Новости за 09.03.2023

Зәйдә Татарстанның иң өлкән кешесе Антонина Чижованы 8 Март бәйрәме белән котладылар. Аңа 107 яшь. Хәзерге вакытта аны кызы Людмила Задера һәм оныклары Любовь, Оксана карап-тәрбияләп тора. Бу хакта «Зәй яңалыклары» сайтында хәбәр ителә.

Казанның «Ак Барс» командасы плей-оффта «Нефтехимик»ка каршы бишенче уенда 6:1 исәбенә җиңде. Матч Казанда «Татнефть Арена» боз сараенда узды.

ЮХИДИ машина йөртүчеләрне Татарстанда һава торышы начарлану көтелүе турында кисәтте. Бу хакта республика Дәүләт автоинспекциясенең телеграмдагы рәсми каналында хәбәр ителә.

3 мартта Башкортстанның Республика Хәрби Дан музеена «Муса Гәрәев» портреты бүләк ителде. Аның авторы - Уфа рәссамы, Россия Рәссамнар берлеге әгъзасы Роман Сәйфуллин. Портрет 2015 елда Бөек Ватан сугышында Җиңүнең 70 еллыгына ясалган, дип хәбәр итә республика Мәдәният министрлыгының матбугат хезмәте. «Башинформ» шул турыда яза.

Казанның «Уникс» концертлар залында сигезенче көн рәттән Фирдус Тямаев концертлары бара. Бүгенге концертына ул махсус хәрби операциядә катнашкан егетләрне, һәлак булган хәрбиләрнең әти-әниләрен, хатыннарын, балаларын чакырган. 

Бүген Татарстанда кайбер радиостанцияләр һәм телеканаллар эфирында һавадан куркыныч янау турында ялган хәбәр чыкты. Радио- һәм телеканалларның тапшыруларын бүлеп сирена тавышы яңгырый башлый һәм һавадан ракета һөҗүме хакында игълан ителә, халыкка ышык урыннарга качарга киңәш ителә.

Җәйгә доллар курсы 80-85 сумга җитәргә мөмкин, дип фаразлыйлар «Арикапитал» инвестиция компаниясендә. Бу турыда «Татар-информ» хәбәр итте.

Таиландның Иммиграция бюросы җитәкчесе генерал-лейтенант Пакпомпипат Сатджапан тай кануннарын хөрмәт итмәгән чит ил кешеләре өчен сары (кисәтү) һәм кызыл (депортация) карточкалар системасын хуплады, дип хәбәр итә «Новости Пхукета» басмасы. «РИА Новости» шул турыда яза.

Санкт-Петербург шәһәрендә 12 март көнне «Темников: крепость империй» һәм «Историческая родословная касимовских татар» дип аталган китапларны тәкъдим итү кичәсе була. Бу турыда Санкт-Петербург һәм Ленинград өлкәсе татарларының Питер.татар порталы хәбәр итте.

Иртәгә, 10 мартта, Татарстанда моңа кадәр урнашкан тотрыксыз һава торышы сакланачак. Шул ук вакытта атмосфера фронтлары тәэсирендә метеошартлар янә бозыла, дип хәбәр итә Татарстанның Гидрометеорология үзәге.

Самара татарларының «Бердәмлек» газетасында Мәгърифә Гыйльфанованың «Бердәмлек»нең ягымлы кызлары!» дигән язмасы чыкты.

Бөгелмәдә яшәүче 11 яшьлек малайның башына офис бинасы түбәсеннән боз төшкән. Шуннан соң җинаять эше ачылган. Россия Тикшерү комитетының Татарстан Республикасы буенча идарәсе җитәкчесенең өлкән ярдәмчесе Андрей Шептицкий шул турыда хәбәр итте.

«Идел» журналы «Калеб» яңа буын җыены һәм Габдулла Кариев исемендәге яшь тамашачы театры белән берлектә җанында шигырь уты булганнар өчен «Галиҗәнап шигырь» кичәсе уздыра, дип хәбәр итте оештыручылар. Кичәдә «Идел» журналының «Яңа исем» проектына рәсми рәвештә старт биреләчәк.

Татарстанда яшәүче солист-вокалистлар, иҗат коллективлары, конферансьелар гаризаны 10 майга кадәр тапшыра ала.

Мәскәү шәһәренең «Дар» мәдәни үзәгендә «Чыганакларга кайту» проекты кысаларында «Дастан» күргәзмәсе ачылды. Күргәзмә Бөтендөнья татар конгрессының Милли шурасы тарафыннан игълан ителгән Милли дастаннар елына һәм татар халкының мәдәниятенә багышлана.

Татарстанда яшәүчеләр коммуналь хезмәтләр өчен түләүләрне ТР Тарифлар буенча дәүләт комитеты сайтында «Коммуналь түләүләр калькуляторы» ярдәмендә мөстәкыйль исәпләп чыгара ала. Бу хакта «Татар-информ»га биргән интервьюсында ТР Тарифлар буенча дәүләт комитеты рәисенең беренче урынбасары Лариса Хәбибуллина хәбәр итте.

«Татар халкының традицион костюмнары» сериясендә мәктәпкәчә һәм кече мәктәп яшендәге балалар өчен буягыч китаплар әзерләнде.

Хәрби комиссариатка ут төртүдә гаепләнүче унберенче сыйныф укучысы эше буенча Казанның Совет район судында эш башланды.

Иртәгә, 10 мартта, 11.00 сәгатьтә «Татмедиа»да «Кәеф» медиалабораториясендә Кунак Party – популяр чуваш блогерлары белән очрашу була.

Казан хакимияте 2023 елга гражданнар кеременең һәм салым салынырга тиешле милек бәясенең яңа күрсәткечләрен раслаган. Башкарма комитетның бу карары шәһәрнең хокук актлары һәм документлар җыентыгында чыкты.

XI Бөтенроссия татар авыллары эшмәкәрләре җыены делегатлары Чувашия республикасының татар авылларына сәфәр кылачак.

«Бюст янына якын килеп булмады. Бюстның кемгә багышлап куелганы турындагы язуны да уку мөмкин түгел иде», - диде ул.

Рәшит Ваһапов исемендәге җыр фестивале артистлары көз көне Баку белән Ташкент шәһәрләрендә юбилей концертлары куячак. Киләсе сезонда фестивальгә егерме ел була. Бу хакта Рәшит Ваһапов фондының еллык чараларына багышланган матбугат конференциясендә сөйләделәр. 

Татарстан Рәисе Рөстәм Миңнеханов республика Гаилә кодексына үзгәрешләр кертү турындагы законга имза куйды. Төзәтмәләр суррогат ана мәсьәләләрен җайга салуны көйли торган маддәләргә кагыла. Аерым алганда, баланың ата-анасы булып парлы гаилә генә түгел, ә суррогат ана турында килешү төзегән ялгыз хатын-кыз да языла алачак.

XI Бөтенроссия татар авыллары эшмәкәрләре җыенында катнашучылар Россия Федерациясе Герое, очучы Дамир Йосыпов турындагы фильмны карарга барачак.