Новости за 20.03.2023

Әлмәттән мобилизацияләнгән өч хәрби хезмәткәр ялга кайтты. Хезмәт урыныннан Татарстан солдатларының билгеләнгән урынга кайтуы үзәкләштерелгән рәвештә оештырылды.

https://tatar-congress.org/

19 мартта Чаллыда Бөтендөнья татар конгрессы призларына татар яшьләре арасында футбол буенча чемпионат тәмамланды.

Турнирда 4 команда катнашты, алар бер ай дәвамында иң көчле команда исеме өчен көрәштеләр. Бу хакта Бөтендөнья татар конгрессы матбугат хезмәте хәбәр итә .

Турнирның төп бурычлары:

1. Халыкны физик культура һәм спорт белән системалы шөгыльләнүгә җәлеп итү;

2. Сәламәт яшәү рәвешен пропагандалау;

3. Татар халкын берләштерү һәм патриотизм тәрбияләү. Читать дальше...

Апрель аенда Серов шәһәрендә «Без-Урал татарлары!» татар мәдәнияте фестивале узачак. Катнашу өчен гаризалар 17 апрельгә кадәр кабул ителә. Бу хакта serovglobus.ru сайты хәбәр итә.

Рамазан алдыннан Владимир мөселманнары махсус хәрби операция зонасына 354 нче Владимир полкы хәрбиләренә чираттагы гуманитар йөк җибәрде. Владимир хәрбиләре өчен яңа йөк партиясе өлкә хөкүмәте ярдәме белән тапшырылды. Россия мөселманнары Диния нәзарәте шул турыда хәбәр итә.

Татарстанда һава торышының үзгәрүе көтелә – салкын арктик һава артка чигенү белән, температура әкренләп күтәреләчәк. Бу хакта Татарстанның Гидрометеорология үзәге хәбәр итә.

Татинвестгражданпроект

Приморье краендагы төбәк әһәмиятендәге яңа мәчет проектын «Татинвестгражданпроект» белгечләре ясый. Мәчет Дальхимпром тирәсендә төзеләчәк, төзелеш өчен урын инде бүлеп бирелгән. Бу хакта «Татар-информ»га проект оешмасы вәкиле Кира Маслова хәбәр итте.

«Мәчетнең урын киңлеге чишелеше җирле мөселман гыйбадәтханәләренең традицион үзенчәлекләренә нигезләнә. Мәчет бинасы ике каттан тора. Төп зал 96 кешене сыйдыра. Территориядә икенчел әһәмияттәге биналар урнаштыру күздә тотыла», – диде Маслова. Читать дальше...

Казанда күп фатирлы сигез йортта яшәүчеләр өчен хәрби прокуратура таләбе буенча торак-коммуналь хуҗалык хезмәтләренә түләүләрне яңадан исәпләгәннәр.

Татарстан Дәүләт Советы Рәисе, Халыкара хезмәттәшлек проблемалары буенча Россия Закон чыгаручылар советы комиссиясе рәисе, Азия һәм Африка халыклары белән теләктәшлек һәм хезмәттәшлек буенча Россия комитетының попечительләр советы әгъзасы Фәрит Мөхәммәтшин бүген Мәскәүдә узган «Россия - Африка күпполярлы дөньяда» икенче халыкара парламент конференциясенең пленар утырышында катнашты.

Казанда 16 катлы йортта чыккан янгында хатын-кыз һәлак булган. Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә шул турыда хәбәр иттеләр.

19 мартта Прокопьевск шәһәренең Зенков паркында «Кышкы Сабантуй-2023» дип аталган спорт һәм язгы уеннар бәйрәме узды. Аны инде алтынчы тапкыр җирле татар милли автономиясе «Ясная Поляна» мәдәният сараеның «Яшьлек» татар мәдәнияте үзәге белән берлектә оештыра. Бөтендөнья татар конгрессы шул турыда яза.

Сишәмбе, 21 мартта, Татарстан территориясендә аязучан болытлы һава көтелә. Төнлә һәм иртән томан булырга мөмкин. Татарстанның Гидрометеорология үзәге шул турыда кисәтә.

Түбән Кама районы башлыгы Рамил Муллин Түбән Камада Татарстанның Казандагы Милли китапханәсенә охшаш китапханә булдырырга кушты. Ул яңа мәйданчыклар булдырган вакытта иҗади алым кулланырга кирәген билгеләп үтте.

Татарстан Республикасы Премьер-министры урынбасары – Татарстан Республикасының Россия Федерациясендәге Тулы вәкаләтле вәкиле Равил Әхмәтшин Г.Тукай исемендәге Әтнә татар дәүләт театры директоры Ленар Зәйнуллин белән очрашты. Вәкиллек шул турыда хәбәр итә.

22 – 26 март көннәрендә Белоруссиядә «БелЭкспо» Күргәзмә үзәгендә XXХ Минск Халыкара китап күргәзмә-ярминкәсе узачак.   «Россия китаплары» стендында 14 нәшрият китапларын күрергә мөмкин булачак: «Татарстан китап нәшрияты», «АРТ-образ», «Молодая мама», «Мир Граля», «Карьера Пресс», «Критика Роста», «НеКнижка», «Русская панорама», «Архипелаг», «Веллингтония», «Редкая птица», «Самокат», «Пешком в историю», «А+А». Бирегә шулай ук Россиянең 150 нәшрияты үзенең берникадәр китапларын сатуга чыгарачак. Читать дальше...

«Изгелек янәшә» хәйрия фонды җитәкчесе Радик Габдрахманов талантлы балалар өчен лагерь булдырырга теләвен әйтте. Бу хакта ул «Балачак» җыр бәйгесенә багышланган матбугат очрашуында сөйләде. Спикерга бәйгенең приз фонды турында сорау бирелгән иде. Ул башта шул турыда әйтте, аннан талантлы балаларны җыю өчен тагын бер мәйдан булдырырга теләвен әйтте. 

Арча районы Көтек авылында яңа мәчет ачылу тантанасы булды. Мәчет узган ел ахырына төзелеп бетсә дә, махсус рәвештә рәсми ачылыш тантанасы Рамазан-шәриф аен каршы алып үткәрелде.

Татарстанда җиңел машина белән йөк машинасы бәрелешкән, анда өлкән яшьтәге хатын-кыз һәлак булган. Әлеге юл-транспорт һәлакәтенең видеосы чыкты.

Нәүрүз – игелеклелек, сабырлык, бердәмлек һәм теләктәшлек бәйрәме. Быел Татарстан Төркиягә бу бәйрәм белән символлаштырылган хисләрне тоярга мөмкинлек бирде, дип билгеләп үтте Төркия тышкы эшләр министры Мевлют Чавушоглу.

Алексеевск районы үзәгендә Г.С.Боровиков исемендәге 3нче мәктәп әдәби кунакханәсендә язучы, драматург, шагыйрь, Шәйхи Маннур, Абдулла Алиш, Фатих Хөсни, Гамил Афзал, Муса Җәлил исемендәге премияләр лауреаты, 2022 елның Габдулла Тукай исемендәге Татарстан Дәүләт премиясе лауреаты, «Безнең мирас» журналы баш мөхәррире Ләбиб Лерон белән очрашу булды. 

Айдар Фәррахов телне аерып чыгару тормышка аша торган эш түгел дип исәпли.

Бүген «Ак Барс» хоккейчылары «Адмирал»га 0:1 исәбенә оттырды. Уен Владивостокта үтте.

«Балачак» III Халыкара вокаль конкурс-фестивалендә катнашу өчен гаризаларны март ахырына кадәр җибәрергә була.

Киң прокатка чыккан «Ибн Фадлан» документаль-нәфис фильмы «Пушкин картасы» исемлегенә кертелгән.

Түбән Камада СИБУР ширкәтенең «Яхшы эшләр формуласы» иҗтимагый инвестицияләр проекты грантына уздырылучы «Россиянең нефть, газ һәм химия шәһәрләре театрлары атналыгы» киләчәктә театр фестивале булыр дип күзаллана.

Төркиянең Кахраманмараш провинциясендә 4,3 магнитудалы җир тетрәү теркәлгән. РИА Новости шул хакта яза