Новости за 17.03.2024

Ураза вакытында Равил Җәләлиев гаиләсе ел саен Кошман, Олы Кайбыч авылларының ураза тотучылары өчен ифтар мәҗлесе үткәреп килә. Бу хакта «Кайбыч таңнары» хәбәр итә.

Татарстан Рәисе Рөстәм Миңнеханов «Ак Барс Арена» стадионында «Гаилә белән сайлыйбыз» фестивалендә чыгыш ясады. Ул Россия Президентын сайлауда тавыш биргән сайлаучыларга рәхмәтен белдерде.

Татарстанда Россия Президентын сайлауда тавыш бирүнең өченче көненә нәтиҗә ясадылар. 18.00 сәгатькә Президентка кандидатлар өчен 81,47 процент кеше тавыш биргән: Казанда – 69,27 процент, Чаллыда – 81,75 процент кеше. Бу хакта ТР Үзәк сайлау комиссиясе рәисе Андрей Кондратьев тавыш бирү нәтиҗәләренә багышланган брифингта әйтте.

Яңа Чишмә районындагы бердәнбер Бөек Ватан сугышы ветераны Григорий Быков Россия Президенты сайлауларда өендә тавыш бирде. Бу хакта «Яңа Чишмә хәбәрләре» газетасы яза.

«Гаилә белән сайлыйбыз!» республика бәйгесендә «Иң күп санлы гаилә» номинациясендә махсус бүләкне Наталья Зиннурова отты. Җиңүчегә кухня машинасын тапшырачаклар дип хәбәр итә оештыручылар «ВКонтакте» төркемендә.

Бүген 60 яшендә Татарстан Республикасы прокуратурасы пенсионеры Рамил Хәлиуллин вафат булган. Бу хакта республика Прокуратурасының матбугат хезмәте хәбәр итә.

ФОМ уздырган экзитпол (Exit-pool) - сайлаучылардан сайлау участоклары янында сорау алу нәтиҗәләре буенча, президент сайлауда Владимир Путин 87,8 процент тавыш җыйган.

Өч көн дәвамында, 15 марттан 17 мартка кадәр узган Президент сайлауларында Татарстанда тавыш бирүчеләр саны 81,47 проценты тәшкил иткән. Бу мәгълүматларны Татарстан Үзәк сайлау комиссиясе рәисе Андрей Кондратьев әйтте.

Бүген кичке сигездә, ТНВда «Гаилә белән сайлыйбыз» телемарафоны туры эфирында өченче Lada Vesta автомобилен уйнаттылар. Гаилә елы уңаеннан уздырылган фотобәйге нәтиҗәләрен Артур Кортес әйтте.

Россия Президентын сайлауларда Татарстанда уздырылган экзит-пул нәтиҗәләре буенча Владимир Путинның 89 процент тавыш җыюы билгеле булды. Татарстан Республикасында «Диалог Төбәкләр» җәмгыятенең аерым бүлекчәсе җитәкчесе Марсель Гыйльмиев нигә татарстанлыларның Путинга күпләп тавыш бирүе турында фикерен белдерде. Ул бу хакта «Татмедиа»да Россия Президентын сайлауның бердәм мәгълүмат үзәгендә узган матбугат конференциясендә сөйләде.

«Беренчеләр хәрәкәте»нең Казан бүлеге җитәкчесе, Татарстан Дәүләт Советы депутаты Динар Бариев гаиләсе белән Казандагы 70 нче сайлау участогында президент сайлауларында тавыш бирде. Бу хакта «Татарстан Республикасы» газетасы яза.

Иҗтимагый күзәтү үзәге Россия Президентын сайлауның өч көнендә тавыш бирү нәтиҗәләренә йогынты ясый алырлык хәбәрләр теркәмәгән. Бу хакта журналистларга ТР Иҗтимагый палатасы рәисе Зилә Вәлиева сөйләде.

Россия Президентын сайлаулар төгәлләнде. «Татмедиа»да Россия Президентын сайлауның бердәм мәгълүмат үзәгендә Татарстанда сайлау буенча экзит-пул нәтиҗәләре белән таныштырдылар. Политехнолог Владимир Утилов Татарстанда күрсәткеч ил буенча югарырак булуын әйтте.

«Татмедиа» Республика матбугат һәм массакүләм коммуникацияләр агентлыгы җитәкчесе Айдар Сәлимгәрәев сайлауларны гаилә бәйрәме буларак кабул итүне кире кайтарабыз, диде. Ул ТНВда узган «Гаилә белән сайлыйбыз» телемарафонына килеп, Татарстан Республикасы Рәисе Администрациясе җитәкчесе Әсгать Сәфәров белән бергә марафонның барышы белән танышты.

Түбән Кама районында Россия Президенты сайлауларына династияләр белән килүчеләр бар. Сухарево авылында сайлау участогына Фроловлар гаиләсенең биш буын әгъзасы тавыш бирергә килгән.

Россия Президентын сайлаулар тәмамланды. Татарстан үткәрелгән экзит-пул нәтиҗәләре буенча, илнең хәзерге Президенты, кандидатларның берсе Владимир Путин 89 процент тавыш җыйды. Бу хакта «Татмедиа»да Россия Президентын сайлауның бердәм мәгълүмат үзәгендә узган матбугат конференциясендә хәбәр иттеләр.

Россия Президенты сайлауларының чит ил күзәтүчеләре һәм экспертлары Россиядә иң заманча, үтә күренмәле, яхшы оешкан һәм иң демократик сайлаулар дип бәяләделәр.

Татарстанның Кукмара районында яшәүче пар ЗАГСта никахларын теркәгәннән соң Россия Президенты сайлауларда тавыш бирү өчен сайлау участогына килгән. Бу хакта «Хезмәт даны» газетасы яза.

Президент сайлауларының ахыргы көнендә Ютазы районының Каракашлы авылында яшәүче 100 яшьлек Фәүзия Хәлиуллина да үз тавышын бирде. Ул дөньяда тынычлыкны саклау өчен бөтен чаралар да күрелсен, дип теләде.

Татарстанда Россия Президентын сайлауга килүчеләр саны 18:00 сәгатьтә 80 проценттан артып китте. Бу хакта үзләренең Телеграм-каналда Татарстан Үзәк сайлау комиссиясе хәбәр итте.

Социаль челтәрләрдә унике сәгать дәвам иткән «Гаиләбез белән - сайлауларга» телемарафонын 73,3 меңнән артык кеше караган. Бу хакта «Татарстан - Яңа гасыр» телерадиокомпаниясе хәбәр итә.

Ленинград камалышы вакытында эвакуацияләнгән сугыш ветераны, хәзер Казанның Мәскәү районында яшәүче Людмила Хитрина Россия Президенты сайлауларында тавыш бирде. Сайлау комиссиясе әгъзалары аның өенә килделәр, дип хәбәр итә шәһәрнең Киров һәм Мәскәү районнары хакимиятенең матбугат хезмәте.

Татарстанның туризм буенча Дәүләт комитеты җитәкчесе Сергей Иванов Спас районында булды, анда ул РФ Президенты сайлауларында тавыш бирүдә катнашты. Ведомство башлыгы үз сайлау участогында түгел, ә Болгарда гражданлык бурычын үтәргә карар итте, дип яза «Новая жизнь» газетасы.

ТР Премьер-министры урынбасары - Татарстан икътисад министры Мидхәт Шаһиәхмәтов Түбән Камада РФ Президентын сайлауда катнашты. Сәясәтче үз тавышын 38нче лицейның сайлау пунктында бирде, дип яза Республика Икътисад министрлыгының матбугат хезмәте.

Россия Президенты Владимир Путин салым законнарына үзгәреш кертергә боерды. Әлеге үзгәрешләр буенча, махсус хәрби операциядә катнашучылар һәм аларның гаиләләре физик затларның милеккә салымнан азат ителә. Дәүләт башлыгының махсус операциядә катнашучы студентлар белән очрашу йомгаклары буенча расланган йөкләмәләр исемлеге Кремль сайтында чыккан.