Новости за 27.02.2026

Ике ракета Чувашиягә һөҗүм итәргә омтылган, дип яза ТАСС агентлыгы җирле хакимияткә сылтама белән.

Быел Биектау районында Халыклар дуслыгы йорты ачылачак. Хәзер бинада капиталь ремонт эшләре бара. Муниципалитетның йомгаклау сессиясендә Биектау районының башлыгы Равил Хисаметдинов шул хакта хәбәр итте.

Биектау районында салым бурычы 2025 елда 24 процентка арткан. Бу мәсьәләне җентекләп өйрәнергә кирәк. ТР Дәүләт Советы Рәисе Фәрит Мөхәммәтшин муниципалитетның йомгаклау сессиясендә шундый йөкләмә белән чыгыш ясады.

«Биектау» сәнәгать паркында төзелеш эшләре ахырына якынлаша. Аны быел төгәлләргә ниятлиләр. Биектау районының йомгаклау сессиясендә муниципалитет башлыгы Равил Хисаметдинов шул хакта хәбәр итте.

Татарстан Рәисе Рөстәм Миңнеханов һәм Амур өлкәсе губернаторы Василий Орлов «Восточный» космодромын караганнан соң «Патриот» хәрби-патриотик паркына килде. Ул Ерак Көнчыгыш гвардия югары гомуми гаскәр команда училищесы полигоны территориясендә урнашкан, анда шулай ук яңадан торгызылган Албазин төрмәсе дә урнашкан.

Быел Татарстанда 25 мең мигрантка кызамыкка каршы прививка ясарга ниятлиләр. Кулланучыларның хокукларын яклау һәм кеше иминлеге өлкәсендә күзәтчелек федераль хезмәтенең (Роспотребнадзор) ТР буенча идарәсе җитәкчесе урынбасары Любовь Авдонина «Татар-информ» агентлыгында узган матбугат конференциясендә шулай дип белдерде.

Бүген Биектауның Хәсән Габәши исемендәге 6нчы урта мәктәбендә район Советы утырышы узды, анда муниципалитетның 2025 елдагы социаль-икътисади үсешенә нәтиҗә ясалды. Утырышта Татарстан Дәүләт Советы Рәисе Фәрит Мөхәммәтшин катнашты, дип хәбәр итә ТР Дәүләт Советы матбугат хезмәте.

Татарстанлыларга ракета һөҗүме куркынычы игълан ителгәч ниләр эшләргә кирәклеге турында сөйләделәр. Мондый сигнал халыкны ракета һөҗүме куркынычы турында кисәтү өчен бирелә.

Татарстанда ракета һөҗүме куркынычы режимын гамәлдән чыгардылар. Бу хакта Гадәттән тыш хәлләр министрлыгының рәсми кушымтасында хәбәр ителә.

5 мартта, 19:00 сәгатьтә, Казанның Шәрык клубында Халыкара хатын-кызлар көненә багышланган музыкаль кичә узачак. Бу хакта оештыручылар хәбәр итә.

Татарстанда 6 меңгә якын Бөек Ватан сугышы ветераны яши

Башкортстанда «Сүз чыгар шагыйрьләрдән хикмәт берлән...» сәнгатьле уку бәйгесенең чираттагы сайлап алу туры Бәләбәй татар гимназиясе мәйданчыгында узды, дип хәбәр итә Вконтакте социаль челтәрендәге «Стәрлетамак татарлары: мәгариф, мәдәният, тарих» сәхифәсе.

Кичә Казанның 10 ресторанында Fashion Iftar проекты кысаларында оештырылган уникаль хәйрия ифтарлары узды. Проектка нигез салучы Җәннәт Минһаҗева, проектның ун еллык юбилее уңаеннан, хатын-кызлар өчен хәйрия кичәсе оештыру максаты белән шәһәрнең ун ресторанын берләштерде.

Март аенда һаваның уртача температурасы климат нормасы чикләрендә көтелә. Казан өчен ул -3,3 градус, Татарстан Республикасы өчен -4,2 градус тәшкил итә, дип хәбәр итә ТР Гидрометеорология үзәге.

«Авыл укытучысы» федераль программасы буенча узган 2025 елда Татарстанга 12 укытучы эшкә кайткан. Бу хакта Татарстан Иҗтимагый палатасында ТР Мәгариф һәм фән министрлыгының максат һәм бурычлары үтәлеше нәтиҗәләре буенча киңәшмәдә министрлыкның Кадрлар сәясәте бүлеге башлыгы Гүзәл Гатауллина сөйләде.

Татарстанда «ракета һөҗүме куркынычы» режимы фонында барлык оператив хезмәтләр тулы әзерлектә. Бу хакта Россия Гадәттән тыш хәлләр министрлыгының Республика буенча Баш идарәсе хәбәр итә.

Түбән Камада ракета һөҗүме куркынычы фонында җәмәгать транспорты хәрәкәтен чикләделәр. Бу хакта район башлыгы Радмир Беляев хәбәр итә.

Әлмәттә ракета куркынычы аркасында җәмәгать транспорты хәрәкәтен чикләделәр. Бу хакта район администрациясе хәбәр итә.

Калининградта күренекле татар драматургы, җәмәгать эшлеклесе һәм сүз остасы Туфан Миңнуллинга багышланган иҗади очрашу-лекция узачак. Бу хакта Калининградның «Кардәшләр» төбәк татар-башкорт мәдәнияте иҗтимагый оешмасының Вконтакте социаль челтәрендәге сәхифәсендә хәбәр ителә.

Казанда республикада игълан ителгән ракета куркынычы аркасында мәктәп укучыларын һәм балалар бакчаларында тәрбияләнүчеләрне яшеренү урыннарына төшерделәр. Бу хакта шәһәр мәгариф идарәсе матбугат хезмәте хәбәр итә.

Казан һәм Түбән Кама аэропортында вакытлыча чикләүләр кертелгән, дип хәбәр итә Росавиация.

В Альметьевском районе также объявлена ракетная опасность. Об этом сообщает администрация района.

Әлмәт районында да ракета һөҗүме куркынычы игълан ителде. Бу хакта район администрациясе хәбәр итә.

Татарстанда мәгариф системасы хезмәткәрләрен торак белән тәэмин итүдә ярдәм чаралары бар. Бу хакта Татарстан Иҗтимагый палатасында ТР Мәгариф һәм фән министрлыгының максат һәм бурычлары үтәлеше нәтиҗәләре буенча киңәшмәдә министрлыкның Кадрлар сәясәте бүлеге башлыгы Гүзәл Гатауллина сөйләде.

Екатеринбургта «Урал сандугачы» төбәкара татар җыры башкаручылар фестиваль-конкурсы үтәчәк. Бу хакта «Урал аръягы татарлары» төбәк иҗтимагый оешмасының Вконтакте социаль челтәрендәге сәхифәсендә хәбәр ителә.