Новости за 20.03.2024

Чаллы мэры Наил Мәһдиев «Мәдәният һәм ял паркы» муниципаль предприятиесендә ремонт эшләре барышы, махсус техникага хезмәт күрсәтү белән танышты. Ул шулай ук чәчәкләр үстерүчеләр белән очрашты. Җитештерү һәм продукция сату бүлеге башлыгы Елена Чемерчева белән сөйләште. Бу хакта «Шәһри Чаллы» хәбәр итә.

Төркиядә яшәп иҗат итүче журналист, язучы Айзирәк Гәрәева-Акчура әйтүенчә, ХХ гасырда Төркия газеталарында язучы, җәмәгать эшлеклесе Гаяз Исхакыйның романнары басылып чыккан булган.

Казанда узган «Киләчәк уеннары»нда дисциплиналар арасында волейбол юк иде, гәрчә ул спортның иң популяр төрләренең берсе. ТР Волейбол федерациясе президиумының киңәйтелгән утырышында оешма президенты, ТР Дәүләт Советы Рәисе Фәрит Мөхәммәтшин бу ситуацияне төзәтү өчен йөкләмә бирде.

«Росатом» атом энергиясе буенча дәүләт корпорациясе Бөтендөнья яшьләр фестивале программасы кысаларында Төньяк полюска экспедициядә катнашачак экспертларны сайлап алды. Татарстан Республикасыннан Анастасия Захарова конкурста җиңүчеләр рәтенә керде. Бу турыда Татарстан Яшьләр эшләре министрлыгы хәбәр итә.

Татарстанның танылган спорт эшлеклеләре Россия Президентын сайлауларда актив катнашты. Бу хакта ТР Волейбол федерациясе президиумының киңәйтелгән утырышында оешма башлыгы, ТР Дәүләт Советы Рәисе Фәрит Мөхәммәтшин хәбәр итте.

18 мартта Казанда «Ел укытучысы» Бөтенроссия конкурсының төбәк этабы башланды. Бу турыда Татарстан Мәгариф һәм фән министрлыгы хәбәр итә.

Владимир Путин төрле ситуациягә әзер һәм үз карарларын ныклы ышаныч белән кабул итә - Россиягә мондый ышаныч кирәк. Бу хакта URA.RU белән әңгәмә вакытында РФ Президентын сайлауларда дәүләтнең хәзерге башлыгы җиңүен шәрехләп Татарстанның Дәүләт киңәшчесе Минтимер Шәймиев әйткән.

Татарстан Республикасы Рәисе Рөстәм Миңнеханов ярдәме белән республиканың барлык шәһәр һәм районнары волейбол белән дә шөгыльләнеп була торган заманча универсаль спорт заллары белән тәэмин ителгән. 300гә якын шундый объектының 17се соңгы дүрт елда төзелгән. Бу хакта ТР Волейбол федерациясе президиумының киңәйтелгән утырышында аның президенты, ТР Дәүләт Советы Рәисе Фәрит Мөхәммәтшин хәбәр итте.

Төмәннең «Яңарыш» газетасында Римма Умитбаеваның «Татар көйләр - моңлы көйләр» җыентыгы чыкты» дигән язмасы басылды.

Свердловск өлкәсендә тематик ифтарлар уздыру матур традиция булып оешкан. Быел тематик ифтарлар сезоны татар киче белән ачылган. Бу хакта Россия мөселманнары Дини җыены Үзәкләштерелгән дини оешмасы сайтында хәбәр итәләр.

Бүген «Татмедиа» акционерлык җәмгыятендә матбугат вәкилләре, язучылар өчен ифтар узды. Анда «Татмедиа» акционерлык җәмгыятенә кергән редакцияләрдән тыш, «Яңа Гасыр» телерадиокомпаниясе, «Татарстан» радиосы, шәхси басмалардагы журналистлар да катнашты.

Россия Президенты Владимир Путин, авылның һәм анда эшләүче кешеләрнең Россия өчен нинди әһәмияткә ия булуын онытырга ярамый, дип белдерде. Ил аларның гаҗәеп уңышлары белән горурлана, диде ул. Бу хакта «РИА Новости» хәбәр итә.

Гаилә елында Татарстан Республикасы Хезмәт, халыкны эш белән тәэмин итү һәм социаль яклау министрлыгы балалы гаиләләргә социаль ярдәм чараларын үстерү һәм камилләштерүгә юнәлдерелгән чаралар үткәрә һәм программалар гамәлгә ашыра. Бу хакта бүген Төбәк белән идарә итү үзәгендә туры эфирда ведомство башлыгы Эльмира Зарипова хәбәр итте.

Авылда яшәп беренче һәм өченче бала табучы Татарстан хатын-кызларына бер тапкыр түләнә торган түләүләр төбәккә беренче бала табу буенча күрсәткечләрне тулаем алганда 39 проценттан да ким булмаган дәрәҗәдә саклау мөмкинлеге бирә. Бу хакта бүген Төбәк белән идарә итү үзәгендә туры эфирда Татарстан Республикасының хезмәт, мәшгульлек һәм социаль яклау министры Эльмира Зарипова хәбәр итте.

Зеленоград шәһәре татарлары автономиясе җитәкчесе һәм активистлары «Игелеклелек атлары» ассоциациясе белән берлектә инвалид балалар һәм әти-әниләр өчен хәйрия чарасы уздырган. Ул Май чабу – Масленица бәйрәменә багышланган. Бу хакта Мәскәү татарлары милли-мәдәни автономиясе төбәк җәмәгать оешмасы сайтында хәбәр итәләр.

23 мартта 14.00 сәгатьтә Новосибирск шәһәренең Г.В. Заволокин исемендәге милли мәдәниятләр йортында «Татар кызы-2024» өлкә конкурсы узачак. Бу хакта «Новосибирск өлкә татар мәдәният үзәге» дәүләт бюджет мәдәният учреждениесенең «ВКонтакте» социаль челтәрендәге төркемендә хәбәр итәләр.

Россия һәм Татарстанда тормыш сыйфаты, демография һәм гаиләләрнең иминлеге мәсьәләләре аеруча актуаль. Әлеге мәсьәләләргә һәрьяклап дәүләт ярдәме күрсәтелә. Бу хакта бүген Төбәк белән идарә итү үзәгендәге туры эфирда ТР хезмәт, мәшгульлек һәм социаль яклау министры Эльмира Зарипова хәбәр итте, дип яза «Татар-информ» хәбәрчесе Наталья Рыбакова.

Самараның «Бердәмлек» газетасында Эльмира Шәвәлиеваның «Әле дә син бар идең дөньяда…» дигән язмасы чыкты.

ТР мөселманнары Диния нәзарәтенең «Зәкят» хәйрия фондында аз керемле гаиләләрдә тәрбияләнүче балаларга робототехника буенча бушлай дәресләр оештыру өчен акча җыю буенча акция старт алды. Робототехника түгәрәкләре мәктәп укучылары арасында популяр. Ләкин алар кыйммәт булу сәбәпле, аларга теләгән һәркем йөри алмый. Ә «Зәкят» хәйрия фонды йортында алар түләүсез булачак. Бу хакта ТР Диния нәзарәте матбугат хезмәте хәбәр итә.

Бүген, 20 мартта, «Ялкын» журналы үзенең туган көнен билгеләп үтә.

1924 елның 20 мартында — нәкъ 100 ел элек «Ялкын»ның, ул вакытта «Кечкенә иптәшләр» журналының беренче саны чыга.

Президент сайлауларының беренчел нәтиҗәләре буенча, Владимир Путин ышанычлы җиңү яулый. Бу Россия халкының бердәнбер дөрес карары, дәүләтнең гамәлдәге башлыгына альтернатива юк. Казан шәһәр Думасы депутаты Рушан Минһаҗев «Татар-информ»га шундый фикер әйтте.

Татарстан Фәннәр академиясенең Мансур Хәсәнов исемендәге Татар энциклопедиясе һәм төбәкне өйрәнү институтының гыйльми сәркатибе, композитор, Татарстанның атказанган сәнгать эшлеклесе Эльмира Галимова «Кол Шәриф» операсын зур сәхнәдә күрергә теләвен әйтте.

Федераль Җыенга юллама барышында билгеләнгән барлык бурычлар финанслар белән тәэмин ителгән һәм үтәлергә тиеш. Бу хакта дәүләт башлыгы Владимир Путин президентлыкка кандидат буларак үзенең ышанычлы затлары белән очрашуында белдерде, дип хәбәр итә ТАСС.

Кызыл мәйдандагы Җиңү парадында 9 меңнән артык кеше катнашачак, шул исәптән махсус хәрби операциядә катнашучылар, 75 корал һәм хәрби техника берәмлеге, авиация булачак. Бу хакта Саклану министрлыгы башлыгы Сергей Шойгу ведомство коллегиясендә сөйләде, дип хәбәр итә РИА Новости.

Композитор, Габдулла Тукай дәүләт премиясе лауреаты Фәрит Яруллинның 110 еллыгына багышлап, аның туган көнендә Татарстан Милли музее филиалы – Салих Сәйдәшев музее мөдире Айдар Әхмәдиев «Билгесез «Шүрәле»: Фәрит Яруллин музыкасы нинди серләр яшерә?» дип исемләнгән лекция сөйләде.