Новости за 12.05.2023

Бүген Саба район судына яңа федераль судья тәкъдим ителде. Җаваплы вазифага РФ Президентының 2023 елның 10 маендагы 332нче карары нигезендә Нияз Галимҗанов билгеләнде. Ул вазифасын намус һәм гаделлек белән башкарырга, бары тик законга гына буйсынып, тугрылык һәм вөҗдан белән хөкем итәргә тантаналы рәвештә ант итте. Бу хакта «Саба таңнары» сайтында хәбәр ителә.

ТР Мамадыш районы матбугат хезмәте

Татарстанда беренче розарийны Мамадыш районында төзергә җыеналар. Аны Мамадыш кешесе 31 яшьлек Ромик Палян башкарып чыгарга җыена. Бер гектар җирдә ул атнасына 40 меңгә кадәр роза үстерә ала, нигездә, Голландия сортларына өстенлек биреләчәк.

«Татар-информ»га район хакимиятенең матбугат хезмәтендә хәбәр итүләренчә, шушы күләмдәге розаны урнаштыру белән проблема булмаячак. Чәчәкләрне Татарстаннан тыш, Башкортстан, Чувашия, Удмуртия һәм Киров өлкәләренә дә җибәрергә планлаштыралар. Читать дальше...

Татарстанның массакүләм мәгълүмат чаралары журналистлары һәм редакторлары Түбән Новгород өлкәсенә эшлекле сәфәр вакытында Рәшит Ваһапов һәм Хәйдәр Бигичев һәйкәлләренә чәчәкләр салды.

Минск өлкәсенең Червенск районы Смиловичи шәһәр бистәсе Мәдәният йортында татар шагыйре Габдулла Тукай иҗатына багышланган халыкара конкурс буенча йомгаклау чаралары узды.

Кичә кич Нурлатта «ГАЗель» 8 яшьлек малайны таптаткан. Бу хакта «Татар-информ»га Татарстан Дәүләт автоинспекциясенең матбугат хезмәтендә хәбәр иттеләр.

Рудольф Нуриев исемендәге Халыкара классик балет фестивале бүген «Россия - Ислам дөньясы: KazanForum 2023» Халыкара икътисади форумының мәдәни һәм эшлекле чаралары программасын ачты. Киләсе атнада күргәзмә, концерт, спорт ярышлары һәм эшлекле очрашулар дәвам итә һәм Болгарда «Изге болгар җыены» бәйрәме белән тәмамлана.

Татарстан Рәисе каршындагы татар телен һәм Татарстан Республикасында яшәүче халыклар вәкилләренең туган телләрен саклау, үстерү мәсьәләләре буенча комиссия рәисе Марат Әхмәтов бала өчен җаваплылыкны укытучы һәм мәктәпкә генә йөкләделәр дип саный.

Иртәгә, 13 майда, Татарстанда җылы, әмма тотрыксыз һава торышы көтелә. Бу турыда Татарстан Гидрометеорология һәм әйләнә-тирә мохитне күзәтү үзәге матбугат хезмәте хәбәр итә.

Татарстан мәдәният, фән һәм мәгариф, спорт, туризм өлкәсендә Шри-Ланка белән хезмәттәшлекне киңәйтергә әзер. Бу хакта Татарстан Республикасы Рәисе Рөстәм Миңнеханов Шри-Ланканың Россиядәге Гадәттән тыш һәм тулы вәкаләтле илчесе Джанита Абейвикрема Лиянага белән очрашуда белдерде.

«Татарстан Республикасы муниципаль берәмлекләре Советы» Ассоциациясе рәисе Әгъзам Гобәйдуллин әйтүенчә, урбанизация процессын туктатып булмаса, авылда укытучыга эш булмаячак.

Әмирхан Еники хикәяләре нигезләнгән «823 километр» фильмы «Мир» кинотеатрында премьера алдыннан ябык күрсәтелде. Әлегә премьера һәм прокат вакыты билгеле түгел.

«Илкүләм проектлар: Татарстан 2022» республика фотоконкурсына йомгак ясалды. Зур конкурста җиңүчеләргә истәлекле бүләкләрне «Бердәм Россия» партиясенең Татарстан төбәк бүлеге секретаре Фәрит Мөхәммәтшин һәм Татарстаннан Дәүләт Думасында депутат Татьяна Ларионова тапшырды.

Татарстанның мәгариф һәм фән министры Илсур Һадиуллин фикеренчә, хезмәт хакын арттырып кына мәгарифтәге проблемаларны хәл итеп бетереп булмый.

Татарстан Рәисе Рөстәм Миңнеханов республикада Россия үсешенең илкүләм максатларына ирешү буенча чаралар координаторлары исемлегенә үзгәрешләр кертте. Документ Татарстан җитәкчесенең сайтында пәйда булды.

Казанда I «Авыл укытучылары» республикакүләм авыл укытучылары форумы узды.

Россия Президенты Владимир Путин югары белемнең өч дәрәҗәле системасын кертү турындагы карарга имза куйды. Документ хокукый мәгълүматның рәсми интернет-порталында чыкты.

15 майда билгеләп үтелүче Халыкара гаилә көне уңаеннан Чувашиянең Яңа Чабаксар шәһәрендә һәр елдагыча үрнәк татар гаиләләрен бүләкләделәр.

Татарстан Язучылар берлеге идарәсе әдәби премия лауреатларын билгеләде. Остаханәләр һәм Әлмәт белән Чаллы бүлекчәләре аша тәкъдим ителгән кандидатлар яшерен тавыш бирү юлы белән сайланды.

Татарстан авыл хуҗалыгы һәм азык-төлек министры урынбасары Рөстәм Гайнуллов хәләл тармагындагы экспорт турында сөйләде. 

Татарстанда яшәүче Рөстәм Әхмәдишин һәм Гөлнара Фазлыева «Ата-ана даны» ордены медале белән бүләкләнде. Бу хактагы карарны Россия Президенты Владимир Путин имзалаган. Ул карар хокукый мәгълүматның рәсми порталында чыкты.

KazanForum кысаларында 19-21 майда «Казан» агросәнәгать паркында халыкара хәләл ярминкә эшләячәк, анда төрле ил вәкилләре җыела. 

ТР Рәисе матбугат хезмәте

Һәр дәүләт һәм муниципаль орган коррупцион хокук бозуларны профилактикалау өстендә эшләргә тиеш. Мондый фактлар республика абруена җитди зыян китерә һәм хакимияткә ышанычсызлык тудыра. Бу хакта Татарстан Рәисе Рөстәм Миңнеханов ТР Коррупциягә каршы көрәш эшен координацияләү комиссиясе утырышында әйтте.

Миңнеханов сүзләренчә, 2022 елда коррупцион хокук бозулар Татарстанның икътисади эшчәнлегенең барлык төп тармакларында ачыкланган.

«Бүген теләсә... Читать дальше...

Бүген Бөтендөнья татар конгрессы Курган өлкәсе Эчкен (Йолдыз) авылына 20 тонналы йөк автомобиле белән халыктан җыелган гуманитар ярдәм илтте. Авыл халкы ярдәм өчен татарстанлыларга һәм татарларга рәхмәт әйтте.

Татарстан Диния нәзарәтенең Хәләл стандарты буенча комитет белгече Фәрит Галиуллин «Казан» агросәнәгать паркы мәйданында узачак Russia Halal Market халыкара хәләл ярминкәсенә ничек әзерләнүләрен сөйләде. 

Курган өлкәсе губернаторы Вадим Шумков янгында зыян күргән Эчкен (Йолдыз) авылы халкы белән очрашты һәм кешеләргә яңа йорт өчен сертификат биреләчәген әйтте. Алар аны яңа торак яки фатир сатып алу өчен дә, яңа йорт төзелеше өчен дә куллана алачак.