалады. Указ хокукый актлар сайтында урнаштырылган.

Из-за непогоды на участках федеральных трасс в Татарстане ввели ограничения движения.

Һава торышы начараю сәбәпле, федераль трассаларның Татарстандагы участокларында хәрәкәт чикләнде.

Авыл хуҗалыгы техникасын төзәтү һәм трактор паркында ремонт эшләрен 15 мартка кадәр тәмамлау бурычы тора. Бу хакта ТР Авыл хуҗалыгы һәм азык-төлек министрлыгының коллегия утырышына әзерләнгән мәгълүматлардан билгеле.

«Ә безнең ишегалдында – 2026» дип аталган ишегалдын иң яхшы кышкы бизәү бәйгесендә тавыш бирү тәмамланды.

Россия Президенты Владимир Путин татарстанлыларга дәүләт бүләкләре тапшыру турындагы указны имзалады. Документ хокукый мәгълүмат порталында урнаштырылган.

В рамках проекта «Разговоры о важном» сегодняшние занятия в школах республики посвятили судьбе и творчеству поэта-героя, чье имя стало вечным символом несгибаемого мужества, любви к Родине и силе человеческого духа Мусы Мустафовича Джалиля. 

«Мөһим әйберләр турында сөйләшүләр» проекты кысаларында республика мәктәпләрендә бүгенге дәресләрне герой-шагыйрь Муса Җәлилнең язмышына һәм иҗатына багышладылар. Бу хакта ТР Мәдәният министрлыгының Телеграм-каналы хәбәр итә.

Бүген Казанда Татарстан халыклары Ассамблеясы советының киңәйтелгән утырышы узды. Милли-мәдәни берләшмәләр вәкилләре 2025 елга йомгак ясады, халыклар дуслыгы йортлары һәм үзәкләренең эше, Күпмилләтле якшәмбе мәктәбе эшчәнлеге турында сөйләде. Утырышны республика Дәүләт Советы Рәисе һәм Татарстан халыклары Ассамблеясы башлыгы Фәрит Мөхәммәтшин уздырды, дип хәбәр итә ТР Дәүләт Советы матбугат хезмәте.

Чаллыда беренче КАМАЗ йөк машинасы эшләп чыгарылуга 50 ел тулуны бәйрәм итү кысаларында күперләр җитештерү заводы ачылды. Тантанада Россия Федерациясенең беренче вице-премьеры Денис Мантуров, Татарстан Рәисе Рөстәм Миңнеханов, Ростех башлыгы Сергей Чемезов, автокомпания генераль директоры Сергей Когогин, Дәүләт Думасы депутаты Әлфия Когогина һәм башкалар катнашты.