Новости за 26.03.2019

Հայտնի է դարձել, որ Վիեննայում մարտի 29-ին կկայանա ՀՀ վարչապետ Նիկոլ Փաշինյանի և Ադրբեջանի նախագահ Իլհամ Ալիևի առաջին պաշտոնական հանդիպումը, որն անցկացվելու է ԵԱՀԿ Մինսկի խմբի համանախագահների միջնորդությամբ:

Ռուսաստանի նախագահ Վլադիմիր Պուտինը հեռախոսազրույց է ունեցել բելառուս պաշտոնակից Ալեքսանդր Լուկաշենկոյի հետ: Ինչպես հայտնում է РИА Новости-ն՝ մեջբերելով Կրեմլի մամուլի հաղորդագրությունը, կողմերը քննարկել են երկու երկրի հարաբերություններն ու ինտեգրացիոն գործընթացները Եվրասիական տնտեսական միության ձևաչափում:

Իտալական Լորետո քաղաքում Հռոմի Ֆրանցիսկոս պապը Մարիամ Աստվածածնին նվիրված ուխտատեղիում հավաքվածներին ողջունելիս անընդհատ փորձում է հետ քաշել ձեռքը՝ թույլ չտալով հավատացյալներին համբուրել իր մատանին:

Ադրբեջանի պաշտպանության նախարարությունն անդրադարձել է հայ-ադրբեջանական սահմանի հյուսիսարևելյան հատվածում այսօր տեղի ունեցած միջադեպին: Ինչպես գրում է Minval.az-ը՝ հղում անելով նախարարության հաղորդագրությանը, ադրբեջանական կողմը հերքել է երկրի զինված ուժերի ստորաբաժանումների կողմից իրենց դիրքերն առաջ տանելու մտադրությամբ ինժեներական աշխատանքներ կատարելու մասին տեղեկությունը:

ԱԺ «Իմ քայլը» խմբակցության պատգամավոր, Զբոսաշրջության կոմիտեի նախկին նախագահ Հռիփսիմե Գրիգորյանը պնդում է, որ զբոսաշրջությունը շարունակում է մնալ կառավարության գերակա ճյուղ:

Փարիզում մարտի 26-ին կայացել է Huawei ընկերության շնորհանդեսը, որի ժամանակ ներկայացվել են P30 և P30 Pro սմարթֆոնները:

Հնդկաստանի Կարնաթակա նահանգում բնակվող աղջիկը փորձում է միանգամից երկու համաշխարհային ռեկորդ գերազանցել:

Քաղաքակրթական, արժեհամակարգային տեսակետից ՀՀ-ն Եվրոպայի ճանապարհին չէ, Հայաստանը Եվրոպա է: Եթե խոսում ենք աշխարհաքաղաքական տեսակետից, ապա Հայաստանը նորից Եվրոպայի ճանապարհին չէ, այլ Եվրոպայի հետ համագործակցության ճանապարհին է:

Վարչապետ Նիկոլ Փաշինյանն այցելել է Երևանի Հանրապետական մարզադաշտ և հետևել ֆուտբոլի Եվրոպայի 2020 թվականի առաջնության ընտրական փուլի Հայաստան-Ֆինլանդիա հանդիպմանը:  

Վրաստանում Հայաստանի դեսպանատնից ՀՀ տրանսպորտի, կապի և տեղեկատվական տեխնոլոգիաների նախարարության տեղեկացնում են, որ Մցխեթա-Ստեփանծմինդա-Լարս ավտոճանապարհի 106-րդ կիլոմետրին տարվող շինարարական աշխատանքների պատճառով մարտի 27-ին՝ ժամը 10։00-12։00-ն ընկած ժամանակահավածում ավտոճանապարհի Գուդաուրի-Կոբի ճանապարհահատվածը փակ կլինի տրանսպորտային բոլոր միջոցների համար։

Գոլանի բարձունքների նկատմամբ Իսրայելի ինքնիշխանության ճանաչումով ԱՄՆ նախագահ Դոնալդ Թրամփը լեգիտիմացնում է Ռուսաստանի կողմից Ղրիմի անեքսիան։ Այս մասին Tert.am-ի հետ զրույցում ասաց «Նորավանք» հիմնադրամի Քաղաքական հետազոտությունների կենտրոնի ղեկավար, ավագ փորձագետ Կարեն Վերանյանը:

Նյու Յորքում բնակվող 75-ամյա Ռոզա Ֆերինգոն նոր պիջակ և կիսաշրջազգեստ է գործել, որին նայելիս դժվար է մտածել, որ այն պատրաստված է ոչ թե սովորական թելից, այլ ուրիշ հումքից:

Ուրախ եմ ամրագրելու, որ կարող ենք դրական դինամիկա արձանագրել ՀՀ-ԵՄ հարաբերություններում: «Կոնրադ Ադենաուեր» հիմնադրամի կազմակերպած «Հայաստանը Եվրոպայի ճանապարհին» քննարկման ժամանակ այսպես ասաց Բունդեսթագի պատգամավոր (ՔԴՄ/ՔՍՄ), Հայ-գերմանական ֆորումի նախագահ Դր. Ալբերտ Վայլերը:

Մարտի 26-ին արտակարգ դեպք է տեղի ունեցել Արմավիրի մարզում: Ժամը 12: 00-ի սահմաններում ոստիկանության Վաղարշապատի և Արամվիրի բաժիններ ահազանգեր են ստացվել, որ մի քաղաքացի Արմավիրի մարզի գերեզմատներից մեկում փորձում է ինքնասպան լինել:

Թեոդոսիայի հասարակական ակտիվիստները բաց դիմում են հղել Հայաստանի նախագահ Արմեն Սարգսյանին՝ խնդրելով աջակցել Այվազովսկու անվան պատկերասրահի պահպանմանը՝ որպես քաղաքի սեփականություն:

21:23

ԵՎՐՈ-2020-ի ընտրական փուլի J խմբի երկրորդ տուրում Հայաստանի հավաքականն ընդունել է Ֆինլանդիայի ընտրանուն:

Հանդիպման 14-րդ րոպեին հյուրերի ֆուտբոլիստ Յենսենը բացել է հաշիվը՝ 0:1:

21:05

Այսօր`մարտի 26-ին, Հայաստանի ազգային հավաքականը ԵՎՐՈ-2020-ի ընտրական փուլի J խմբում մրցում է Ֆինլանդիայի ընտրանու հետ:

Ինչպես գրում է Armsport.am-ը, հանդիպումը մեկնարկել է ժամը 21:00-ին Վ. Սարգսյանի անվան «Հանրապետական» ստադիոնում:

Մեր հավաքականը խաղը սկսել է հետևյալ կազմով՝

16. Читать дальше...

Tert.am-ը «ԱՐԴԻ» հիմնադրամի Եվրաատլանտյան հետազոտությունների ծրագրի համակարգող, բրիտանական Լեսթերի Համալսարանի Անվտանգություն, Հետախուզություն և Ռազմավարական հետազոտություններ բաժնի գիտաշխատող Էդուարդ Աբրահամյանի հետ զրուցել է ԱՄՆ-ի կողմից Գոնալի բարձունքներն Իսրայելի մաս ճանաչելու դրդապատճառների  մասին, քննարկել, թե արդյոք կարող է այն նախադեպային լինել նաև Արցախյան հիմնախնդրի կարգավորման գործընթացի համար:

Մարտի 24-ին՝ ժամը 04:30-ի սահմաններում Երևանում ավտովթար է տեղի ունեցել: Բագրատունյաց փողոցի 14 հասցեի դիմաց բախվել են Երևան քաղաքի ներքին Շենգավիթ թաղամասի բնակիչ, 60-ամյա Սամվել Հունանյանի վարած ВАЗ 2106 մակնիշի 68 ՕԼ 587 համարանիշի, Երևան քաղաքի Նորք Մարաշ թաղամասի բնակիչ, 27-ամյա Գառնիկ Սիմոնյանի վարած Opel մակնիշի 35 NQ 693 համարանիշի և Երևան քաղաքի Մանթաշյան փողոցի բնակիչ, 52-ամյա Խաչատուր Մելիքյանի վարած Mercedes մակնիշի 35 AM 120 համարանիշի ավտոմեքենաները:

Մենք և մեր եվրոպական գործընկերները խոսում ենք նույն լեզվով: «Կոնրադ Ադենաուեր» հիմնադրամի կազմակերպած «Հայաստանի Եվրոպայի ճանապարհին» քննարկման ժամանակ ասաց ԱԺ արտաքին հարաբերությունների հանձնաժողովի նախագահ Ռուբեն Ռուբինյանը:

Ամերիկյան իշխանությունները որոշում են ընդունել պատժամիջոցներ սահմանել իրանական ևս 14 կազմակերպության և 9 ֆիզիկական անձանց նկատմամբ, որոնք Վաշինգտոնի կարծիքով ներգրավված են ահաբեկչական գործունեության մեջ և կապ ունեն իրանական միջուկային ծրագրի հետ: Այս մասին ասվում է ԱՄՆ ֆինանսների նախարարության հայտարարության մեջ:

ՀՀ ԱԺ նախագահ Արարատ Միրզոյանը մարտի 26-ին ընդունել է Հայաստանում Կուբայի Հանրապետության արտակարգ և լիազոր դեսպան Էմիլիո Պևիդա Պուպոյին:

Կալիֆորնիայի նահանգային սենատի Գործարարության և մասնագիտությունների հանձնաժողովը մարտի 25-ին միաձայն հավանություն է տվել սենատոր Էնթոնի Պորտանտինոյի ներկայացրած 302 բանաձևին, որը կարտոնի Երևանում Կալիֆոռնիա-Հայաստան առևտրի գրասենյակի վերաբացումը: Բանաձևին աջակցել են հանձնաժողովի թե՛ հանրապետական, թե դեմոկրատ սենատորները: Այս մասին հայտնում են ՀՀ արտաքին գործերի նախարարության լրատվության և հանրային դիվանագիտության վարչությունից։

Երևանի քաղաքապետի առաջին տեղակալ Հրաչյա Սարգսյանը հանդիպել է «Մայքրոսոֆթ» ընկերության Կենտրոնական և Արևելյան Եվրոպայի «խելացի քաղաք» նախաձեռնության ՏՏ խորհրդատու Ֆրեդ Սիթբոնի հետ: Այս մասին հայտնում են քաղաքապետարանի աշխատակազմի հասարակայնության հետ կապերի բաժնից:

Որպես քաղաքական հիմնադրամ՝ մենք շահագրգռված ենք այսպիսի մի երկրի հավակնությունների հարցում, որը ցանկանում է ԵՄ-ի հետ իր հարաբերությունները խորացնել: «Հայաստանը Եվրոպայի ճանապարհին» թեմայով քննարկման ժամանակ այսպես ասաց «Կոնրադ Ադենաուեր» հիմնադրամի Հարավային Կովկաս տարածաշրջանային ծրագրի ղեկավար Դր. Թոմաս Շրապելը:

Եվրո-2020-ի ընտրական փուլի Հայաստան-Ֆինլանդիա ընտրական փուլում ազգային թիմի մեկնարկային կազմը հայտնի է: