Новости за 04.03.2024

Зәйнең Тынычлык бистәсе хатын-кызлары махсус хәрби операциядә зонасына җибәрү өчен мәчеткә җыелып токмач кисте. Бу хакта «Зәй яңалыклары» хәбәр итә.

2023 елның беренче тугыз ае нәтиҗәләре буенча Татарстан белән Казахстан арасында товар әйләнеше 37 процентка артып, 642 млн АКШ долларына җиткән. Бу хакта Татарстан Республикасы Рәисе Рөстәм Миңнеханов Казахстан парламенты Мәҗлесе Рәисе Ерлан Кошанов белән очрашуда белдерде, дип хәбәр итә республика җитәкчесе матбугат хезмәте.

Россия Хөкүмәте күп балалык өчен бүләкләнүчеләргә түләүгә 30 миллион сумнан артык акча бүлеп бирү турында күрсәтмә бастырды, мондый бүләкләүне алучыларның минималь санын ачыклады. Бу хакта РИА Новости хәбәр итә.

Мамадыш районы Югары Кыерлы авылыннан Булат Газизов Мәскәүгә киткән булган, тик туган авылына кире кайткан һәм авыл хуҗалыгы кооперативы ачкан. Фермер Бөтенроссия татар авыллары эшмәкәрләре җыенында катнаша.

Татарстан Диния Нәзарәтендә Рамазан аен үткәрү тәртипләренә багышланган матбугат очрашуында Диния нәзарәтенең «Зәкят» хәйрия фонды җитәкчесе Булат Мәрданов Казанда укучы Газа секторыннан булган студентларга ярдәм итүләре турында сөйләде.

Бүген көндез Казанда Марсель Сәлимҗанов урамындагы Саклык банкы бүлегенең керү юлындагы корылмасы җимерелгән. Урында төшерелгән фотолар социаль челтәрләрдә чыкты.

Татарстан Диния нәзарәтенең «Зәкят» хәйрия фонды җитәкчесе Булат Мәрданов Рамазанда ким дигәндә 500 азык-төлек тупланмасын таратырга планлаштыруларын әйтте.

Мурманск өлкәсе эшмәкәре Раил Биккиняев Яшел Үзән районында «Рәхәт» авыл хуҗалыгы комплексы төзергә тели. Бу хакта ул Бөтенроссия татар авыллары эшмәкәрләре җыенының дискуссия мәйданы эше барышында әйтте.

Бүген Казанга Казахстан Республикасы парламенты Мәҗлесе (аскы палата) рәисе Ерлан Кошанов җитәкчелегендәге делегация эш сәфәренә килде. Казахстан парламентарийларын Габдулла Тукай исемендәге «Казан» халыкара аэропортында Татарстан Дәүләт Советы Рәисе Фәрит Мөхәммәтшин каршы алды. Бу хакта Татарстан Дәүләт Советы матбугат хезмәте хәбәр итә.

Сишәмбе, 5 мартта Россия Президентының Татарстандагы кабул итү бүлмәсендә контракт буенча хәрби хезмәткә бару мәсьәләләренә багышланган «Туры элемтә» була.

Әстерхан өлкәсенең Нариман районы Кәменни (авт. – русча Линейное) авылыннан эшмәкәр Ринат Бикчураев кавын, карбыз үстерә һәм аларны эшкәртә. Беренче максат – үз мисалымда яшьләргә авылда да акча эшләп булуын күрсәтү, ди ул.

Татарстанда 10нчы сыйныф укучыларын хәрби әзерлек буенча биш көнлек җыенга җибәрәчәкләр. Бу хакта бүген Татарстан Министрлар Кабинетында брифингта республика яшьләр эшләре министры Ринат Садыйков хәбәр итте.

Татарстан мөфтиенең мөхтәсибәтләр эшчәнлеге буенча урынбасары Равил хәзрәт Зөфәров Татарстан Диния Нәзарәтендә Рамазан аен үткәрү тәртипләренә багышланган матбугат очрашуында Рамазан аенда оештырылачак төрле мәчетләрдәге ифтарларга эләгә алмаучы кешеләргә үпкәләмәскә киңәш итте.

Эшлекле дүшәмбедә Түбән Кама районы башлыгы Рамил Муллин Россия Президенты Владимир Путинның еллык юлламасын соңгы вакыттагы иң мөһим һәм әһәмиятле вакыйга дип атады.

Татарстанлыларның якынча 85 проценты мартта Россия Президентын сайлауга килергә әзер, шул ук вакытта 61 проценты һичшиксез катнашачагын белдерде. «Татар-информ» матбугат конференциясендә мондый социаль сораштыру мәгълүматлары белән социология фәннәре докторы, Казан федераль университетының Социаль-фәлсәфә фәннәре һәм массакүләм коммуникацияләр институты директорының фәнни эшчәнлек буенча урынбасары Мария Ефлова уртаклашты.

Мессенджер кулланучыларга Татарстан Фәннәр академиясе президенты, «Юл хәрәкәте иминлеге» дәүләт бюджет оешмасы директоры Рифкать Миңнеханов исеменнән ялган хәбәрләр килә. Бу хакта «Юл хәрәкәте иминлеге» дәүләт бюджет оешмасы матбугат хезмәте хәбәр итә.

Татарстан Диния нәзарәтенең «Зәкят» хәйрия фонды җитәкчесе Булат Мәрданов Казанда 30нчы автобус Рамазан ае уңаеннан бер көн бушлай йөриячәген әйтте.

Ханның образын, тарихи чыганакларга таянып, рәссам Илдус Мортазин тудырган.

5 мартта иртәнге сәгать 10да сайлаучыларның «Минем тавыш» онлайн-форумы эшли башлый. Шул вакытта Татарстан халкы Россия Президентын сайлауга кагылышлы сорауларын бирә алачак.

Синоптиклар сишәмбе, 5 мартта, Татарстанда явым-төшем көтелмәвен, әмма урыны белән төнлә һәм иртән томан төшәргә мөмкинлеге турында хәбәр итә. Иртән һава температурасы -6..-11 градуска кадәр төшә, әмма көндез -4..+1 градуска кадәр күтәреләчәк. Татарстан Гидрометеорология һәм әйләнә-тирә мохитне күзәтү үзәгендә 8 мартка кадәрге һава торышы турында белдерделәр.

Татарстан Диния нәзарәтенең «Зәкят» хәйрия фонды җитәкчесе Булат Мәрданов Татарстан Диния нәзарәтендә Рамазан аен үткәрү тәртипләренә багышланган матбугат очрашуында фондның эшчәнлеге һәм мохтаҗларга ярдәм итү ысуллары турында сөйләде.

Самара өлкәсе мөселманнарының төбәк Диния нәзарәте 2024 елның 20 мартында Изге Рамазан аенда Самара өлкәсе ифтар-мәҗлесе узачагы турында хәбәр итә. Аны уздыру «Солидарность Самара Арена» стадионында планлаштырылган (Демократик урамы, 57, 4нче керү урыны). Ифтар сәгать 17.00 сәгатьтә башлана. Бу хакта Самара татарлары сайтында хәбәр ителә.

Бүген Фикрәт Табиевның 96 еллыгын билгеләп үтәләр. Ул 20 елга якын КПССның Татарстан өлкә комитеты беренче секретаре булып эшләгән. Татарстан вице-премьеры - Татарстанның Россиядәге Тулы вәкаләтле вәкиле Равил Әхмәтшин Мәскәүнең Данилов зиратында аның каберенә чәчәкләр куйды. Бу хакта Татарстанның Россиядәге Тулы вәкаләтле вәкиллеге матбугат хезмәте хәбәр итә.

Татарстан мөселманнары Диния нәзарәтенең шәригать мәсьәләләре бүлеге башлыгы, Казан казые (шәригать хөкемдары) Булат Мөбәрәков Татарстан Диния Нәзарәтендә Рамазан аен үткәрү тәртипләренә багышланган матбугат очрашуында фитр, зәкят һәм фидия күләмен әйтте.

Чистайда ике малай кар белән капланган коега төшеп киткән. Тикшерүчеләр җинаять эше ачкан. Бу хакта Россия Тикшерү комитетының Татарстан буенча Тикшерү идарәсе җитәкчесенең өлкән ярдәмчесе Андрей Шептицкий хәбәр итә.