Новости за 06.03.2023

Татарстанның һәм Башкортстанның халык артисты Айдар Галимов «III Яңа татар җыры» бәйгесенә багышланган очрашуда репертуар мәсьәләсе турында фикерен әйтте. 

Бүген Казанда фронт шәфкать туташы һәм разведчик, Бөек Ватан сугышы ветераны Самра Бикмеева вафат булды. Аңа 101 яшь булган. Бу хакта «Татарстан» журналы хәбәр итә.

Бу атнада Татарстан башкаласында һава торышы аномаль җылы була. 8 мартта көндез җепшек кар яварга мөмкин. Бу хакта «Татар-информ»га Казан федераль университеты профессоры, география фәннәре докторы Юрий Переведенцев хәбәр итте.

Рәшит Ваһапов фонды оештыручы «Яңа татар җыры» бәйгесендә яңа номинация барлыкка килгән. Ул «Ил дәшкән чагында» дип атала. Бу хакта Ваһапов фонды чаралырына багышланган журналистлар белән очрашуда фонд җитәкчесе Рифат Фәттахов әйтте.

Түбән Новгородның Уразавыл мәдәният йортында «Нижгар Сылуы» I өлкә конкурсы узды. Бәйгедә Сафаҗай авылыннан Алия Хәлилуллина җиңде.

Чаллыда Рөстәм Миңнеханов һәм Марина Патяшина тәнкыйтеннән соң ашханәләрдә тикшерүләрне көчәйтәчәкләр.

КФУ Филология һәм мәдәниятара багланышлар институтының татар әдәбияты кафедрасы доценты, филология фәннәре кандидаты Гөлфия Гайнуллинаның әнисе вафат булу сәбәпле, институт кайгы уртаклашты.

Омск өлкәсенең Тара шәһәре «Север» мәдәният үзәгендә «Батырлык гасырларда кала» дип аталган Муса Җәлил исемендәге XII районара шигырь укучылар бәйгесе узды.

Чаллы мэры Наил Мәһдиев авырый торган хезмәткәрләрне өйләренә кайтарырга кушты, чөнки башка эшчеләргә чир йоктыру куркынычы бар. Шәһәрдә авыручылар саны әлегә кимеми. Бу хакта ул мэриядә аппарат киңәшмәсендә хәбәр итте.

Башкортстанның халык шагыйре, тәрҗемәче һәм журналист, Салават Юлаев исемендәге Башкортстан Дәүләт премиясе лауреаты Рәми Гариповның 90 еллыгына ramigaripov.ru интернет-сайтын ясаганнар.

Татарстан Рәисе Рөстәм Миңнеханов  Социалистик Хезмәт Геройлары - галим һәм җәмәгать эшлеклесе Илдус Мостюковны һәм химия сәнәгате хезмәткәре Гөлсинә Зантимерованы юбилее белән котлады. Республика җитәкчесе котлауны Телеграм-каналына куйды.

Татарстан мөфтие Камил хәзрәт Сәмигуллина якынлашып килүче Бәраәт кичәсе уңаеннан мөрәҗәгать итте. Әлеге текст Татарстан Диния нәзарәте сайтында чыкты.

Иртәнге сәгать дүрттән Татарстанда М5 федераль трассасында транспорт хәрәкәтен ачтылар. Бу хакта «Приуралье» федераль юл хуҗалыгы»ның автомобиль юллары федераль идарәсе» федераль казна учреждениесенең матбугат хезмәте хәбәр итә.

Быелгы язда Татарстанда яшәүчеләрне дүрт кыскартылган эш атнасы көтә. Бу Татарстан Хезмәт, халыкны эш белән тәэмин итү һәм социаль яклау министрлыгының җитештерү календарендә күренә.

«Туган як» газетасында Олег Әндәрҗановның «Мәскәүдә Муса Җәлил истәлегенә багышланган юбилейлы турнир узды» дигән язмасы чыккан. Аны Бөтендөнья татар конгрессы сайтында бирделәр.

Төмәннең «Яңарыш» газетасында Римма Умитбаеваның «Бишек җырлары»н олысы, кечесе тыңлады» дигән язмасы чыкты.

Ульяновск өлкәсенең «Өмет» газетасында Рузия Хәлимованың «Өлкәбезнең татар авыллары уналтынчы гасырда ук барлыкка килгән» дигән язмасы чыкты.

Кайбыч районында яшь гаиләләрне торак белән тәэмин итү проблемасы төрле дәүләт программалары ярдәмендә хәл ителә. Бу хакта «Кайбыч таңнары» сайтында хәбәр ителә.

Яшел Үзәннең Норлат мәктәбендә «Татар кызы - 2023» бәйгесе үткәрелде. Бу бәйгедә һәр сыйныфтан бер кыз катнашты. Кызлар һәр биремгә иҗади якын килеп, үзләренең татар халык ашларын, ризыкларын, костюмнарын тәкъдим итте. Әдәби әсәрләрдән чыгышлар күрсәтте.

«Хыял» иҗат клубы коллективы Әлфия Рәхмәтуллина инициативасы һәм Аксубай үзәк район китапханәсе ярдәме белән махсус хәрби операция зонасында катнашучыларга ярдәм йөзеннән флешмоб оештырды.