Новости за 24.02.2026

​​​​​​​Татарстан Дәүләт Советының элекке депутаты, җәмәгать эшлеклесе Сурия Усманова мәктәп музейларының бүгенге хәле һәм анда сакланучы уникаль мирасның язмышы турында фикерләре белән уртаклаша.

2025 ел нәтиҗәләре буенча Татарстанда кече технологик компанияләр саны 240ка җитте, ә аларның уртача кереме 244 миллион сум тәшкил итте, бу россиядәге уртача күрсәткечтән 33 процентка артык. Бу хакта Татарстан Республикасы Икътисад министрлыгында хәбәр иттеләр.

Татарстан Дәүләт Советы Рәисе Фәрит Мөхәммәтшин Казанның 179нчы гимназиясендә парламент дәресендә әтисе турында якты истәлекләре белән уртаклашты. Бөек Ватан сугышында Хәйрулла Мөхәммәтшин элемтәче булган. «Минем әти сугышның башыннан алып азагына кадәр ачысын-төчесен күргән кеше, яраланган да булган», – диде ул укучылар алдында чыгыш ясаганда.

РФ Хөкүмәте ярдәмендә ел саен үткәрелә торган «Бөек Җиңү Геройлары» XII Бөтенроссия әдәби конкурсы башланды. Анда Татарстан халкы да катнаша ала.

Передается не только через клеща, но и воздушно-капельным путем, и через козье молоко

Энцефалит - күп очракта талпаннар белән бәйле авыру. Талпан, асылда, инфекция йоктыру юлларының берсе генә. Бу авыруны тагын ничек йоктырырга мөмкин һәм бу нәрсәгә китерә? Бу хакта Татарстанның Республика клиник йогышлы авырулар хастаханәсенең реанимация бүлеге мөдире Булат Фәткуллин сөйләде.

Татарстанда климатик яз 20 марттан соң урнашачак. Бу хакта «Татар-информ»га «МЕТЕО» фаразлау үзәге синоптигы Александр Ильин хәбәр итте.

Татарстан Рәисе Рөстәм Миңнеханов Абхазиягә эш сәфәре белән килде. Бу хакта үзенең телеграм-каналында Абхазия башлыгының матбугат секретаре Алхас Чолокуа хәбәр итте.

Төркиянең Анталия шәһәрендә халкыбызның бөек улы Һади Атласи истәлегенә багышланган татарча пикник узган. Милләттәшләр гомерен татар халкына хезмәт итүгә багышлаган шәхеснең тормыш юлы, фәнни һәм җәмәгать эшчәнлеге турында сөйләшкән. Бу хакта «Төркия татарлары» җәмгыяте хәбәр итте, дип яза эмиграциядәге татарлар турында язучы «Дулкын» медиасы.

Новосибирск өлкәсе Татар мәдәнияте йортында танылган аш-су остасы Юныс Әхмәтҗанов истәлегенә багышланган «Тук тамак» VI өлкә татар аш-суы бәйгесе узган. Бу хакта Новосибирск өлкәсе татар милли-мәдәни автономиясе каршындагы «Ак калфак» иҗтимагый оешмасы хәбәр итә.

2026 ел башыннан Татарстанда ТР Рәисе каршындагы Дәүләт торак фонды инвестицияләре хисабына 604 фатирлы җиде социаль ипотека йорты төзелгән һәм файдалануга тапшырылган. Бу социаль ипотека программасында торак төзелеше буенча еллык планның 21,5 процентын тәшкил итә, дип хәбәр итә Дәүләт торак фонды матбугат хезмәте.

Бүген Татарстан Республикасы Дәүләт Советы Рәисе Фәрит Мөхәммәтшин Казанның 179нчы гимназиясендә «Фидакарь хезмәт һәм хәрби батырлык белән Ватанны данлыйбыз!» темасына парламент дәресендә катнашты.

Стәрлетамакта «Сүз чыгар шагыйрьләрдән хикмәт белән...» сәнгатьле уку бәйгесенең зональ этабы башланган. Зональ этап кысаларындагы беренче конкурс Авыргазы районы Талбазы авылы лицеенда узган. Быел бәйгедә катнашучылар Муса Җәлил шигырьләрен укый. Бу хакта Стәрлетамак шәһәре татар этномәдәни белем бирү үзәге хәбәр итә.

Атна ахырында Татарстанда һава температурасының сизелерлек күтәрелүе көтелә, әмма моңа кадәр һава торышы тотрыксыз булачак. Бу хакта «Татар-информ»га «МЕТЕО» фаразлау үзәге җитәкчесе Александр Шувалов хәбәр итте.

22 мартта 18:00 сәгатьтә Сургутта «Сандугач» татар мәдәнияте коллективы «Гаилә» дип исемләнгән концерт тәкъдим итәчәк. Бу хакта Сургут шәһәре татарлары милли-мәдәни автономиясе хәбәр итә.

Россиядә, Дәүләт автоинспекциясенең 2026 елның 1 гыйнварына булган мәгълүматларына караганда, теркәлгән транспорт чараларының 67,7 проценты ун елдан искерәк. Әле бер ел элек мондыйларның өлеше нибары 42,3 процент тәшкил иткән, дип яза «Коммерсанть» газетасы.

Г.Камал исемендәге Татар дәүләт академия театрында озак еллар дәвамында рәссам-дизайнер булып хезмәт иткән, Татарстанның атказанган сәнгать эшлеклесе Ринат Празат улы Исәнбәт вафат булган. Бу хакта театрның матбугат хезмәте хәбәр итә.

«Нурлы Рамазан» бәйгесенә гаризалар кабул итү тәмамланырга нибары ике көн калды, дип хәбәр итә ТР Диния нәзарәте матбугат хезмәте.

Шамил Закиров исемендәге XXVI төбәкара «Идел-йорт» театр коллективлары конкурсының республика этабына әзерлек башланды. Конкурс Россия Федерациясендә Россия халыклары бердәмлеге елы һәм Татарстан Республикасында Хәрби һәм хезмәт батырлыгы елы кысаларында үткәрелә.

30 дәүләт, нигездә БДБ илләре вәкилләре, Казанда Халыкара кулланучылар кооперациясе форумында катнашырга теләк белдергән. Бу хакта «Татар-информ»га биргән интервьюсында Татпотребсоюз идарәсе рәисе Рашат Шәймәрданов хәбәр итте.

Азатлык Радиосы Путин сугышында Татарстан һәм Башкортстаннан китеп үлүчеләрнең нинди милләттән булуын фаразлап карады, моның өчен ономастик ысул кулланылды. Тулаем алганда ике республикадан расланган үлүчеләр саны 17 меңнән артып китте.

Әлмәт районы башлыгы Гүзәл Хәбетдинова Әлмәттә БПЛА һөҗүменә карата аңлатма бирде.

Ижевск шәһәренең Муса Җәлил исемендәге китапханәсендә «Татар кызы - 2026» бәйгесендә катнашучы кызлар өчен остаханә уздырылган. Кызлар хәситә – татар хатын-кызларының традицион бизәнү әйберен ясарга өйрәнгән. Чараны тегүче, дизайнер Наталья Ермолина үткәргән. Бу хакта Удмуртия Республикасының «Яңарыш» газетасы ВКонтакте социаль челтәрендәге рәсми төркемендә хәбәр итте.

Әлмәттә БПЛА куркынычы режимын гамәлдән чыгару турында игълан иттеләр.

Фитыр садакасы мохтаҗларга бирелә, ләкин кайбер чикләүләр бар. Бу хакта «Татар-информ»га биргән интервьюсында Казанның «Гаилә» мәчете имамы Рөстәм Хәйруллин сөйләде.