Новости за 10.03.2024

Балалар фольклор коллективлары арасында «Разноцветные потешки» фестиваль-бәйгесенә йомгак ясалды. Аксубай районында мәктәп укучылары арасында иң яхшы фольклорчылар билгеләнде. Бу хакта «Авыл таңнары» хәбәр итә.

Изге Рамазан башланыр алдыннан Саба районы мәчетләрендә белем бирүче мөгаллимәләр, абыстайлар Саба Җәмигъ мәчетенә очрашуга чакырылды. Бу хакта http://saby-rt.ru/ хәбәр итә.

Әлмәт районы Тимур Нагуманов приютның эшен бәяләде һәм ярдәмгә мохтаҗлар белән әңгәмә үткәрде. Бу хакта «Әлмәт таңнары» хәбәр итә.

Азнакайда район башлыгы кубогына ярышлар Әгерҗе авылы буасында узды. Узышларны ачу тантанасында район башкарма комитеты җитәкчесе Айдар Шәмсетдинов та катнашып, спортчыларга, аларны әзерләгән тренерларга уңышлар теләде. Бу хакта «Азнакай» сайтында хәбәр ителә.

Бүген Байлар Сабасында өстәл теннисы буенча халыкара ярышларны һәм спортның бу төре буенча XXII ачык шәхси-команда республика ярышларын ябу тантанасы узды. Анда Татарстан Республикасы Рәисе Рөстәм Миңнеханов, Россия Федерациясе Президенты ярдәмчесе һәм Россия Олимпия комитетының беренче вице-президенты Игорь Левитин, Татарстан Республикасы Саба районы башлыгы Рәис Миңнеханов катнашты, дип хәбәр итә республика җитәкчесе матбугат хезмәте.

Махсус хәрби операция зонасында катнашучылар һәм Казан югары танк хәрби училищесы курсантлары арасында телекүпер узды. Бу хакта Россия Саклану министрлыгы хәбәр итә.

Машина йөртүчеләр тарафыннан да, җәяүлеләр тарафыннан да юллардагы ваемсызлык аяныч нәтиҗәләргә китерә, дип билгеләп үтәләр Казан Дәүләт автоинспекциясендә. Ведомство хезмәткәрләре җәяүлеләр катнашындагы юл-транспорт һәлакәтләренең төп сәбәпләрен атады.

Россиядә телефон мошенниклары алдауның яңа схемасын уйлап тапкан: хәзер алар үз корбаннарына медицина хезмәткәрләре булып шалтырата һәм начар анализларга сылтама ясап, «түләүле дәвалану» үтәргә тәкъдим итәләр. Бу хакта «Российская газета» хәбәр итә.

2026 елда Чаллының 400 еллыгы бәйрәм ителәчәк. Археолог, Шиһабетдин Мәрҗани исемендәге Тарих институтының өлкән фәнни хезмәткәре, тарих фәннәре докторы Искәндәр Измайлов әлеге датаны бәйрәм итүгә карата үз фикерен белдерде.

Узган җомгада, Халыкара хатын-кызлар көнендә, «Бердәм Россиянең Яшь гвардиясе» Татарстан бүлекчәсе активистлары һәм «Волонтерлар ротасы» активистлары Лисичанскида яшәүчеләрне бәйрәм белән котладылар.

Новосибирскида «Яз нуры» татар кызлары бәйгесе оештырылды. Бу хакта Новосибирск татарларының Вконтакте социаль челтәрендәге битендә хәбәр ителә.

Өч миллионнан артык россияле дәүләт хезмәтләре порталында «Мобиль сайлаучы» сервисыннан файдаланган. Бу хакта Россия Федерациясенең Цифрлы үсеш, элемтә һәм массакүләм коммуникацияләр министрлыгы матбугат хезмәтендә хәбәр иттеләр, дип яза «Российская газета».

Яңа УАЗ машинасы Татарстанның Биектау районыннан махсус хәрби операция зонасына юл алды. Машинаны сатып алырга ярдәм итүне сорап, хәрбиләр «Үзебенекеләрне ташламыйбыз» волонтерлык хәрәкәтенә мөрәҗәгать иткәннәр. Татарстанда яшәүче бер кеше шунда ук бу үтенечкә җавап биргән.

Бүген, 10 мартта, кояш баю белән, изге Рамазан ае керә. Шулай итеп, мөселманнар өчен иң кадерле һәм мөбарәк булган 30 көн һәм төн җитә. Татарстан мөфтие Камил Сәмигуллин халыкны ихластан тәбрик итә. Аның мөрәҗәгате Диния нәзарәте сайтында чыкты.

Журналист Павел Зарубин үзенең телеграм-каналында Россия Президенты Владимир Путинның «кухнясына» багышланган яңа видео чыгарган. Роликта дәүләт башлыгының Ставрополь краеның Солнечнодольск бистәсенә сәфәреннән кадрлар күренә, анда ул «Солнечный дар» теплица комплексы хезмәткәрләре белән аш өстәле артында очраша.

Бүген Ульяновск шәһәренең Засвияжье районында урнашкан Ислам мәдәният үзәгендә эшләп килүче татар теле курсларына йөрүче балалар өчен «Әлифба» бәйрәме үтте. Бу хакта Ульяновскида чыгучы «Өмет» газетасының телеграм-каналында хәбәр итәләр.

10 марттан 11 мартка каршы төндә изге Рамазан ае башлана, бу чорда дин тотучылар ашаудан һәм су эчүдән тыела, догалар укый һәм изге эшләргә аерым игътибар бирәләр, дип сөйләде РИА Новостига Россия Мөфтиләр шурасы рәисенең беренче урынбасары, Россия мөселманнары Диния идарәсе рәисе урынбасары Рушан Аббясов.

Түбән Каманың 13нче балалар бакчасы хезмәткәрләре махсус операция зонасындагы хәрбиләр өчен гуманитар ярдәм җыю оештырды.

Роскомнадзорның Татарстан буенча идарәсе җитәкчесе Юрий Никитинга икенче класслы дәүләт киңәшчесе дәрәҗәсе бирелде. Бу хакта Россия Премьер-министры Михаил Мишустин имзалаган Хөкүмәт карарында әйтелә.

Татарстан районнарында 13 мәктәп, балалар бакчасы һәм башка объектларны ремонтлауга 179,5 млн сум акча юнәлдереләчәк. Тиешле тендер дәүләт сатып алулары порталында урнаштырылган.

Татарстан Премьер-министры урынбасары — Татарстан Республикасы икътисад министры Мидхәт Шаһиәхмәтов Республиканың геодезия һәм картография хезмәткәрләрен һөнәри бәйрәмнәре белән котлады.

2024 елның гыйнварында Татарстанда яшелчәләр декабрь белән чагыштырганда 23 процентка кыйммәтләнгән. Узган елның гыйнварына карата бәяләр 26,4 процентка күтәрелде. Бу хакта Татарстанстат тарафыннан әзерләнгән Татарстан Республикасының Социаль-икътисади хәле турындагы докладта әйтелә.

Татарстанда якшәмбе көнне аязучан болытлы һава торышы көтелә. Республиканың Гидрометеорология үзәге хәбәр иткәнчә, бераз кар яварга мөмкин.

Питрәч районы Ленино-Кокушкино авылында яшәүче Наталья Юрина бер ел элек «ОсобыйЖеРебенок» адаптив ат спорты һәм иппотерапия үзәге ачкан, бу адымга аны сәламәтлеге ягыннан мөмкинлеге чикле кызы Меланья этәргән. Әлегә үзәк эшчәнлеген Казан ипподромында алып бара, язын Юриннар Ленино-Кокушкино авылындагы үзләренең җир участогында ат абзары төзергә планлаштыралар. Бу хакта «Алга» сайтында хәбәр ителә.

Мөслим районы башлыгы Альберт Хуҗин Халыкара хатын-кызлар көне уңаеннан махсус хәрби операциядә катнашучыларның якыннары белән очрашты. Анда махсус хәрби операциядә катнашучы егетләрнең әниләре, тормыш иптәшләре чакырылган иде. Бу хакта «Авыл утлары» хәбәр итә.