Новости за 09.02.2026

Казанда Марсель Сәлимҗанов исемендәге Актерлар йортында Татарстан Республикасы Театр әһелләре берлегенең хисап-сайлау съезды узды, дип хәбәр итә Камал театрының матбугат хезмәте. Съездда биш еллык эшчәнлеккә нәтиҗәләр ясалды, берлек әгъзалары шулай ук оешма рәисен сайлады.

Сентябрьдә узачак Россия Федерациясе Дәүләт Думасына депутатлар сайлау 43 меңнән артык татарстанлы өчен беренче булачак. Бу хакта журналистлар белән аралашу вакытында ТР Үзәк сайлау комиссиясе рәисе Андрей Кондратьев хәбәр итте.

Татарстанда 16-28 февраль көннәрендә парламент дәресләре узачак. Быел алар барлык мәктәпләрдә генә түгел, махсус урта уку йортларында да үтәчәк. Дәресләр республикада игълан ителгән Хәрби һәм хезмәт батырлыгы елына багышлана. Аларның темасы - «Хезмәт һәм сугышчан батырлык белән без Ватанны данлыйбыз». Бу хакта бүген ТР Дәүләт Советы Рәисе Фәрит Мөхәммәтшинның «Парламент дәресе – 2026»ны оештыру һәм уздыру кысаларында тарих һәм җәмгыять белеме укытучылары, һөнәри белем бирү учреждениеләре педагоглары белән очрашуында билгеле булды. Читать дальше...

7 тапкыр дөнья, 8 тапкыр Россия һәм Татарстан чемпионы, 9 тапкыр Муса Җәлил турниры җиңүчесе Ренас Кәлимуллин бүгенге көндә татар көрәшендә тренерлык эшчәнлеге турында сөйләде. Аның фикеренчә, бүгенге көндә яшьләр арасында көрәшкә кызыксыну зур.

«Татар-информ» мәгълүмат агентлыгы «Җәлил укулары» әдәби конкурсы катнашучыларының эшләрен беренче тапкыр матбугатта тәкъдим итә. Халыкара әдәби бәйге фронтовик язучылар тормышы һәм иҗаты белән кызыксынган шигърият сөючеләр арасында үткәрелә. Оештыручылар – Бөтендөнья татар конгрессы, Татарстанның Мәдәният, мәгариф һәм фән министрлыклары.

Татарстан Рәисе Рөстәм Миңнеханов Эр-Риядта узучы «ИННОПРОМ» күргәзмәсендә катнашты һәм «Хезмәттәшлек энергиясе: киләчәк сәнәгате өчен инновацияләр» дип аталган чараның пленар сессиясендә чыгыш ясады. Бу хакта ТР Рәисе матбугат хезмәте җитәкчесе Лилия Галимова хәбәр итте.

Иртәгә, 10 февральдә, Татарстанда температура фонының сизелерлек төшүе фаразлана. Бу хакта ТР Гидрометеорология үзәге хәбәр итә.

«Ватаным Татарстан» газетасы гамәлгә куйган Муса Җәлил истәлегенә уздырылган көрәш турнирында Ильяс Галимов исемендәге махсус премия быел да үз көчендә калган. 30 мең күләмендәге акчалата приз турнирның финал алышларында иң матур алым күрсәткән көрәшчегә биреләчәк. Әлеге премия 2021 елда гамәлгә кертелде, ул 2020 елда вафат булган танылган көрәшче Ильяс Галимов истәлегенә бирелә.

Татарстан Рәисе Рөстәм Миңнеханов Согуд Гарәбстаны инвесторларын республиканы Россия базарына керү ноктасы буларак кулланырга чакырды. Бу хакта ул Эр-Риядта узган «ИННОПРОМ» беренче халыкара сәнәгать күргәзмәсенең пленар сессиясендә әйтте.

Татарстанның Согуд Гарәбстаны белән товар әйләнеше 100 млн долларга җитте. Бу хакта Татарстан Республикасы Рәисе Рөстәм Миңнеханов Эр-Риядта «Иннопром» беренче Халыкара сәнәгать күргәзмәсенең пленар утырышында белдерде.

«Татармультфильм» берләшмәсенең яңа «Әминә» проекты өчен 32 анимацион ролик эшләнгән. Бу хакта бүген «Татар-информ» мәгълүмат агентлыгында матбугат очрашуында «Татармультфильм» студиясе директоры Азат Ганиев сөйләде.

Бүген Казанда Беломорская урамындагы 71а йортта ике подъезд өстендә түбә ишелгән. Беркем дә зыян күрмәгән. Бу хакта Мәскәү һәм Киров районнары администрациясе хәбәр итә.

Министр промышленности и торговли РФ Антон Алиханов на выставке «Иннопром. Саудовская Аравия» сообщил, что соглашение об отмене виз между Россией и Саудовской Аравией может вступить в силу во второй половине 2026 года, по информации ТАСС.

РФ сәнәгать һәм сәүдә министры Антон Алиханов «Иннопром. Согуд Гарәбстаны» Россия һәм Согуд Гарәбстаны арасында визаларны гамәлдән чыгару турындагы килешү 2026 елның икенче яртысында үз көченә керергә мөмкин, дип хәбәр итте. Бу хакта ТАСС яза.

Татарстан Рәисе Рөстәм Миңнеханов Согуд Гарәбстанына визиты барышында хезмәттәшләренә «алга» сүзенең мәгънәсен аңлатты. Бу хакта ТР Рәисе матбугат хезмәте җитәкчесе Лилия Галимова сөйләде.

Археолог, тарих фәннәре докторы, ТР Фәннәр Академиясенең мөхбир әгъзасы Фаяз Хуҗин фикеренчә, «Татармультфильм» берләшмәсе чыгарган «Болгар риваятьләре» тарихи мультфильмын бөтен яшьтәге кешеләр карарга тиеш. Галим бу хакта «Татар- информ» мәгълүмат агентлыгында матбугат очрашуында әйтте. Ул проектта консультант буларак катнашкан.

5-11 сыйныф укучылары өчен тарих буенча бердәм дәреслекләр линейкасын 2026 елның 1 сентябренә әзерләү планлаштырыла. Бу хакта Россия Федерациясе мәгариф министры Сергей Кравцовка сылтама белән РИА Новости яза.

«Ватаным Татарстан» газетасы Муса Җәлил истәлегенә көрәш турнирына багышланган «Келәм һәм каләм бердәмлеге» китабын тәкъдим итте. Хезмәт Татарстан Көрәш федерациясе белән берлектә әзерләнгән, анда турнирның кайсы шәһәрләрдә уздырылуы, җиңүчеләр турында тулы мәгълүмат тупланган. Бу хакта бүген «Татар-информ»да узган матбугат очрашуында «Ватаным Татарстан» газетасының баш мөхәррире Илназ Фазуллин сөйләде.

Татарстан Рәисе Рөстәм Миңнеханов Согуд Гарәбстанына визиты барышында берничә компаниянең (Durah Al-Fodah General Contracting Company, AlMunifat International Distinguished Oil and Gas) Директорлар советы рәисе һәм стратегик партнеры Принц Наиф әс – Согуд белән хезмәттәшлек мәсьәләләре турында фикер алышты.Company һәм башкалар). Бу хакта ТР Рәисе матбугат хезмәте җитәкчесе Лилия Галимова хәбәр итте.

Томск өлкәсе губернаторы Владимир Мазур һәм Татарстан Республикасы Премьер-министры урынбасары Васил Шәйхразиев эшлекле очрашу уздырдылар. Анда төбәкләрнең мәдәният, туризм һәм икътисад өлкәсендәге багланышлары турында фикер алыштылар. Бу хакта Томск өлкәсе администрациясе матбугат үзәге хәбәр итте.

Ураза вакытында ялгыш онытып китеп ашау яки су эчү уразаны бозмый. Бу хакта «Татар-информ»га биргән интервьюсында Казанның «Гаилә» мәчете имамы Рөстәм Хәйруллин сөйләде.

«Татармультфильм» берләшмәсе «Болгар риваятьләре» тарихи мультфильмын чыгарган. Бүген «Татар-информ» мәгълүмат агентлыгында проект турында сөйләделәр.

Әлмәт муниципаль районы ЗАГС идарәсе эшлекле дүшәмбедә 2025 елга йомгак ясады. Иң тәэсирле нәтиҗәләрнең берсе – махсус хәрби операциядә катнашучыларның 44 яңа гаилә коруы.

Түбән Кама районы халыкны социаль яклау идарәсе башлыгы Светлана Власенко эшлекле дүшәмбедә махсус хәрби операциядә катнашучыларның гаиләләренә ярдәм чаралары турында сөйләде.

Ташламалы дарулар 2026 елда тиешле федераль регистрга кертелгән гражданнарга каралган. Бу категориягә инвалидлар, ветераннар, радиация һәлакәтләрен ликвидаторлар, шулай ук хроник авырулардан интегүче пенсионерлар керә. Бу хакта RT белән әңгәмәдә Стратегик инициативалар агентлыгы эксперты, Россия хатын-кызларының Социал-демократик берлеге рәисе Ольга Епифанова сөйләде.