Новости за 10.05.2023

Түбән Кама китапханә системасы һәм Түбән Кама рус җәмгыяте бөек рус шагыйре Александр Пушкинның тууына 224 ел тулуга багышланган «Добрый гений» муниципаль шигырь укучылар бәйгесен башлап җибәрә.

Иртәгә, 11 майда, Татарстанда температура фонының әкренләп күтәрелүе дәвам итәчәк, әмма кырау да төшәргә мөмкин. Бу хакта Татарстанның Гидрометеорология үзәге хәбәр итә.

5 майда Калининград өлкәсенең бердәнбер әдәби музее – Кристионас Донелайтис мемориаль музеенда «Воин. Поэт. Гражданин» күргәзмәсе ачылды. Бу музей – Калининград өлкә тарихи-сәнгать музееның Чистые Пруды бистәсендәге филиалы. Бөтендөнья татар конгрессы шул турыда яза.

Казандагы сәүдә үзәкләренең берсендә автомат янгын сигнализациясе эшли башлавы турында хәбәр бүген 18.18 сәгатьтә килгән. Бу хакта «Татар-информ»га Россия Гадәттән тыш хәлләр министрлыгының Татарстан Республикасы буенча Баш идарәсе матбугат хезмәтендә хәбәр иттеләр.

Бөек Ватан сугышында Җиңүнең 78 еллыгын бәйрәм итү көнендә Базарлы Матак авылының Хәрби дан аллеясында махсус хәрби операция зонасында һәлак булганнарга багышланган һәйкәл ачылды. Тантанада катнашучылар һәйкәл язуында хаталар күреп алган һәм социаль челтәрләрдә актив рәвештә фикер алыша башлаган.

Түбән Камада төбәк банкларының берсендә өлкән белгеч булып эшләгән һәм 40 миллион сумга якын акча үзләштергән хатын-кызны хөкем итәчәкләр. Бу хакта Татарстан Республикасы прокурорының өлкән ярдәмчесе Руслан Галиев хәбәр итте.

Күпсанлы урлауларда гаепләнгән Мамадыш районы кешесенә суд хөкем карары чыгарды. Карак балалар лагереннән әйберләр урлаган. Бу хакта Татарстан Республикасы прокурорының өлкән ярдәмчесе Руслан Галиев хәбәр итте.

16 майда Казан халкы һәм кунаклары Татарстан Милли музеена һәм аның филиалларына бушлай керә алачак.

Запаста торган Россия гражданнарының бер өлеше быел традицион рәвештә хәрби җыеннарга чакырылачак. Россия Президенты Владимир Путин шундый карар имзалады.

Бу атнада Идел буе федераль округында май ае өчен түбән температура өстенлек итәчәк, округның көньяк өлешендә яңгырлар көтелә. Ял көннәренә һава торышы яхшырачак, дип хәбәр итте ТАСС агентлыгына «Фобос» үзәгенең әйдәп баручы белгече Алина Котилевская.

Бүген Татарстан Республикасында янгынга каршы махсус режим бетерелә. Бу хакта Россия Гадәттән тыш хәлләр министрлыгының Татарстан Республикасы буенча Баш идарәсенең матбугат хезмәте хәбәр итә.

Россия гражданлыгы булган мигрантларны, шул исәптән Урта Азия һәм Кавказ артыннан килүчеләрне махсус хәрби операция уздыру зонасына хәрби хезмәткә алырга рөхсәт итәргә мөмкиннәр. Шундый закон проектын КПРФ партиясеннән Дәүләт Думасы депутаты Михаил Матвеев әзерли. Ул бу хакта телеграмдагы каналында хәбәр итә.

Татарстандагы дәүләт органнарында дәүләт граждан хезмәте вазифалары саны артты. Шундый карарны Республика Рәисе Рөстәм Миңнеханов имзалады. Документтан күренгәнчә, Татарстан Республикасы Сәламәтлек саклау министрлыгы структурасында дәүләт хезмәткәрләре саны үзгәрә.

Зарарлы организмнардан эшкәртелү сәбәпле, Татарстан урманнары территорияләренә бару өч атнага чикләнә. Татарстан Республикасы премьер-министры Алексей Песошин шундый карар имзалады.

https://tatspb.tatarstan.ru/

12 майда Татарстан Республикасының Санкт-Петербург шәһәрендәге һәм Ленинград өлкәсендәге Даими вәкиллегендә Алим Ныровның «Алим Ныров куллары белән эшләнгән» дигән сәнгать эшләре күргәзмәсе ачыла. Экспозициянең төп өлешен портрет эшләре тәшкил итә. Рәссам өчен персонажның характерын һәм аның табигатен җиткерү мөһим. Шулай ук эш арасында Алим Ныровны һәм аның иҗади эшчәнлеген бәйләүче шәһәрләрнең жанр композицияләре һәм пейзажлары бар. Татарстан Республикасының... Читать дальше...

https://mon.tatarstan.ru/tat/

Педагог һәм остаз елы кысаларында 12 майда «Адымнар - белемнәргә һәм татулыкка юл» полилингваль комплексы базасында авыл укытучыларының «Укытучылар белән авыл дан тота» республика форумы узачак. Бу хакта ТР Мәгариф һәм фән министрлыгы матбугат хезмәте хәбәр итә. 

Форумда авыл җирлегендә урнашкан гомуми белем бирү оешмаларында эшләүче авыл җирлеге укытучылары, шул исәптән «Авыл укытучысы» һөнәри конкурсында җиңүчеләр һәм Татарстан Республикасы икътисады өчен кадрлар әзерләүдә эшләүче укытучылар... Читать дальше...

Татарстан Рәисе Рөстәм Миңнеханов «Татар Автономияле Совет Социалистик Республикасы оешуга 100 ел» медален тапшыру турындагы указны имзалады. Медаль ике кешегә тапшырылачак, диелә документта.

Татарстанда урманнарда янгын чыгу куркынычы югары булу аркасында кисәтү игълан ителде. Бу хакта ТР Гидрометеорология һәм әйләнә-тирә мохитне күзәтү идарәсе хәбәр итә.

Мәскәү өлкәсенең Балашиха шәһәрендә хәрби часть территориясенә үтеп керергә тырышкан биш кеше тоткарланган. Бу хакта ТАСС агентлыгы хәбәр итә.

«Китап» радиосы «Карачтау авылы көйләре» дигән Таһир Якупов исемендәге Татар җырын башкаручылар арасында I республика фестиваль-бәйгесен игълан итә.

РФ Президенты Владимир Путин бүгенге көннән башлап Россия авиакомпанияләренә Грузиягә очарга һәм анда юлламалар сатарга (бу элек тыелган иде) рөхсәт итте. Шул хактагы документ хокукый мәгълүмат интернет-порталында урнаштырылган.

1000 данә белән чыккан китап дини уку йортларына, мәчетләрдә шәкертләр укыткан имамнарга бүләк ителәчәк.

Татарстанның халык артисты Салават Фәтхетдиновның оныгы туган – малайга Дамир дип исем кушканнар. Җырчының улы, 19 яшьлек Рөстәм Фәтхетдинов социаль челтәрдәге үз сәхифәсендә шул хакта хәбәр иткән.

Иртәгә, 11 майда, Татарстанда һавада һәм туфракта урыны белән -2 градуска кадәр кырау көтелә. Шуңа бәйле рәвештә, республикада янә кисәтү игълан ителде. Бу хакта ТР Гидрометеорология һәм әйләнә-тирә мохитне күзәтү идарәсенең матбугат хезмәте хәбәр итә.

Табиб вазифаларының бер өлешен урта медицина персоналына йөкләргә тәкъдим ителә. Сәламәтлек саклау министрлыгының оештыру һәм мәгълүматлаштыру Үзәк фәнни-тикшеренү институты шундый инициатива белән чыкты. Бу хакта «Коммерсантъ» газетасы яза.