Новости за 20.02.2026

В аэропорту Казани задерживаются несколько внутренних и международных рейсов. Об этом следует из онлайн-табло аэропорта.

Казан аэропортында берничә эчке һәм халыкара рейс тоткарлана. Бу хакта аэропортның онлайн-таблосыннан күренә.

Фатих Әмирханның тууына 140 ел тулуга багышланган халыкара конференция кысаларында әдипнең иҗади мирасын тулысынча үз эченә алган яңа 6 томлык академик басма тәкъдим ителде. Филология фәннәре докторы, профессор Дания Заһидуллина әлеге басманы татар фәне өчен тарихи вакыйга һәм милли хыялның тормышка ашуы дип атады.

Түбән Кама ЗАГСында махсус хәрби операция зонасында хәрби бурычларын үтәгәндә һәлак булган хәрбиләрнең гаиләләренә Россия дәүләт бүләкләре тапшыру тантанасы узды. Орденнар 28 сугышчының туганнарына тапшырылды. Кичә тагын 25 гаилә бүләк алды.

18 февральдә Чувашстанның Тукай урта гомуми белем бирү мәктәбендә Ватанны саклаучылар көненә һәм Бөек Ватан сугышы герое Гыйниятулла Габайдулла улы Габайдуллин истәлегенә багышланган зур һәм әһәмиятле чара — ирекле көрәш турниры узды, дип хәбәр итә Бөтендөнья татар конгрессы матбугат хезмәте.

«Корстон» сәүдә үзәгендә тантаналы төстә намаз бүлмәсе ачылды. Әлеге чарада мөхтәрәм кунаклар – Татарстан Мөфтиенең беренче урынбасары Илфар хәзрәт Хәсәнов, «Корстон» ҖЧҖ генераль директоры Илфар Хәлимуллин, Казанның Галиев мәчете имам-хатыйбы Рамил хәзрәт Мингәрәев һ.б. чакырылган кунаклар һәм оештыручылар катнашты. Бу хакта ТР Диния нәзарәте хәбәр итә.

Бу атнада шәһәрнең яшьләр клубларында бушлай чаралар узачак. Шәһәрлеләр өчен өстәл уеннары буенча турнир, террасада айс-кичә, скрапбукинг буенча мастер-класс һәм башка активлыклар әзерләнде.

Татарстан Республикасы Фәннәр академиясендә күренекле татар язучысы, публицист һәм җәмәгать эшлеклесе Фатих Әмирханның тууына 140 ел тулуга багышланган халыкара конференция уза. Чара кысаларында әдипнең иҗади мирасын тулысынча үз эченә алган алты томлык яңа академик басмасы киң җәмәгатьчелеккә тәкъдим ителде.

Җомга көнне Татарстанда болытлы һава көтелә. Бу хакта ТР Гидрометеорология үзәге хәбәр итә.

Саба районы яшьләргә, авыл хуҗалыгына һәм яңа җитештерүләргә басым ясый. 18 февральдә район советының йомгаклау сессиясендә икътисад үсеше, кадрлар мәсьәләсе һәм авылны яшәү өчен генә түгел, бизнес өчен дә җәлеп итәрлек чаралар турында сөйләштеләр.

Татарстан территориясендә бүген төнлә яңадан «пилотсыз очкыч һөҗүме куркынычы» режимы кертелде. Тиешле мәгълүмат гадәттән тыш хәлләр министрлыгының мобиль кушымтасында Мәскәү вакыты белән 2.45 тә барлыкка килде.