Новости за 08.03.2024

1 марттан 3 мартка кадәр Тольяттида 21 яшькә кадәрге яшүсмерләр арасында тхэквондо буенча Идел буе федераль округы беренчелеге узды. Алабуга спортчысы Глеб Махеев беренче урынны яулады. Бу хакта «Алабуга нуры» хәбәр итә.

Әлки районында махсус хәрби операциядә катнашучыларның әниләре, хатыннары, якыннарын 8 Март белән котладылар. Алар сый-нигъмәтләр әзерләнгән табынга чакырылды. Бу хакта «Әлки хәбәрләре» яза.

Иске Зәйдән «Журавль» кушаматын йөртүче өлешчә мобилизация игълан ителүнең беренче көннәреннән Ватан сагына басты. Бу көннәрдә ул да туган ягына ялга кайтты. Бу хакта «Зәй яңалыклары» хәбәр итә.

Бүген Казанның «Ак Барс» хоккейчылары Екатеринбургның «Автомобилист» командасына 1:2 исәбенә җиңелде. Казан командасы дүртенче уенда оттырды һәм плей-офф этабыннан төшеп калды. Матч Казанда «Татнефть Арена» боз сараенда узды.

Кукмараның Манзарас авылында гомер итүче Флера һәм Хөрмәтулла Төхбәтуллинарның гаилә корып яши башлауларына 65 ел тулды. Хезмәт ветераннарын күркәм юбилейлары белән котларга район Башкарма комитеты житәкчесенең социаль мәсьәләләре буенча урынбасары Айгөл Әхмәтшина, ЗАГС бүлеге житәкчесе Зөлфия Латыйпова, Манзарас авыл жирлеге башлыгы Рәшидә Хәбибуллин, балалары, туганнары килде. Бу хакта «Хезмәт даны» яза.

Очучы һәм спортчы Халидә Макагонова Александр Невский ордены белән бүләкләнде. Аңа дәүләт бүләген башкала мэры Сергей Собянин тапшырды. Бу хакта Татарстанның Россиядәге Тулы вәкаләтле вәкиллеге хәбәр итте.

2023 елның гыйнварыннан декабренә кадәр Татарстанда яшәүчеләрнең реаль хезмәт хакы 13,2 процентка артты. Бу хакта Татарстанстат республиканың социаль-икътисади хәле турында әзерлгән доклад мәгълүматларыннан күренә. Шул ук вакытта төбәктә яшәүчеләрнең номиналь кереме 18,8 процентка, ягъни 61840,7 сумга кадәр арткан.

Иртәгә, 9 мартта, 11.00 сәгатьтә Казанда Оренбург трактында «Порт» сәүдә үзәге янындагы мәйданчыкта контракт буенча хәрби хезмәткә сайлап алу мобиль пункты эшләячәк.

Татарстан халкының 53,3 проценты – ул хатын-кызлар. Аларның 51 проценты эшкә яраклы яшьтә, 17,7 проценты бу яшьтән яшьрәк, ә 31,3 проценты олырак. Бу хакта Татарстанстат Халыкара хатын-кызлар көненә багышланган тикшеренүдә белдерә.

Бүген социаль челтәрләрдә Казандагы бер йортның 5нче катындагы балкон тәрәзәсен чыккан ир-ат төшерелгән видео таралды.

Татарстан Дәүләт Советы Рәисе Фәрит Мөхәммәтшин республиканың гүзәл затларын Халыкара хатын-кызлар көне белән котлады. Республика парламенты спикеры котлавын телеграм-каналында куйды.

2024 елның гыйнварында Татарстанда йомырка бәясе, узган елга караганда, 63,8 процентка артты. Бу хакта Татарстанстат республиканың социаль-икътисади хәле турында әзерлгән докладыннан билгеле булды.

АКШ Президенты Джо Байден белдергәнчә, Россиядә дарулар, Америкага караганда, 40 процентка арзанрак.

Бүген Байлар Сабасында өстәл теннисы буенча республика ярышлары ачылды. Ачылыш тантанасында Татарстан Рәисе Рөстәм Миңнеханов һәм Саба районы башлыгы Рәис Миңнеханов катнашты. Бу турыда Татарстан Рәисенең матбугат хезмәте хәбәр итте.

6 март көнне КФУның Филология һәм мәдәниятара багланышлар институтындагы «Әллүки» яшь иҗатчылар берләшмәсе утырышында шагыйрь, Татарстан китап нәшриятының баш мөхәррире Ленар Шәех Габдулла Тукай исемендәге Дәүләт премиясенә үз намзәте тәкъдим ителүен әйтте. Шагыйрьне «Евразия иҗади гильдиясе» коммерцияле булмаган оешмасы тәкъдим иткән.

Татарстанда «ИнформУИК» проекты тәмамланды. 17 февральдән 7 мартка кадәр өйдән-өйгә йөрүчеләр республиканың 1,6 миллионнан артык йорт хуҗалыгында булды, алар халыкны сайлауга чакырды, тавыш бирүнең төрле вариантлары турында сөйләде. Татарстан Үзәк сайлау комиссиясе шул хакта хәбәр итә.

Узган ялларда Пенза өлкәсенең Урта Әләзән авылы мәхәлләләре арасында чаңгы ярышы булган. Ярыш Россиядә «Гаилә елы» һәм РФ мөселманнары Диния нәзарәте тарафыннан игълан ителгән «Мөселман гаиләсе елы» уңаеннан оештырылган. Бу турыда Диния нәзарәте социаль челтәрләрдә хәбәр итте.

Согуд Гарәбстаны халкы бу көннәрдә Россиядән изге урыннарга гыйбадәт кылырга килүчеләрне ачык каршы ала һәм Россия дәүләтенең дөньякүләм процессларда зур роль уйнавына игътибар итә. Рамазан ае алдыннан Мәккәгә килгән Россия мөселманнары Дини җыены җитәкчесе мөфти Әлбир Крганов ТАССка шул турыда сөйләде. Дини җыенның матбугат хезмәте шул хакта хәбәр итте.

1 майда 19.00 сәгатьтә Киров өлкәсенең Урта Шөн авылы мәдәният йортында «Татар-кызы-2024» бәйгесе була. Бу турыда Бөтендөнья татар конгрессы хәбәр итте.

Ростов-на-Донуда Татарстан Республикасының «Казан» бию ансамбле концерты зур аншлаг белән узды. Бу хакта Вконтакте социаль челтәрендә «Краснодар татарлары» сәхифәсендә хәбәр ителә.

Казанда туып-үскән Камилә Вәлиеваны, допинг өчен дисквалификацияләү турындагы карардан соң, Россия җыелма командасыннан чыгардылар.

Пенза өлкәсенең Татар милли-мәдәни мохтариятенә татар халык кул эшләре дәресләренә йөрүче балалар Халыкара хатын-кызлар көнендә әниләрен сөендерергә һәм гаҗәпләндерергә булган. Бу хакта Пенза өлкәсенең Татар милли-мәдәни мохтариятенең ВКонтакте социаль челтәрендәге төркемендә хәбәр ителә.

Хатын-кызлар еш кына катлаулы мәсьәләләрне хәл итүне үз өстенә ала. Аларның проблемалар һәм мәшәкатьләр өемен хәл итә белүе һәм шул ук вакытта сокландыргыч булып калуы ир-атларны гаҗәпләндерә. Бу хакта Халыкара хатын-кызлар көнендә Россия Президенты Владимир Путин белдерде. Видеомөрәҗәгать Кремль сайтында чыкты.

Азәрбайҗанның SOCAR дәүләт нефть компаниясе һәм «Татнефть» ГАҖ нефть химиясе өлкәсендә хезмәттәшлек турында килешү төзеде. Бу хакта ТАСС Азәрбайҗан корпорациясенең матбугат хезмәтенә сылтама белән хәбәр итә.

Яз бәйрәме уңаеннан Россия Федерациясе мөселманнары Диния нәзарәте рәисе, мөфти шәех Равил Гайнетдин хатын-кызларны бәйрәм белән котлады.