Новости за 04.05.2023

Чаллының 4нче микрорайонында «Гренада 4,5» җирле иҗтимагый үзидарәсе якынлашып килүче Җиңү көне уңаеннан ветераннар өчен зур бәйрәм оештырды. Комплекста яшәүчеләрнең һәммәсе чакырулы иде. Аеруча игътибар үзәгендә сугыш һәм тыл ветераннары булды. Бу хакта «Шәһри Чаллы» хәбәр итә.

Ялларда Татарстанда салкынайта, киләсе атна башында кырау төшәргә мөмкин. Бу хакта Татарстан Гидрометеорология һәм әйләнә-тирә мохитне күзәтү үзәге матбугат хезмәте хәбәр итә.

Татарстанда чәчү эшләренең 79 проценты башкарылган, 1455500 гектар мәйданда чәчү эшләре төгәлләнгән. Тәтеш, Зәй һәм Буа районнары эшләрне 90 проценттан артыкка үтәгән. Бу хакта Татарстан Республикасы Авыл хуҗалыгы һәм азык-төлек министрлыгы матбугат хезмәте хәбәр итә.

Свердловск өлкәсенең «Әҗегол урта гомуми белем бирү мәктәбе» муниципаль автономияле белем бирү учреждениесе филиалы – «Манчаж Тамак төп гомуми белем бирү мәктәбе» татар теле һәм әдәбияты укытучысы Дамир Каюмовка «Мактаулы остаз» билгесе тапшырылды.

Чиләбе шәһәрендә «Татар кызы. Нәни энҗеләр» һәм «Татар егете. Нәни батырлар» милли бәйгесендә катнашучы балалар өчен остаханә булды. Балалар татар халкының милли бизәкләре төшерелгән тәлинкә ясады.

Иртәгә Татарстан территориясендә алмашынучан болытлы һава көтелә, урыны белән бераз яңгыр яварга мөмкин. Бу турыда Татарстан Гидрометеорология һәм әйләнә-тирә мохитне күзәтү үзәге матбугат хезмәте хәбәр итә.

Татарстан Дәүләт Советы депутатлары «Үлемсез полк» акциясенә кушылды. Бөек Ватан сугышы елларында Ватанны саклаган геройларны искә алу өчен, Бөек Ватан сугышында катнашучыларның портретлары белән видеороликны парламент бинасында мәгълүмат таблоларына һәм социаль челтәрләргә урнаштырганнар.

Татарстан Рәисе Рөстәм Миңнеханов социаль челтәрдәге сәхифәсенә «Казан - хезмәт батырлыгы шәһәре» стеласы ачылышына һәм якынлашып килүче Җиңү көненә багышланган ролик куйды.

Апрель башыннан бирле беренче тапкыр доллар 78 сумнан түбәнрәк бәягә сатылды. Бу хакта Мәскәү биржасы хәбәр итә.

Казан телеманарасы 7 майда, Радио көнендә, һәм 9 Майда, Җиңү көнендә утлар белән яктыртылган бәйрәм сценариен кабызачак. Бу хакта Татарстан Дәүләт идарәсен цифрлы нигездә үстерү, мәгълүмат технологияләре һәм элемтә министрлыгы хәбәр итә.

Март аенда Россия үсеш алган илләр арасында инфляциянең иң түбән күрсәткечләренең берсен (3,5 процент) күрсәтте. Апрельдә исә күрсәткеч 2,6 процентка төште, дип сөйләде Россия Президенты Владимир Путин белән очрашуда Икътисади үсеш министрлыгы башлыгы Максим Решетников.

Бүген Казанның Себер трактында  билгесез ир-атның автомобильләргә пистолеттан атуы турында хәбәр чыкты.

Ясалма интеллектны сөйләм теле белән баету өчен татар телен белүчеләрнең «Татар тавышы» атамалы телеграм-чатка кушылуы кирәк.

Казанда Кремль яр буенда ел саен «Җиңү кайтавазы» фестивале уза. Шәһәр халкы һәм кунаклары төрле акцияләргә, интеллектуаль турнирга, әдәби-музыкаль кичәгә һәм башка чараларга бара ала. Бу хакта Казан мэриясе матбугат хезмәте хәбәр итә.

Туфан Миңнуллинның легендар «Әлдермештән Әлмәндәр» спектакле буенча куелган анимацион фильм зур прокатка кадәр беренче тапкыр халыкка Камал театрының зур сәхнәсендә күрсәтеләчәк.

Галәветдин Зыятдинов истәлегенә багышлап уздырылган «Яшь журналист» район бәйгесендә җиңүчеләрне бүләкләгәннәр.

https://tatur.tatarstan.ru/

Музыкант һәм педагог, Россиянең халык артисты, Татарстанның атказанган сәнгать эшлеклесе, профессор, күпсанлы конкурслар лауреаты Шәүкәт Әмиров вафат булган. Бу хакта Татарстанның Свердловск өлкәсендәге Даими вәкиллеге матбугат хезмәте хәбәр итә.

Шәүкәт Әмиров - илнең балалайкада иң яхшы уйнаучыларының берсе, ул кырык елдан артык актив концерт эшчәнлеге алып барды. Аның виртуоз башкарулары грампластинкаларда, дискларда, СССР дәүләт телерадиофондларында теркәлгән... Читать дальше...

Махсус хәрби операциядә һәлак булган дип игълан ителгән Зәй районыннан мобилизацияләнгән хәрби гаиләсе янына кайткан. Бу хакта «Зәй-информ» хәбәр итә.

ТР Рәисе матбугат хезмәте

Татарстан Рәисе Рөстәм Миңнеханов ТР Дәүләт Советы депутаты Эдуард Шәрәфиевнең махсус хәрби операциядә катнашучыларга багышланган фотокүргәзмәләр һәм музей экспозицияләре оештыру турындагы тәкъдимен хуплады. Парламентарий республикада Бөек Ватан сугышында Җиңүнең 78 еллыгын бәйрәм итүгә әзерлек һәм аны үткәрү буенча оештыру комитеты утырышында шундый идеясе белән уртаклашты.

Махсус хәрби операциядә катнашкан депутат республика җитәкчесенә Казанда даими... Читать дальше...

Ясалма интеллект белән татарча аралашу өчен «Телеграм» челтәрендә «Татар чаты» дип эзләп табарга һәм «телеграм-бот»ка кушылырга кирәк.

Татарстан Рәисе Рөстәм Миңнеханов Муса Җәлил исемендәге Татар дәүләт опера һәм балет театрында Бөек Җиңүнең 78 еллыгына багышланган тантанада ветераннарны, җәмәгатьчелекне котлады һәм дәүләт бүләкләре тапшырды.

Безнең Россия тарихы сәхифәләрен бозуга юл куярга хакыбыз юк, дип белдерде Татарстан Рәисе Рөстәм Миңнеханов республикада Бөек Ватан сугышында Җиңүнең 78 еллыгын бәйрәм итүгә әзерлек һәм аны үткәрү буенча оештыру комитеты утырышында.

Президент Владимир Путин катлаулы хәлләрдә дә һәрвакыт тыныч булып кала, пилотсыз очкычларның Кремльгә һөҗүмен дә ул шулай кабул итте. Дәүләт башлыгының матбугат секретаре Дмитрий Песков журналистларга шулай дип белдерде. Бу хакта ТАСС агентлыгы хәбәр итә.

Соңгы тәүлектә Татарстанда коронавирус инфекциясенең 25 яңа очрагы ачыкланган, бер көн элек 24 очрак теркәлгән иде. Бу хакта стопкоронавирус.рф порталы хәбәр итә.

26 майда Уфада «Китап бәйрәме» Халыкара китап ярминкәсе кысаларында «Башкортстанның чигелгән картасы» проекты тәкъдим ителәчәк. Төбәк картасын республиканың 25тән артык районы һәм Уфа осталары чигә. Бу хакта «Башинформ» агентлыгы хәбәр итә.