Новости за 01.05.2023

Әлмәттә беренче май җиңел атлетика эстафетасы узды. Ул 63нче тапкыр үткәрелде. Бүген анда 500дән артык кеше катнашты. Алар – гомуми белем бирү, урта махсус һәм югары уку йортлары, шулай ук шәһәр предприятиеләре һәм учреждениеләре вәкилләре.

Форум кысаларында Татарстан Республикасы студентлар отрядлары штабының муниципаль берәмлекләрнең яшьләр эшләре буенча идарәләре башлыклары белән «түгәрәк өстәл» узды. Анда Зәй районы яшьләр эшләре идарәсе башлыгы Ростислав Аладышкин «Минем ишегалдым лагере» проектының эше турында сөйләде, әлеге проектны Татарстанның барлык районнарына үзләрендә булдырырга тәкъдим итте.

Аксубай районына Татарстан районнары һәм шәһәрләреннән, Самара һәм хәтта Оренбург шәһәрләреннән аучылар җыелды.

Шушы көннәрдә район мөхтәсибәте волонтерларны Саба үзәк мәчетенә чәй табынына чакырып хөрмәтләде. Дөресрәге, Шәвәл ае уразасын тотучылар өчен ифтар мәҗлесе оештырды. Имам-мөхтәсиб Айнур хәзрәт табын артында утыручыларга хезмәтләре өчен ихлас рәхмәт сүзләрен җиткерде, һәркайсына сәламәтлек теләде.

Татарстанда Covid-19 коронавирусы белән авыручылар саны кими бара. Узган тәүлектә республикада яшәүче 27 кеше авыру йоктырган. Аннан алдагы көндә 29 кеше чирләгән булган. Бу хакта стопкоронавирус.рф порталы мәгълүматлары дәлилли.

Мәскәүдә мини-футбол буенча «Рамазан кубогы» уеннары тәмамланды. Уенда 10 команда: Кыргызстан , Кызылташ (Бахчисарай), Саратов Җәмигъ мәчете, РостАгроЭкспорт (Пушкино), НУР (Таҗикстан), Мәскәү шәһәренең тарихи мәчете, РФ мөселманнары Диния идарәсе, Белозерье (Мордовия), Шәфкатьлелек (Бутово), Нефтьче (Түбәнге Новгород) уенчылары катнашты, дип хәбәр итә Мәскәү татарлары автономиясе матбугат хезмәте.

Иннополис KazanForumда 400 квадрат метрдан артык мәйданлы экспозиция белән тәкъдим ителәчәк. Бирегә килүчеләр медицина, сәнәгать, авыл хуҗалыгы, төзелеш, электр энергетикасы һәм корпоратив системалар өчен «Иннополис» МИЗ резидент компанияләре эшләнмәләре белән таныша алачак.

Мәскәүдәге Татар мәдәни үзәге китапханәсендә бөек татар шагыйре Габдулла Тукайның тормышына һәм иҗатына багышланган «Сандугачтай моңлы Тукай иле» исемле балалар бәйрәме узды. Бу хакта Мәскәү татарлары автономиясе матбугат хезмәте хәбәр итә.

Бүген ашыгыч хезмәтләрнең бердәм 112 номерына Түбән Камада коры үлән януы турында хәбәр алынган. Бу хакта Россия Гадәттән тыш хәлләр министрлыгының ТР буенча Баш идарәсе матбугат хезмәтендә хәбәр иттеләр.

Бүгеннән «Казан» гаилә үзәгенең күзәтү мәйданчыгы җәйге эш режимына күчә. Кунаклар өчен ул көн саен 10.00 сәгатьтән 22.00 сәгатькә кадәр ачык булачак, дип хәбәр итә Шәһәр парклары һәм скверлары дирекциясе.

Татарстанның Гидрометеорология үзәге майның беренче декадасына һаваның уртача температура аномалиясе фаразын бастырып чыгарды. 1 майдан 10 майга кадәр һава температурасы климат нормасыннан 2 градуска артып китәчәк.

«Россия – Ислам дөньясы: KazanForum» 2023 халыкара икътисади форумында «Спорт» трегында катнашучылар Россия һәм Ислам хезмәттәшлеге оешмасы илләре арасында спорт хезмәттәшлеген киңәйтү турында фикер алышачак. Сессияләрдә Россия, Катар, Сүрия, Согуд Гарәбстаны һәм башка илләрнең спорт функционерлары катнашачак.

Бүген социаль челтәрләрдә Чаллыда булган фаҗига турында мәгълүмат пәйда булды.

Белгечләр мошенникларның шалтыратуларын алдан ачыклау өчен уртак критерийлар тапкан. Әйтик, шалтырату бик кыска номердан (өч-дүрт цифрдан), чит ил префиксы белән яки яшерен номердан килә икән, трубканы алырга кирәкми, дип хәбәр итте «Прайм» агентлыгына Г.В. Плеханов исемендәге Россия икътисад университетының информатика кафедрасы доценты Александр Тимофеев.

Россия Тикшерү комитеты рәисе Александр Бастрыкин Казанда яшүсмерләрне кыйнау турындагы мәгълүматны тикшерүне оештырырга кушкан. Бу хакта ведомствоның телеграмм-каналында хәбәр ителә.

Россиядә Хезмәт кодексының яңа версиясен кабул итәргә мөмкиннәр, андагы төп яңалыкларның берсе хезмәткәрләрнең хезмәт хакының оклад өлешен 85 процент дәрәҗәсендә ныгыту булачак. Тиешле документларны КПРФ депутатлары экспертлар җәлеп итеп эшли, дип хәбәр итте партия Рәисенең беренче урынбасары Юрий Афонин.

Татарстанның Теләче районында ике җиңел автомобиль капма-каршы бәрелешкән, һәлакәттә дүрт кеше зыян күргән. Бу хакта «Татар-информ» га авария шаһитлары хәбәр итте.

Дәүләт Думасы спикеры Вячеслав Володин үзенең 1 Май котлавында салым түләүдән качуда гаепләнгән блогерларны тоткарлауга карата үз фикерен белдерде Социаль челтәрләрдә кешеләрнең ышанычыннан акча эшләп, алдау схемаларын кулланган һәркемнән ул социаль ихтыяҗларга – учреждениеләрне ремонтлауга һәм хәрбиләргә һәм аларның гаиләләренә ярдәм итүгә акча җыярга тәкъдим итте.

Кичә Татарстанның Балык Бистәсе районында җитди авария булган.

«Татар-информ» га шаһитлар сөйләвенчә, авария Степановка авылы янында булган. Квадроцикл йөртүче хәрәкәт вакытында идарәне югалтып баганага барып бәрелгән.

шаһитләр

Авариянең шаһитлары әйтүенчә, һәлакәттә ир-ат һәлак булган. Аның янында булган хатын-кызны ашыгыч ярдәм машинасында хастаханәгә алып киткәннәр.

шаһитләр

Россия Президенты Владимир Путин Яз һәм хезмәт көне хөрмәтенә россиялеләрне һәм кайбер предприятиеләрнең хезмәт коллективларын бүләкләр белән билгеләп үтте. Шулай итеп, Россия Федерациясенең «Хезмәттәге уңышлары өчен» мактау билгесе белән Яшел Үзәндәге «Серго исемендәге завод» җитештерү берләшмәсе АҖ коллективы бүләкләнде, диелә дәүләт башлыгы указында.

Дәүләт бюджеты хисабына белем алучы югары уку йортларын тәмамлаучылар өчен мәҗбүри өч еллык эш кертү тәкъдим ителә. Билгеләү буенча эшкә урнашудан баш тартканда, чыгарылыш студентына уку бәясен капларга туры киләчәк. Дәүләт Думасына тиешле закон проектын Татарстан Дәүләт Советы кертте, документ закон чыгару эшчәнлеген тәэмин итү системасында бастырылган.

1 майга каршы төндә Татарстанның Лаеш районындагы «Бытовик» бакчачылык ширкәтендә янгында ир-ат һәлак булган.

Татарстан Рәисе Рөстәм Миңнеханов республика халкын 1 Май бәйрәме белән котлады. Үзенең телеграмм-каналында ул бәйрәм открыткасын бастырган, анда Татарстан әләме фонында ике күгәрчен һәм Казан Кремле күренеше сурәтләнгән.

2 майда ТР башкаласында яшәүчеләр һәм кунаклары Казан Кремле музейларына бушлай керә алачак. Кунакларны сеанслар буенча кабул итәчәкләр. 

Чаллыда «коры» аш ясаучы хатын-кызлар хәрбиләр белән шалтыратышып сөйләшкән. Хәрбиләр беренче тапкыр ашны ашап караган.