Чувашиянең Яңа Чабаксар шәһәрендә үрнәк татар гаиләләрен бүләкләделәр
15 майда билгеләп үтелүче Халыкара гаилә көне уңаеннан Чувашиянең Яңа Чабаксар шәһәрендә һәр елдагыча үрнәк татар гаиләләрен бүләкләделәр.
Бәйрәм тантанасында Казаннан «Бөтенроссия татар гаиләсе» фонды директоры Миләүшә Гайфуллина җитәкчелегендәге мәртәбәле делегация катнашты.
Гаилә бәйрәмендә шәһәрнең үрнәк гаиләләренә бүләкләр һәм рәхмәт хатлары тапшырылды. Аларның исемнәре татар автономиясенең «Алтын мактау китабы»на кертелде, диелә хәбәрдә.