Новости за 09.05.2023

Казан Кремленең татар халкы һәм Татарстан Республикасы дәүләтчелеге тарихы музеенда рәссам Әнвәр Сәйфетдиновның күргәзмәсе ачыла. Экспозициядә автор коллекциясеннән сынлы сәнгать картиналары, шулай ук аның аерым циклыннан барлыгы 70тән артык эше тәкъдим ителәчәк.

Иртәгә, 10 майда, Татарстанда салкын һава торышы саклана, кырау төшүе көтелә, әмма температура фонының әкренләп күтәрелүе дәвам итәчәк. Бу хакта ТР Гидрометеоүзәге хәбәр итә.

Казанда Җиңү көне традицион бәйрәм салюты белән тәмамланды. Кадрлар белән «Татмедиа» телеграм-каналы уртаклашты.

Казанның Меңьеллык мәйданында Бөек Җиңүнең 78 еллыгына багышланган бәйрәм концертында мең кешелек хор «Туган тел» җырын башкарды.

Татарстанда җиңел автомобиль белән фура бәрелешкән. Бу хакта «Татар-информ»га юл-транспорт һәлакәте шаһитлары хәбәр итә.

Бөек Ватан сугышында Җиңүнең 78 еллыгына багышланган бәйрәм чараларында меңләгән татарстанлы катнашты.

Яшел Үзәндә Җиңүнең 78 еллыгына һәм Педагог һәм остаз елына багышланган «Җырлаучы май» VIII ачык шәһәр фестиваль — бәйгесе узды. Бу хакта «Татар-информ»га районның матбугат хезмәтендә хәбәр иттеләр.

Курган өлкәсе губернаторы Вадим Шумков хәбәр иткәнчә, төбәк хөкүмәте хезмәткәрләренең хезмәт хакының бер өлеше янгында зыян күрүчеләргә китәчәк. РИА Новости шул турыда яза.

Анталья татарлары җәмгыяте җитәкчесе Оксана Назарова, Җиңү көне уңаеннан, флешмоб уздырды – «Случайный вальс» (Очраклы вальс) җырын төрле илләрдә яшәүче татарлар татарча җырлый.

Бүген төнлә Башкортстанның Чишмә район үзәгендәге юл-транспорт һәлакәтендә блогер Диана Сәфәрова-Юнысова һәлак булды. Бөтендөнья татар конгрессының Башкортстандагы вәкиллеге якыннарының кайгысын уртаклаша.

Бүген Әлмәт театры актрисасы һәм режиссеры, ТАССР халык артисты Зәкия Туешевага Әлмәттә истәлек тактасы ачылды. Ул Бөек Ватан сугышында катнашкан. Истәлек тактасын Туешева Муса Җәлил урамындагы 41а йортында урнаштырдылар.

Курган өлкәсендә зур янгыннарда 19 кеше һәлак булды, дип хәбәр итә ТАСС.

Ярдәм җыю штабы Бөтендөнья татар конгрессы бинасында оештырылды.

Екатеринбургтагы «Мәгариф» (Просвещение) дини һәм тел өйрәнү үзәге оештырган Руслан Нурмәмәтов һәм волонтер, активист Руслан Әхмәров үз машиналары белән янгыннан каза күргән Курган өлкәсе Эчкен авылына ярдәм - ике генератор һәм хәләл ризык алып барган. Алар әйтүенчә, авыл халкына беренче чиратта хәләл ризык җитми.

Бүген көндез Зәй районында параплан һәлакәткә юлыккан. Бу турыда хәбәр полициядән килгән. «Татар-информ»га Россия Гадәттән тыш хәлләр министрлыгының Татарстан Республикасы буенча Баш идарәсе матбугат хезмәтендә шул турыда сөйләделәр.

Бүген Балык Бистәсендә Бөек Җиңүнең 78 еллыгын бәйрәм итү уңаеннан махсус хәрби операция зонасында һәлак булган хәрби хезмәткәрнең әнисенә улының бүләге – Батырлык ордены тапшырылды.

Чаллыда Җиңү көнен бәйрәм итү традицион рәвештә Советлар Союзы Герое Муса Җәлил һәйкәленә чәчәкләр салудан башланды. Тантана шәһәр мэры Наил Мәһдиев һәм Татарстан Республикасы вице-премьеры – сәнәгать һәм сәүдә министры Олег Коробченко катнашында узды. Фотолар автокала мэриясенең телеграмдагы каналында урнаштырылган.

Түбән Кама районында кичә кич ике җиңел автомобиль катнашында авария булган. «Татар-информ»га һәлакәт шаһитлары шул турыда сөйләде.

Россия Федерациясе мөселманнарының Диния нәзарәте һәм Россия Мөфтиләр шурасы рәисе мөфти шәех Равил Гайнетдин Бөек Җиңү бәйрәме белән котлады. Россия Мөфтиләр шурасы шул турыда хәбәр итә.

96 яшьлек ветеран Җиңү парадында катнашты.

«Россия өчен көнбатышта да, көнчыгышта да дустанә булмаган, дошман халыклар юк», - дип белдерде Россия Президенты Владимир Путин Мәскәүдә хәрби парадта ясаган чыгышында.

Казан федераль университетының элеккеге ректоры Илшат Гафуровның әтисе, Алабуганың танылган һәм хөрмәтле кешесе Рәфкать Гафуров 8 майда 85 яшендә вафат булды, дип хәбәр итә университетның матбугат хезмәте. КФУның Алабуга институты җитәкчелеге һәм коллективы Гафуровның кайгысын уртаклаша.

Без Ватанны һәм дөньяны фашизмнан яклап һәлак булганнарны һәрвакыт истә тотачакбыз. Җиңүнең нәрсә бәрабәренә килгәнен беркайчан да онытмаячакбыз. Россия Дәүләт Думасы Рәисе Вячеслав Володин Татарстан Рәисе Рөстәм Миңнехановны 9 Май уңаеннан шундый сүзләр белән котлады.

Татарстан Рәисе Рөстәм Миңнеханов Казанның Меңьеллык мәйданында Бөек Җиңүнең 78 еллыгына багышланган хәрби парадта Бөек Ватан сугышында Җиңүнең әһәмиятен билгеләп узды.

Татарстан Рәисе Рөстәм Миңнеханов хәрби парадта татарстанлыларны Бөек Җиңү бәйрәме белән котлады.