Новости за 12.05.2023

Татарстан мөфтие Камил хәзрәт Сәмигуллин «Ярдәм» фонды вице-президенты Мәликә Гыйльметдинованы ТР мөселманнары Диния нәзарәтенең «Бердәмлек» медале белән бүләкләде.

Башкортстан Хөкүмәтендә төбәктә умартачылыкны үстерү өчен субсидия бирү мәсьәләләре хакында фикер алыштылар. Бу хакта «Башинформ» агентлыгы Хөкүмәтнең матбугат хезмәтенә сылтама белән хәбәр итә.

Чистайда яшәүче ир-ат суд каршына басачак. Аның саксыз тәмәке тартуы аркасында янгын чыккан, дип хәбәр итте РФ Тикшерү комитеты ТР буенча идарәсе җитәкчесенең өлкән ярдәмчесе Андрей Шептицкий.

Зәйнәп Биишева исемендәге Башкорт «Китап» нәшриятында тарихчы Фәрит Вахитовның «Триумф и трагедия генерала Шаймуратова» дигән китабы басылып чыкты. Басма «Мәктәп китапханәсе» сериясендә дөнья күрде. Бу хакта «Башинформ» агентлыгы хәбәр итә.

19-21 май көннәрендә Казанда Бөтенроссия татар дин әһелләре җыены уздырыла. Җыен быел унөченче мәртәбә оештырыла. Чарада Россиянең сиксәннән артык төбәгеннән меңләп делегат катнашуы көтелә. Бу хакта «Изге Болгар җыены»на багышланган матбугат конференциясендә Бөтендөнья татар конгрессының Башкарма комитет җитәкчесе Данис Шакиров сөйләде.

«Интертат» сайтының «Вконтакте» төркемендә туры эфирда уза торган «Әйтер сүз» рубрикасында «Шәһри Казан» газетасының баш мөхәррире Радик Сабиров татар матбугатында басылып чыккан язмаларның гади тел белән язылу сәбәбен аңлатты.

«Казан» агросәнәгать паркы генераль директоры Олег Власов журналистларга «Россия – Ислам дөньясы: KazanForum» кысаларында узачак Russia Halal Market халыкара хәләл ярминкәгә әзерлек турында сөйләде. Ярминкә 19-21 майда узачак.

2024 елның 1 гыйнварыннан Россия Хөкүмәте хәрби табиблар һәм медицина персоналына ярдәм күрсәтүне күздә тоткан программа гамәлгә ашыра башлый. Гарнизон медицина учреждениеләренә эшкә килүче табиблар, фельдшерлар һәм шәфкать туташлары 500 меңнән 2 миллион сумга кадәр бер тапкыр бирелә торган компенсацион түләүләр алачак. Бу хакта Министрлар Кабинетының матбугат хезмәте хәбәр итә.

Быелгы «Изге Болгар җыены» программасы билгеле.

Төркиянең Адана провинциясендә 4,5 баллы җир тетрәү булды, дип хәбәр итә табигать афәтләре нәтиҗәләрен бетерү идарәсе (AFAD). Бу хакта РИА Новости яза.

16 майда 16.00 сәгатьтә «Казан Кремле» музей-тыюлыгының Ислам мәдәнияте музеенда «Казан Коръәне» дигән күргәзмә ачыла. Күргәзмә беренче басма Коръән чыгуга 220 ел тулуга багышланган. Бу хакта ТР Мәдәният министрлыгының матбугат хезмәте хәбәр итә.

Ютазы районы Урыссу бистәсендә хатын-кызлар арасында «Халисә» IV Россиякүләм Коръән укучылар бәйгесе үткәреләчәк. Конкурс Татарстан мөфтияте, Татарстанның көньяк-көнчыгыш төбәге казыяте, Ютазы мөхтәсибәте тарафыннан Ютазы районы хакимияте һәм Мәрданшиннар гаиләсе ярдәме белән оештырыла.

Татарстанда махсус хәрби операциядә катнашучы хәрбиләргә ярдәм итәргә теләүчеләрнең акчаларын урлаган өч Пермь кешесе тоткарланган.

Бөтендөнья татар конгрессы Курган өлкәсендәге янгыннан каза күргән Эчкен авылына гуманитар ярдәм тапшырды. Халыктан җыелган ярдәм бер йөк автомобиле белән китерелде.

KazanForum икътисади форумында «Ислам финанслары» трекында катнашучылар мөселман илләре традицияләре нигезендә проектларны финанслау үзенчәлекләре хакында фикер алышачак. Дискуссиядә Россия, Сирия, Бәһрәйн, Төркия һ.б. илләрнең экспертлары катнашыр дип көтелә.

https://dsmr.ru/

Чувашия Республикасының профессор Ә.Фәизов исемендәге Шыгырдан урта гомуми белем бирү мәктәбендә Чувашия мөселманнары Диния нәзарәтенең «Гөлстан» мәдрәсәсен тәмамлаган, махсус хәрби операция зонасында һәлак булган Марат Алиевка истәлек тактасы ачылды. Бу хакта Россия мөселманнары Дини җыены Үзәкләштерелгән дини оешмасы матбугат хезмәте хәбәр итә.

Чарада Марат Алиевның ата-анасы һәм туганнары, Чувашия мөфтиенең беренче урынбасары Ильяс хәзрәт Сафиянов, «Гөлстан» мәдрәсәсе мөгаллиме Илдар хәзрәт Чәчәков... Читать дальше...

Закон проекты эшчәнлеге буенча Хөкүмәт комиссиясе армиядә хезмәт итмәгән гражданнарны өлешчә мобилизациядән азат итү турындагы закон проектын хупламады. Бу хакта «Ведомости» газетасы комиссия утырышында катнашкан ике кешегә сылтама белән хәбәр итә.

https://tatar-congress.org/

Татар конгрессының Башкарма комитет бинасында Курган өлкәсендә булган көчле янгында зур зыян күргән Эчкен (Йолдыз) авылы татарларына милләттәшләребез ярдәм җыйды. Алар өч көн эчендә штабка күпләп азык-төлек, киемнәр, гигиена кирәк-яраклары, өй җиһазлары һәм башка әйберләр алып килде.

10 май көнне Бөтендөнья татар конгрессы бинасыннан гуманитар ярдәм белән 20 тонналы фура Эчкен авылына юлга кузгалды. Гуманитар ярдәмне конгрессның башкарма комитеты җитәкчесе урынбасары Разил Зиннәтуллин илтә барды... Читать дальше...

11 майда Мәскәү өлкәсенең Волоколамск шәһәрендә Мөселман рухи-агарту үзәге ачылды. Бу хакта Россия Мөфтиләр шурасының матбугат хезмәте хәбәр итә.

31 майга кадәр татарстанлылар 2024 елда төзекләндереләчәк иҗтимагый киңлекләр һәм ишегаллары өчен тавыш бирә алалар. Сораштыру 14 яшьтән өлкәнрәк булган һәркемгә ачык.

26-28 майда Казанда Г.Камал исемендәге театр янында «Я и есть Татарстан» дигән һөнәрчелек продукциясе ярминкәсе ачылачак. Анда үзмәшгульләргә «Кече һәм урта эшкуарлык» илкүләм проекты буенча бушлай сәүдә урыннары биреләчәк.

26 май – Әбиләр көне. Шул уңайдан «Яңарыш» газетасы «Баланың баласы балдан татлы» дип аталган фотобәйге игълан итә. Бу хакта Бөтендөнья татар конгрессы матбугат хезмәте хәбәр итә. 

Татарстанда яшәүчеләргә җәйге ялны оештыру һәм балаларны савыктыру мәсьәләләре буенча консультацияләр биреләчәк. Кайнар линия бүген, 12 майда, 10:00 сәгатьтән 12:00 сәгатькә кадәр узачак, дип хәбәр итә ТР Иҗтимагый палатасының матбугат хезмәте.

«Татмедиа» АҖдә Татарстан шәһәрләре һәм авылларында иң яхшы туристлык объекты булырлык иҗтимагый киңлекләргә үткәрелгән бәйгегә йомгак ясалды. Нәтиҗәдә иң игътибарга лаек җиде объект билгеле булды, ә алар арасында Зәйнең «Мәктәп тавы» иҗтимагый киңлеге күп тавыш җыйды. Татарстанда бу тарихи урынны тавыш бирүчеләрнең 21 проценты сайлаган. Бу хакта «Зәй хәбәрләре» сайтында хәбәр ителә.

Азнакай муниципаль район башлыгы Марсель Шәйдуллин футбол манежы төзелеше белән танышты. Бу хакта «Азнакай» сайтында хәбәр ителә.