Новости за 11.03.2024

Чаллыда Россия Президентын сайлау өчен 173 сайлау участогы булдырылды. Бу хакта «Шәһри Чаллы» хәбрә итә.

РФ Президентын сайлаулар вакытында – 15, 16 һәм 17 мартта - сайлау участокларында медицина хезмәткәрләре кизү торачак. Бу хакта эшлекле дүшәмбедә Казан Башкарма комитеты аппараты җитәкчесе Булат Алиев сөйләде, дип яза «Татар-информ» хәбәрчесе Александра Давыдова.

Кемерово өлкәсе мәчетләрендә имам ән-Нәвавиның 40 хәдисен белү буенча онлайн-бәйге узды. Бу чарада 100дән артык катнашучы булды, диелгән Россия мөселманнары Дини җыены сайтында.

«Туган авылым» комплексында ифтар кичәсе оештырылды. Кичәдә җәмәгать эшлеклеләре, дин әһелләре, депутатлар, журналистлар, консуллар катнашты.

Пермь краеның Барда авылында Бөтендөнья татар конгрессы кубогына татар яшьләре арасында хоккей буенча беренче төбәкара турнир узды. Бу хакта Бөтендөнья татар конгрессы матбугат хезмәте хәбәр итә.

Россия Президентын сайлауда тавыш бирү көненә халыкның консолидациясе тагын да көчәячәк. Федерация Советы әгъзасы Александр Терентьев «Волга» экспертлар клубы утырышында шундый фикер белдерде. Бу турыда «Татар-информ» хәбәрчесе Надежда Гордеева яза.

«Дәүләт хезмәтләре» порталында махсус операциядә катнашучыларга һәм аларның гаиләләренә социаль ярдәм, булышу һәм хезмәт күрсәтү турында мәгълүмати бүлек булдырылачак. Бу хакта Россия Президенты Владимир Путин йөкләмәләренә сылтама белән Кремльнең матбугат хезмәте хәбәр итә.

Россия Президенты Владимир Путин эшкә яраксыз булган оныкларының баласы (правнук) турында кайгыртучы әбиләр һәм бабайлар (прабабушка и прадедушка) өчен иминият пенсияләренә фиксацияләнгән өстәмә түләүләр турындагы законны имзалады. Документ рәсми хокукый мәгълүмат интернет-порталында чыкты.

Татарстан Милли китапханәсенә йөрүчеләр иң күбе Ринат Мөхәммәдиев, Зифа Кадыйрова, Фәүзия Бәйрәмова, Гаяз Исхакый китапларын өйләренә алып укыганнар.

Хаҗ документларын 15 апрельгә кадәр тапшырырга мөмкин. Шул ук датага кадәр түләү срогы да озайтылды, дип хәбәр итте «Хаҗ» ДУМ РТ» операторы генераль директоры Ранис Вахитов. Исегезгә төшерәбез, элек тапшыру вакыты 25 февральдә тәмамланган иде.

Татарстанда Дәүләт техник күзәтчелегенең республика буенча идарәсе хезмәткәрләре саны артты. Дәүләт гражданлык хезмәте вазифалары санын үзгәртү турындагы указны ТР Рәисе Рөстәм Миңнеханов имзалады.

Россия журналисты, сәясәтче, җәмәгать эшлеклесе Максим Шевченко Палестинаның Татарстан белән охшашлыгын билгеләп узды. «Палестина халкын бик яхшы беләм. Алар гаҗәеп халык - Татарстанга охшаш дияр идем. Палестинада мөселманнар һәм христианнар бер-берсенә дошманлык, нәфрәт тоймый. Алар үзен бер халык итеп тоя», – диде ул «Туган авылым» комплексында оештырылган ифтарда.

Татарстан Рәисе Рөстәм Миңнеханов Казан дәүләт казна дары заводында булды, анда җитештерү цехларын карады һәм предприятие хезмәткәрләре белән аралашты. Бу хакта республика җитәкчесе матбугат хезмәте хәбәр итә.

Сәясәтче, җәмәгать эшлеклесе, журналист Максим Шевченко фикеренчә, дөньяда халкы татулыкта яшәгән, киләчәккә ышаныч белән караган Татарстан кебек урыннар күп түгел. Ул бүген «Туган авылым» комплексында оештырылган ифтарга килгәч, шул хакта әйтте.

Татарстанның сайлау участокларында Россия Федерациясе Президентын сайлау көннәрендә 15, 16 һәм 17 мартта тавыш бирүчеләр арасында өч Lada Vesta автомобиле уйнатылачак. Бу хакта «Татар-информ»да узган матбугат конференциясендә Татарстан Республикасы Премьер-министры урынбасары Ләйлә Фазлыева хәбәр итте.

Казан вертолет заводы - Россиянең иң зур авиатөзелеш предприятиеләренең берсе һәм Татарстанның төп визит карточкаларының берсе. Бу хакта Татарстан Республикасы Рәисе Рөстәм Миңнеханов предприятие коллективы белән очрашуда әйтте.

Мәскәүнең Татар мәдәният үзәгендә яшьләр өчен «KeLKe кичәсе» булды. Аны Мәскәү татарлары автономиясе һәм «KeLKе» татар җәмгыяте оештырды, дип хәбәр ителә Мәскәү татарлары автономиясе сайтында.

«Россия вертолетлары» холдингы (ГК «Ростех») Дәүләт транспорт лизинг компаниясенә Казан вертолет заводында җитештерелгән биш Ми-8МТВ-1 вертолетын тапшыра. Предприятие территориясендә авиакомпанияләргә символик ачкычларны тапшыру тантанасында ТР Рәисе Рөстәм Миңнеханов, Коми башлыгы Владимир Уйба, Дәүләт транспорт лизинг компаниясе (ГТЛК ) генераль директоры Евгений Дитрих һәм Казан вертолет заводы генераль директоры Николай Яковлев катнашты. Бу хакта дәүләт корпорациясе сайтында хәбәр ителә.

11 марттан башлап бөтен Сибур бизнесының эксперт ярдәме үзәге Сибур-ТР «Казаноргсинтез» территориясе янында төзелгән һәм яңартылган бинада эшли. Үзәкне күчерү компаниянең Татарстанда заманча эш мохите булдыру буенча масштаблы программасының бер өлеше булып тора, ул җитештерү, фәнни һәм административ бүлекчәләрнең үзара нәтиҗәле бәйләнешен, шулай ук хезмәткәрләрнең катнашын тәэмин итәчәк. Яңартылган мәйданчыкны беренче эш көнендә Татарстан Рәисе Рөстәм Миңнеханов, идарә рәисе, СИБУР генераль директоры... Читать дальше...

«Нурлы ислам» проекты төркеме Рамазан аеның һәр көнендә берәр мәчет манарасына утлар куярга җыена. Шулай ук, 30 көн эчендә 30 мәчетнең тарихын социаль челтәрләрдәге төркемдә чагылдырып барырга җыеналар.

Россиядә булачак Президент сайлауларында Владимир Путинны гражданнарның 82 проценты сайларга әзер. Шул ук вакытта тавыш бирүгә килүчеләр саны 71 процентны тәшкил итә. Мондый мәгълүматлар Бөтенроссия җәмәгатьчелек фикерен өйрәнү үзәгенең (ВЦИОМ) электораль хисабында китерелгән.

Татарстанда яшәүче 70 меңгә якын кеше «Мобиль сайлаучы» сервисы аша Россия Президентын сайлауда катнашу өчен гариза биргән. Гаризаларның күпчелеге дәүләт хезмәтләре порталы аша килде, диелә ТР Үзәк сайлау комиссиясенең телеграм-каналында.

Россия Президентын сайлау өчен чит илләрдә 295 сайлау участогы ачылды. Алар дөньяның 144 илендә урнаштырылды. Бу хакта РФ Үзәк сайлау комиссиясе әгъзасы Павел Андреев хәбәр итте.

Узган 6 елда Россиядә эшсезлек күрсәткече 20 процентка кимегән. Бу мәгълүмат белән Россия вице-премьеры Татьяна Голикова «Россия» күргәзмә-форумында Һөнәрләр фестивалендә бүлеште.

Эшмәкәр Рәмзия Хәлимдарова чәй җитештерү буенча гаилә эше турында сөйләде. Үләннәр җыю эшенә Балтач районы Чутай авылы халкын да җәлеп иткәннәр.