Новости за 18.03.2024

Балтачта ир-атлар өчен ифтар мәҗлесе булды. Бу хакта «Хезмәт» сайтында хәбәр ителә.

Түбән Новгород өлкәсендәге Мәдәнә авылының 1992 елда нигез салынган «Рәшидә» мәчетенә алтынсу төстәге 3 яңа ярымай куелды. Бу хакта Мәскәү Диния нәзарәтенең Вконтакте социаль челтәрендәге битендә хәбәр ителә.

Хөкүмәт төбәкләр буенча социаль өлкәдә хезмәт хакын тигезләү мәсьәләсе белән актив шөгыльләнә башлаячак. Бу сорау Федераль Җыенга юлламада куелган иде инде, дип белдерде Россия Президентына кандидатлар белән очрашуда дәүләтнең хәзерге башлыгы Владимир Путин.

20 мартта «Казан Кремле» музей-тыюлыгында «Ясәви мирасы һәм борынгы Төркестан» күргәзмәсе ачылачак. Ул танылган ислам динен таратучы, XII гасыр шагыйре һәм фәлсәфәчесе фигурасына багышланган.

Россия Президенты постына кандидатлар сайлау кампаниясе барышында һәрберсе үз юлын үтте. Индивидуаль алымнарга карамастан, алар барысы да дәүләт үсешенең уртак максатларына ирешергә омтыла, дип ышана Россия Президенты Владимир Путин.

Быел «Зур формадагы иң яхшы спектакль» номинациясендә «Тантана» премиясенә Әлмәт театрынаң «Ат карагы», Камал театрының «Дуслар җыелган җирдә», Әтгә театрының «Ай тотылган төндә» һәм Чаллы театрының «Сихерче» спектакльләре дәгъва итә.

Тышкы янауларга карамастан, Россия Президенты сайлауларында тавыш бирүнең беренчел нәтиҗәләре кешеләрнең моңарчы күрелмәгән берләшүен дәлилли. Бу хакта Татарстан үзәк сайлау комиссиясе рәисе Андрей Кондратьев ТР үзәк сайлау комиссиясенең 42 утырышында белдерде.

Мәскәү татарлары автономиясенең яшьләр хәрәкәте, «Яшьләр» берләшмәсе Татарстан Республикасы тулы вәкаләтле вәкиллеге каршындагы Яшьләр советы ярдәме белән Татар мәдәни үзәгендә яшьләр ифтары уздырды. Бу хакта Мәскәү татарлары автономиясе матбугат хезмәте хәбәр итә.

«Таткрафт»ның дүртенче турниры старт алды. Катнашучылар «чишмә башына әйләнеп кайтачак» һәм зур шәһәрләр урынына Татарстан районнарының объектларын төзи башлаячак. Бу турында «Миллиард.Татар» редакциясе сөйләде.

Россия Президентын сайлау нәтиҗәсе күпмилләтле халыкның илебезгә каршы санкцияләргә һәм агрессиягә каршы җавабы булып тора. Бу хакта «Татар-информ»га узган президент сайлаулары нәтиҗәләрен шәрехләп, РФ Дәүләт Думасы депутаты Әлфия Когогина белдерде.

Татарстанда тикшерү изоляторларында тотылучылар Россия Президентын сайлауларда катнашты. Бу хакта «Татар-информ»га ведомство матбугат хезмәтендә сөйләделәр.

Согуд Гарәбстанының Әл Хубар шәһәрендә «Татарча ифтар» кичәсе булган.

«Согуд Гарәбстанында мондый кичәләр еш булмый иде. «Татарча ифтар» - ифтар форматында беренче зур җыелыш. Татарлар гаиләләре белән җыелды, 45кә якын кеше катнашты. Программада балаларга уеннар уйнаттык (аркан тартышу, чүлмәк вату һ.б), таныштык, сөйләштек, табын кордык. Шулай ук, хәзрәт Коръән укыды, вәгазь сөйләде, күмәкләшеп намаз укыдык», - диде «Татар-информ» хәбәрчесенә гарәп илләрендә яшәүче татарлар берләшмәсе рәисе, блогер Әлфия Бәдретдинова. Читать дальше...

Татарстанда Россия Президентын сайлаулар тыныч шартларда узды, бәхәсле хәлләр һәм хокук бозулар турында шикаятьләр булмады. Кешеләр сайлау участокларына ышанычлы рәвештә килделәр. ТР Иҗтимагый палатасы рәисе Зилә Вәлиева «Татар-информ»га өч көнлек сайлаулар нәтиҗәләре турында шундый фикерен белдерде.

«НәфисКосметикс» хезмәткәрләре ашханәдә төшке аш ашаганнан соң агуланган. Бу хакта «Татар-информ»га Кулланучылар хокукларын яклау һәм кеше иминлеге өлкәсендә күзәтчелек буенча федераль хезмәтнең (Роспотребнадзор) ТР буенча идарәсендә сөйләделәр.

Чаллыда махсус хәрби операция катнашучылары дәвалану һәм тернәкләнү уза. Бу елның башыннан сугыш ветераннары өчен госпитальнең стационары һәм поликлиникасында 70 артык хәрби хезмәткәргә медицина ярдәме күрсәтелде. Алар белән мультидисциплинар бригада эшли. Бригада тар белгечләр дә керә.

Әлмәттә боз катламы төшү аркасында зыян күргән биш айлык бала нейрохирургия бүлегендә күзәтү астында, аның тормышына куркынычы янамый. Бу хакта Әлмәт муниципаль районы сәламәтлек саклау идарәсе җитәкчесе Ренат Шакиров хәбәр итте.

Фәннәр Академиясенең М.Хәсәнов исемендәге Татар энциклопедиясе һәм төбәкне өйрәнү институтында гыйльми сәркатибе, композитор, Татарстанның атказанган сәнгать эшлеклесе Эльмира Галимова «Кол Шәриф» операсын язу үзенчәлекләре турында сөйләде.

Россия Президенты сайлаулары Участок сайлау комиссияләренең 100 процент беркетмәсен эшкәртү нәтиҗәләре буенча дәүләтнең хәзерге башлыгы Владимир Путин 87,28 процент тавыш җыйды. Бу хакта Үзәк сайлау комиссиясе мәгълүматлары сөйли.

29 мартта «Казан Экспо» халыкара күргәзмә залында XII Республикакүләм ифтар узачак. Татарстан Диния нәзарәте аппараты җитәкчесе Ирек Арсланов үзләренә тиешле күләмнән артыграк ризыкны алып китүчеләрдән этикет кагыйдәләрен үтәүне сорады.

Якын көннәрдә Татарстанда явым-төшемсез һава торышы көтелә. Төннәрен элеккечә салкын булачак, аның каравы көндез термометр баганалары нульдән югарыга менәчәк. Бу хакта ТР Гидрометүзәге хәбәр итә.

Татарстан Республикасы 2023 елда тармакларда хезмәт хакы дәрәҗәсе буенча Россия төбәкләре арасында 30 урынны яулады. Тикшерүне РИА Новости экспертлары үткәрде.

Салым салуның гадиләштерелгән системасын кулланучы салым түләүчеләр 2023 ел өчен еллык салым декларациясен оешмалар өчен – 2024 елның 25 мартыннан, ә шәхси эшкуарлар өчен 2024 елның 25 апреленнән дә соңга калмыйча тапшырырга тиеш. Бу хакта ТР Финанс министрлыгында хәбәр иттеләр.

29 мартта «Казан Экспо» халыкара күргәзмә залында XII Республикакүләм ифтар узачак. «Туган авылым» милли-туристик комплексны хуҗасы Радик Абдрахманов «Татар-информ» мәгълүмат агентлыгында оештырылган матбугат очрашуында ифтарда тәкъдим ителәчәк азык-төлек турында сөйләде.

РФ Хөкүмәте Рәисе урынбасары Марат Хөснуллин россиялеләрне Кырымның Россиягә кушылу көне белән тәбрик итте.

Тавышларны рәсми төстә санау әле тәмамланмаса да, чит илләрнең лидерлары Россиянең гамәлдәге Президенты Владимир Путинны дәүләт башлыгын сайлауда җиңүе белән тәбрик итәргә кереште.