Новости за 23.03.2024

Казанда Россия Федерациясенең, ТАССРның атказанган урманчысы, галим, танылган урманчы Әхмәдулла Газизуллин хөрмәтенә мемориаль такта ачу тантанасы булды. Такта Казан дәүләт аграр университетының төп керү урыны янында урнаштырылган. Бу хакта http://saby-rt.ru/ хәбәр итә.

Кукмара районына «Мәдәни десант» төште: Әтнә, Балтач, Биектау, Питрәч, Саба, Теләче районнарының мәдәният-ял итү учреждениеләре хезмәткәрләренең методик семинары узды. Очрашу Югары Чура мәдәният йортында башланып китте. Бу хакта «Хезмәт даны» хәбәр итә.

Түбән Каманың «Бигеш» аэропортында намаз бүлмәсе ачылды. Намаз бүлмәсе пассажирлар өчен уңайлы, тыныч, җылы урында урнашкан. Бу хакта http://nkamsk-rt.ru/ хәбәр итә.

Балык Бистәсе районында «Педагогик хезмәткәрләргә һәм идарәче кадрларга ярдәм итүнең нәтиҗәле муниципаль механизмнары» темасына Татарстан Республикасы Мәгариф һәм фән министрлыгы коллегиясе узды. Бу хакта «Авыл офыклары» яза.

Депрессия – кешедә кәеф төшү, фикерләү һәм хәрәкәтләнү сәләте тоткарлану булган психологик какшау. Кеше үзен җәберләнгән итеп хис итә башлый, аның йокысы бозыла. Бу хакта Бехтерев исемендәге Республика клиник психиатрия хастаханәсе табиб-психотерапевты Татьяна Иванова «Татарстан-24» каналында әңгәмә вакытында сөйләгән.

Вице-премьер Татьяна Голикова һәм сәламәтлек саклау министры Михаил Мурашко «Крокус Сити Холл»да теракттан соң хастаханәдә дәваланучыларның хәле турында сөйләде, дип яза «Татар-информ».

Курган өлкәсенең узган ел янгыннан зыян күргән Йолдыз авылына Бөтендөнья татар конгрессы даими рәвештә ярдәм итеп тора. Бу турыда Конгрессның матбугат хезмәте хәбәр итте.

Мәскәү өлкәсендәге «Крокус Сити Холл» концерт залындагы фаҗигадән соң россиялеләргә тагын да ныграк берләшергә һәм уяу булырга кирәк. Татарстан Республикасы Иҗтимагый палатасы әгъзасы Ольга Павлова «Татар-информ»га шундый фикер белдерде.

Россия Федерациясе Президентының Идел буе федераль округында тулы вәкаләтле вәкиле Игорь Комаров Мәскәү өлкәсендәге «Крокус Сити Холл»да теракт вакытында һәлак булучылар якыннарының тирән кайгысын уртаклашты. Ул шулай ук зыян күрүчеләрнең барысына да савыгу теләде.

Россия һәм Казахстан Президентлары Владимир Путин һәм Касым-Жомарт Токаев телефоннан сөйләште. Бу турыда Кремль матбугат хезмәте хәбәр итте.

Россия Президенты Владимир Путин чын күңелдән Россия гражданнарының кайгысын уртаклаша һәм уртак дошман – халыкара террорчылыкка каршы көрәштә көчләрне берләштерергә әзер булган илләр белән хезмәттәшлеккә өметләнә. Бу хакта дәүләт башлыгы гражданнарга Мәскәү өлкәсендәге «Крокус Сити Холл»да булган терактка бәйле мөрәҗәгатендә әйтте.

Мәскәү өлкәсендәге «Крокус Сити Холл»да тыныч кешеләргә һөҗүм иткән террорчыларны үч алу һәм оныту гына көтә, аларның киләчәге юк. Бу хакта үзенең мөрәҗәгате вакытында Президент Владимир Путин әйтте. Трансляция федераль телеканалда булды.

Мәскәү өлкәсендәге «Крокус Сити Холл»да тыныч халыкка һөҗүм иткән террорчылар, СССРның оккупацияләнгән территорияләрендә фашист нацистлары кебек, күрсәтмә җәза оештырырга ниятләгән. Бу хакта РФ гражданнарына мөрәҗәгатендә Президент Владимир Путин әйтте. Трансляция федераль телеканалда булды.

22 мартта Мәскәү өлкәсендәге «Крокус Сити Холл»да теракт булды. Фаҗигагә кадәр биредә бию буенча Россия чемпионаты һәм Беренчелеге узган. Анда 12 яшьлек Казан кызы катнашкан. Бу турыда «Татар-информ» хәбәр итте.

Мәскәү өлкәсендә «Крокус Сити Холл» концертлар залы хәрабәләрен аралаганда ачыкланганча, һәлак булучылар саны 133кә җитте. Бу турыда РИА Новости хәбәр итте.

Патриарх Кирилл «Крокус Сити Холл»дагы теракттан соң Мәскәү епархиясе гыйбадәтханәләре иминлеген көчәйтергә кушты, дип хәбәр итә РИА Новости.

Россия Президенты Владимир Путин Мәскәү өлкәсендәге «Крокус Сити Холл»да терактта зыян күрүчеләргә күрсәткән ярдәм өчен илнең барлык махсус хезмәтләренә һәм гражданнарына рәхмәт белдерде. Дәүләт башлыгы илгә мөрәҗәгать белән чыгыш ясады. Трансляция федераль телеканалда булды.

Россия Президенты Владимир Путин Белоруссия коллегасы Александр Лукашенко белән телефон аша сөйләште. Бу хакта Кремльнең рәсми вәкиле Дмитрий Песковка сылтама белән ТАСС хәбәр итә.

Кичә Мәскәү өлкәсендәге «Крокус Сити Холл»да теракт булды. Татарстан спорт клублары һәлак булучыларның туганнары һәм якыннарының кайгысын уртаклашты. Бу хакта алар үзләренең социаль челтәрләрендә язды.

Мәскәү өлкәсендәге «Крокус Сити Холл»да теракт белән бәйле рәвештә, Россиядә 24 март матәм көне дип игълан ителде. Бу хакта үзенең мөрәҗәгате вакытында Президент Владимир Путин әйтте.

Татарстанда түләүләр җыю буенча гомуми картина уңай булса (торак-коммуналь хезмәтләр өчен бурычлар халык арасында да, предприятиеләр арасында да кими) – кайбер муниципалитетларда хәл бөтенләй киресенчә. Бу хакта Татарстан Республикасы Хөкүмәте Йортында узган киңәшмәдә Татарстан Республикасы Премьер-министры Алексей Песошин белдерде.

Россия Федерациясе мөселманнары Диния нәзарәте рәисе, Россия Мөфтиләр шурасы рәисе мөфти шәех Равил Гайнетдин «Крокус Сити Холл»га һөҗүм корбаннарына өчен дога кылырга чакырды. Бу турыда Мөфтиләр шурасы сайтында хәбәр ителә.

Әлмәттә Мәскәү өлкәсендәге теракт корбаннарына багышланган стихияле мемориал оештырылды. Ул шәһәр паркына керү янында урнашкан. Шәһәрлеләр һәлак булучылар истәлегенә чәчәкләр һәм шәмнәр китерә башлаган. Бу турыда «Татар-информ» яза.

Мәскәү өлкәсе Сәламәтлек саклау министрлыгы сайтында «Крокус Сити Холл»да терактта һәлак булучыларның яңартылган исемлеге чыкты. Исемлектә 41 кеше.

Чаллы мэриясе бинасы янында Мәскәү өлкәсендәге «Крокус Сити Холл»да теракт корбаннары истәлегенә мемориал оештырылган. Кадрлар шәһәр башкарма комитеты телеграм-каналында чыкты.