Новости за 14.03.2024

Алдагы өч елда Россиядә уртача төп ставка күләме 10 процент тирәсе тәшкил итәчәк. Регуляторның акча-кредит сәясәте департаменты директоры урынбасары Андрей Гангам Новосибирскида Үзәк банк һәм бизнесның коммуникацион сессиясендә шундый фикерләре белән уртаклашты. Бу хакта ТАСС агентлыгы хәбәр итә.

Язучы, шагыйрь, драматург һәм әдәбият белгече Галимҗан Гыйльманов язучы Шәриф Камалның хикәяләрен югары дәрәҗәдәге проза дип бәяләде.

15-17 мартта ил халкы сигезенче тапкыр Россия Президентын сайлаячак. Тавыш бирү алдыннан гамәлдәге дәүләт башлыгы Владимир Путин ил гражданнарына мөрәҗәгать итте – аның чыгышы Беренче каналда трансляцияләнде.

Дәүләт Думасында Леонид Слуцкий җитәкчелегендәге ЛДПР фракциясе махсус салым режимы вакытында үзмәшгульләрнең еллык керемнәрен 3,4 миллион сумга кадәр арттыру турындагы закон проекты әзерләде. Бу хакта РИА Новости агентлыгы хәбәр итә.

Казан циркында итальян цирк династиясе вәкилләре һәм белорус цирк артистлары катнашында яңа программа башланып китте.

Казанда Россия президентын сайлаулар көннәрендә, 15-17 мартта, 172 сайлау участогында ярминкәләр эшләячәк. Мәйданчыкларда азык-төлек һәм көнкүреш химиясенә бәяләр ваклап сату бәяләреннән 20-25% ка түбәнрәк булачак.

Казан цирк мәктәбе укучылары Владимир Серов, Елизавета Демидова, Ярослав Краснов и Ксения Семёнова Франциянең Сен-Поль-ле-Дакс шәһәрендә узучы XXIII халыкара цирк артистлары фестивалендә катнаша.

Татарстан Республикасы Рәисе Рөстәм Миңнеханов Россия Федерациясе Президентын сайлау уңаеннан мөрәҗәгать итте.

Татарстан спортчысы Елена Абаимова РСФСР һәм ТАССРның атказанган урманчысы, «Почет билгесе» һәм «Октябрь революциясе» орденнары кавалеры Нургали Миңнеханов истәлегенә оештырылган өстәл теннисы буенча халыкара ярышларда җиңүче һәм призер булды.

Бүген, 14 мартта, Татарстанда антициклон йогынтысы аркасында тыныч һава торышы урнашачак. Бу хакта ТР Гидрометүзәге хәбәр итә.

Уфа шәһәренең Солдат күлендә кышкы йөзү буенча Россия чемпионаты һәм беренчелеге узды. Чарага илнең 41 шәһәреннән (Калининградтан Владивостокка кадәр) 252 йөзүче җыелган. Бу хакта «Туган як» яза.

15 мартта районның чаңгы шуу үзәгендә Россия Федерациясенең атказанган укытучысы, Урта Балтай мәктәбе директоры Нәбиулла Гыйззәтов истәлегенә районкүләм ачык чаңгы ярышлары оештырыла. Бу хакта «Апастово-информ» хәбәр итә.

Аяз Гыйләҗев исемендәге Чаллы татар дәүләт драма театрында театраль педагогика кысасында «Хәл бу ки... Муса Җәлил» исемле спектакльнең премьерасы булды. Бу хакта «Шәһри Чаллы» хәбрә итә.

Кукмара киез итек-киез комбинатында «Хезмәт батырлыгы предприятиесе. 1941-1945 еллар» дигән истәлек тактасы куелды. Комбинатка әлеге исем узган ел Татарстан Рәисе карары белән бирелде. Бу хакта «Хезмәт даны» хәбәр итә.

Зәйнең Түбән Биш мәктәбе укучылары окоп шәмнәре ясый. Окоп шәмнәре өчен парафинны укытучылар акча җыеп сатып ала, банкаларны авыл халкы белән бергәләшеп җыялар, ә укучылар хезмәт дәресләрендә һәм буш вакытларныда окоп шәмнәре ясау белән мәшгуль. Бу хакта «Зәй яңалыклары» хәбәр итә.