Новости за 19.05.2023

Капиталь ремонттан соң Ютазы районы Димтамак авылында мәчет ачу тантанасы булды. Бу хакта «Ютазы таңы» хәбәр итә.

Россия туроператорлары җәй көне Мисырга рейсларга 11 мең урын тәкъдим итәчәк, дип хәбәр итә Россия туриндустрия берләшмәсе. Бу 2022 елның җәйге сезоныннан ике тапкыр күбрәк. Россия туриндустрия берләшмәсендә билгеләп үтүләренчә, югары сезон тәмамлануга карамастан, безнең ватандашларыбыз арасында пирамидалар иленә кызыксыну кимеми.

Татарстан җыелма командасы «Россия-Ислам дөньясы: KazanForum 2023» IV халыкара икътисади форум кысаларында узган халыкара шеф-поварлар Кубогында беренче урын алды.

KazanForum мәйданчыгында Россия вице-премьеры Марат Хөснуллин Азәрбайҗан Премьер-министры урынбасары Шахин Мостафаев белән очрашты. Очрашуда Татарстан Республикасы Президенты Рөстәм Миңнеханов катнашты, дип хәбәр итә республика җитәкчесенең матбугат хезмәте.

Иртәгә, 20 майда, Татарстан территориясендә алмашынучан болытлы һава көтелә. Көндез җил көчәергә мөмкин. Кайбер урыннарда аның тизлеге секундына 14 метрга җитәргә мөмкин. Бу хакта Татарстанның Гидрометеорология үзәге хәбәр итә.

Россиядә хәләл туризмны үстерү максатында кунакханә һәм рестораннар өчен стандарт эшләргә кирәк. Хәзер белгечләр аны эшләү белән шөгыльләнә. Бу хакта KazanForum «Хәләл стандартлары буенча кунакчыллык» сессиясендә Роскачество җитәкчесе Максим Протасов хәбәр итте.

Бүген «Россия - Ислам дөньясы: KazanForum 2023» XIV халыкара икътисадый форумының пленар утырышында форумда катнашучыларга Россия Федерациясе Президенты Владимир Путин җибәргән сәламләү сүзләре укылды.

Казанда ачылган «Россия – Ислам дөньясы: KazanForum» XIV халыкара икътисади форумы үз мәйданчыгында дөньяның 85 иленнән 15000нән артык кунак җыйды. Форум эшендә Техник көйләү һәм метрология буенча федераль агентлык делегациясе катнаша. Делегация ведомство җитәкчесе Антон Шалаев җитәкчелегендә килде. Форумның тематик трекларының берсе хәләл индустрияне үстерүгә иде.

Татарстанда 2023 елның I кварталында минималь куллану бюджеты күләме артты. Карарны республика Премьер-министры Алексей Песошин имзалады.

Татарстанның атказанган мәдәният хезмәткәре Ринат Гобәйдуллинны искә алу кичәсендә композитор истәлегенә оештырылган төбәкара «Сердәш» фестивале җиңүчеләре бүләкләнде. Быел әлеге фестиваль алтынчы тапкыр үткәрелә.

Мәскәү ислам институтының Ислам тикшеренүләре үзәге директоры, тарих фәннәре кандидаты Дамир Хәйретдинов дин белгечләре, галимнәр Шиһабетдин Мәрҗани белән Хөсәен Фәезхановны үз мирасын киләчәккә калдырган милләт каһарманы һәм лидерлары буларак искә алырга кирәк, дип саный.

Тарих институтының Миркасыйм Госманов исемендәге Алтын Урда һәм татар ханлыкларын өйрәнү үзәге җитәкчесе, тарих фәннәре кандидаты Илнур Миргалиев татар фәнен популярлаштырырга кирәк, дигән фикерен әйтте. 

Хәләл туризмны үстерү илгә яңа туристларны җәлеп итүнең тагын бер ысулы булырга мөмкин. Бу хакта «Россия –  Ислам дөньясы: KazanForum» XIV халыкара икътисади форумында Татарстан Республикасы Рәисе Рөстәм Миңнеханов белдерде.

Россия Федерациясе мөселманнары Диния нәзарәте рәисе мөфти шәех Равил Гайнетдин әйтүенчә, ислам илләренең берсе дә Россиягә каршы санкцияләр игълан итмәгән.

Россия мөселманнары Үзәк Диния нәзарәте рәисе, мөфти Тәлгать хәзрәт Таҗетдин әйтүенчә, хәзер көч кулланып, дошманлаштырып, халык һәм илләрне бер-берсенә каршы котыртырга тырышалар.

«Милли тормыш һәм дин» XIII Бөтенроссия татар дин әһелләре форумы делегатлары «Kazan Expo» Халыкара күргәзмәләр үзәгендә «Россия – Ислам дөньясы: KazanForum» XIVнче Халыкара икътисад форумы кысаларында оештырылган «Russia Halal Expo 2023» күргәзмәсе белән танышты.

«Россия – Ислам дөньясы: KazanForum» XIV халыкара икътисади форумы уңышлы килеп чыкты, диде Татарстан Республикасы Рәисе Рөстәм Миңнеханов, Россия Федерациясендә партнерлык финанславын үстерүдә Сбер лидерлыгы турындагы дискуссиядә катнашучыларны сәламләп.

Татарстан Рәисе Рөстәм Миңнеханов «Ватанны саклаучылар» дәүләт фонды җитәкчесе Анна Цивилева белән очрашты. Алар Татарстан Республикасында дәүләт фонды филиалын әзерләү һәм ачу мәсьәләләре турында фикер алышты, дип хәбәр итә республика җитәкчесенең матбугат хезмәте.

«Туган батыр» анимацион сериалының беренче серияләрен 2024 елның беренче яртыеллыгында чыгарырга планлаштыралар. Мультфильмның тизерын бүген «Россия – Ислам дөньясы: KazanForum 2023» Халыкара икътисади форумында тәкъдим иттеләр.

Казанның халыкара аэропортында Мөхәммәд пәйгамбәрнең (сәлаллаһу галәйһи вәсәллам) һәм аның сәхабәләренең чын ядкарьләрен тантаналы рәвештә каршы алдылар. Татарстанга раритетларны Дагестаннан махсус рейс белән алып килделәр.

Татар китабы йортында композитор Наилә Яхинаның иҗат кичәсе узды.

Мәскәү һәм бөтен Русь Патриархы Кирилл әйтүенчә, мөселманнар һәм христианнар экстремизмга каршы торырга тиеш.

Урманнарда янгын куркынычы югары булу сәбәпле, Татарстан территориясендә шторм кисәтүе игълан ителде. Бу хакта Татарстанның Гидрометеорология үзәге хәбәр итә.

Мәскәү һәм бөтен Русь Патриархы Кирилл сүзләренчә, Казан шәһәре православие һәм ислам диннәренең нәтиҗәле хезмәттәшлеге символы булып тора.

Татарстан Рәисе Рөстәм Миңнеханов Теннис академиясендә булды, анда хәзер халыкара фиджитал-футбол турниры уза. Ярышлар «Киләчәк уеннары» алдыннан тест ярышлары булып тора, дип билгеләп үттеләр республика җитәкчесенең матбугат хезмәтендә.